ꯁꯤꯖꯤꯟꯅꯔꯤꯕ:Mayek Bot/Test/Bangla/ব্রহমচারীময়ুম্ রোজী
ব্রহমচারীময়ুম্ রোজী অসী ꯕꯦꯡꯒꯂꯤ ꯃꯌꯦꯛ:মীতৈলোনগী মমী কুম্হৈ সক্তম্ লাংবী সীনলোই অমনী ।[꯱]
পুন্সী ৱারী
[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]মহাক্ সৈরেংবা অমসুনী, স্ক্রীপ্ অইবা অমসু ওইরী। তোঙান্-তোঙান্বা কলাগী মওংসীংদা মহাক্কী থবক্সীংনা মহাক্কী মমীং অসী কলাবু নুংসীজবসীংগী মরক্তা তোইনা থোক্পা ৱাহৈ অমা ওইহল্লে। মহাক্ অতোপ্পা কনাগুম্বা নৎতে ব্রহমচরীময়ুম্ রোজীনী। রোজী য়াওদনা আরৎ ফ্রাতরনীতী অসী মপুং ফাবা ওইরোই। মহাক্কী থবক্সীংগী মনুংদা য়াম্না তোপ্-তোপ্পা অমসুং মহৌসাগী ওইবা কলাগী মওং সুমাং লীলা য়াওরী, মদুদা মহাক্পু নুপী সুমাং লীলা কাংলুপ্সীংগী মরক্তগী খ্বাইদগী ফবা মমীরোইগী মনা পীখী। রোজীবু নুপী কাংলুপ্সীংগী কাংলুপ্কী মরক্তা '৫সুবা মনীপুরা একাদেমী সুমাং লীলা ফেসতীবেল্ ২০১৬'দা খ্বাইদগী ফবা মমীরোইগী মনা পীখী। মহাক্না য়ুম্নম্ রাজেন্না ইবা অমসুং জুগোল্চন্দ্রা সরমানা লম্জীং-লম্তাক্খীবা 'পুরাক্লে পাওজেল্' হাইনা মীংথোন্বা সুমাং লীলাগী ফম্বাক্ কুম্হৈ অদুদা সক্তম্ লাংখী। ফম্বাক্ কুম্হৈ অসী ৱীমেন্ আরৎ এন্দা কল্চরা এসোসীএসনগী বেনরগী মখাদা উৎখী। রোজীনা মহাক্কী অঙাং ওইরীঙৈদগী হৌনা কলাগী মওংসীংদা পুক্নীং চংঙী। মহাক্না স্কুল্গী থৌরম্সীংদা সরুক্ য়াখী অমসুং অহান্বা অমসুং অনীসুবা মফম্সীং ফংখী। মহাক্না পাবা, স্কীৎ প্লেগুম্বা তোঙান্-তোঙান্বা থবক্-থৌরম্সীংদা পুক্নীং চংবা অদুনা খুদেক্পীদগী মহাক্কী মখুরা সনাতোম্বাগী মরক্তা অমবু পুক্নীং চীংসীল্লী। মদুগী মতুংদা সনাতোম্বানা মহাক্পু সাগোল্বন্দগী সোমোরেন্দ্রোগা সক্তাক্খী। সোমোরেন্দ্রোনা মখা তানা মহাক্পু সুরজাকান্তগী ময়ুম্দা পুখী, মহাক্ হৌজীক্ ফীল্্মা ফোরম্ মনীপুরগী চেয়রমেন্ ওইরী। সুরজাকান্তগী মপা লাইময়ুম্ বীস্নু সরমনা মহাক্পু এক্তীং তম্বীখী অমসুং মসী রোজীনা সক্তম্ লাংবগী মতাংদা অহান্বা তম্খীবনী। মদুগী মতুংদা মহাক্না মমী কুম্হৈসীংদা কনাগা মরী লৈনবগে হাইবদু খংলক্খী। রোজীনা ইং ২০০৪গী চহীদা অহান্বা ওইনা সেলুলোইদা মমী কুম্হৈ 'সজীগী লেহাও'দা সক্তম্ লাংখী। মমী কুম্হৈ অদু এল্.বীসনু সরমানা লম্জীং-লম্তাক্খী। নুংঙাইতবা ৱাফম্দী লোইসীনখীবা মমী কুম্হৈ অদু ফোংখীদে। মদুগী মতুংদা রোজীনা চহী ৬/৭কী মতুংদা দীজীতেল্ মমী কুম্হৈসীংগী সরুক্ অমা ওইবগী খুদোংচাবা ফংখী। দীজীতেল্ মমী কুম্হৈদা মহাক্কী অহান্বা এক্তীং অদু অতেন্বা মমী কুম্হৈ অমা ওইরীবা 'তান্'দা ওইখী।[꯱]
মহাক্না "সরম্চেৎ"দসু সক্তম্ লাংখী। মহাক্না ম্যুজীক্ ভীদীও তরা হেন্বা, অতেন্বা মমী কুম্হৈ তরেৎ অমসুং তেলীপ্লে মঙাদা সক্তম্ লাংখ্রে। মহাক্না চাওরাক্না মমী কুম্হৈ মাপন্দা মরুওইবা সক্তম্ লাংখী। মদুগী মনুংদা হু, সরম্চৎ, মাসীংখা, নুংসীদ্রসু নুংসী, ইচেতোন্, মীরাবা পন্বা য়াই। জীতেন্দ্রা নীংগোম্বানা লম্জীং-লম্তাক্পা 'সোরেন্', রনজীৎ নীংথোজানা লম্জীং-লম্তাক্পা 'না পং-ই তাজাদে', সুরজাকান্তনা লম্জীং-লম্তাক্পা 'মাই-ওন্' অমসুং 'নোংগল্লে' অনীমক্ অসীগুম্বা রোজীনা সক্তম্ লাংখীবা মমী কুম্হৈসীং অসী থা খরগী মনুংদা সীল্ভরদা লাক্লী। রোজী অসী হৌজীক্ পান্থোইবী নাত্য মন্দীরগা মরী লৈনৈ। মমাংদা রোজীনা দীপক্ নীংথোজাগী মখাদা এন্.তী. থীয়েতরদা লৈরম্মী। মহাক্না দীপক্না লম্জীং-লম্তাক্খীবা দ্রমা ১৮দা সক্তম্ লাংখ্রে। মহাক্না সুমাং লীলা ১১ হেন্বদসু সক্তম্ লাংখী মদুগী মনুংদা মহাক্না ৫সুবা মনীপুরা স্তেৎ কালা একাদেমী সুমাং লীলা ফেসতীবেল্গী খ্বাইদগী ফবা মমীরোইগী মনা ফংহনখীবা 'পুরাক্লে পাওখুম্' ফম্বাক্ কুম্হৈ অদুদা পেনখী। মহাক্না থবক্ তৌরীবা লম্জীং-লম্তাক্পা খুদীংমক্না পীবা কেরেক্তরা রোল্ অদু মহাক্না য়াই। মহাক্না মমী কুম্হৈ 'মাই-ওন্'দা অঙক্পা নুপী অমগী সীংননীংঙাই ওইবা সক্তম্ অমা লৌখী। মমী কুম্হৈ অসীগী স্ক্রীপ্ অদু রোজী মসামক্না ইখীবনী। লাইবক্ ফবদী, রোজীনা মহাক্কী লোইনবীগী অচৌবা মতেং ফংঙী। অদুবু নুপী অমা ওইবনা মহাক্ অরুবা ফীভম্ খরা থেংনৈ। মতম্ লেপ্পগী মতম্সীং লোইসীন্বা, য়ুম্গী থবক্সীং লোইসীন্বা, মমা-মপাবু সেবা তৌবা অসীনা মহাক্না তৌগদবা অদুখক্তনী। মসীগী মথক্তা, মহাক্না মহাক্কী এপোইনমেন্্তসীংগীদমক্তা মতম্ চুপ্পগী ওইবা মথৌ তাই।[꯱]
রোজী অসী তোঙান্-তোঙান্বা কলাগী মওংসীংগা মরী লৈনৈ। কলাগী মওং পুম্নমক্ খেৎনৈ। মওং খুদীংমক্কী মসাগী ওইবা তোপ্-তোপ্পা লৈ। মহাক্না দ্রমা, লীলা, ফীল্ম্ অসীনচীংবদা থবক্ তৌরীবসীদা মহাক্ য়াম্না নুংঙাইজৈ। মহাক্ মসীদগী তোঙান্-তোঙান্বা মহাও লৌরী। সুমাং লীলাদা সক্তম্ লাংবা অসী সীংনবা অমনী, মসী হনজীন্ হনজীন্ তৌবা য়াদে। মসী মাইকৈ মরীমক্তগী তসেংনা হীংঙী। সুমাং লীলাদা সক্তম্ লাংবা মতম্দা কনাগুম্বা অমনা য়াম্না চেক্সীন্বা মথৌ তাই। নুপী সুমাং লীলাগী চৎনবী অসী হীংহন্দুনা থম্নবগীদমক্, রোজীনা কলাগী মওং অসীদা য়াওবা হৌরক্পদগী হৌনা থমোই সেংনা থবক্ তৌদুনা লাক্লী। নুপীসীংনা তোঙান্-তোঙান্বা লম্সীংদা মাই পাক্খ্রে অমসুং মরম্ অসীনা কলাগী মওং অসীসু মাই পাক্পগী চাং লৈ। অদুম্ ওইনমক্, মসীদা খাংবা ঙম্বা অদু থম্বা কান্নৈ। মাই পাক্লবা আরতীস্ৎ অমা ওইবগীদমক্ রোজীনা মহাক্কী মমাগী মমা-মপা, মহাক্কী লোইনবীদা মহাক্না কৈদৌনুংদা লোইসীন্দ্রীবা মতেং পাংবগীদমক্ অমসুং মহাক্পু মহাক্কী অপাম্বগী মতুং ইন্না চৎপগী অয়াবা পীবা, মহাক্না লৌসীং থীরীবা মহাক্কী লম্জীং-লম্তাক্পসীংগীদমক্তসু থাগৎখী।[꯱]
মহাক্কী অহান্বা লম্জীং-লম্তাক্পা অদুদী এল্.বীস্নু সরমানী মসীগী মথক্তা মহাক্না পান্থোইবী থীয়েতরগী ৱাই. রাজেন্দ্রা, এন্.তী. থীয়েতরগী দীপক্, রুবী মংগাং, এ.কে. বেংগোল্, ইবোয়াইমা, লনচা, জুগোল্চন্দ্রা, নরেন্দ্রা নীংগোম্বাদগীসু লৌসীং লৌখী। মহাক্না তোঙান্-তোঙান্বা ৱারক্সোপ্সীংদসু সরুক্ য়াখী অমসুং নবা ৱারেপ্পা, গুনাচন্দ্রা সরমা, থানীল্ লেমা, বীদ্যাপতী, পী খোসে অসীনচীংবগী লম্জীং মখাদা তোঙান্-তোঙান্বা কলাগী মওংসীং তম্খী। রোজীনা এ.কে. বেংগোল্না লম্জীং-লম্তাক্খীবা ফম্বাক্ কুম্হৈ 'মাপোক্ লেং-ওন্ অমা' অমসুং ইবোয়াইমা খুমন্না লম্জীং-লম্তাক্খীবা 'নাওসুম্দাগী মোংফাম্' হাইরীবা ইবোয়াইমা খুমন্না লম্জীং-লম্তাক্খীবা অতোপ্পা ফম্বাক্ কুম্হৈ অমদগী খ্বাইদগী ফবা সপোরতীং এক্তরা অমসুং জুগীন্দ্রোনা লম্জীং-লম্তাক্পা ফম্বাক্ কুম্হৈ অমদা খ্বাইদগী ফবা মমীরোই ওইবগীদমক্ ২সুবা বেস্ৎ এক্ত্রেসকী মনা ফংখী। মহাক্পু ইং ২০১১গী বেস্ৎ ওফা এ.এম্.এম্.আই.কে.গী মনা পীখী অমসুং খ্বাইদগী ফবা ইসৈ ময়েক্কী মনাসু পীখী। রোজীবু ভীদীও মমী কুম্হৈ 'থাদোক্তুনা চৎখীনু'গীদমক্ খ্বাইদগী ফবা মমীরোই ওইনা খনগৎখী, অতেন্বা মমী কুম্হৈ 'মেতীং'গীদমক্তসু খ্বাইদগী ফবা লম্জীং-লম্তাক্পা ওইনা খনগৎখী। বেস্ৎ দীসীপ্লীন্ এৱার্দা অসী ফীল্্মা ফোরম্ মনীপুরনা রোজীদা পীখী। মহাক্না ইং ২০১৬কী চহীদা বী.আর. অম্বেদকরা নেসনেল্ এৱার্দসু ফংখী। রোজীনা ফম্বাক্ কুম্হৈ খরসু ইখ্রে। মদুগী মনুংদা সুমাং লীলানা 'ইতীনফাম্' অমসুং 'লীলাদা লীলা'গী সক্তম্ লাংলী, মমী কুম্হৈসীং- 'মাই-ওন্' অমসুং 'নোংগল্লে' মদুগী মনুংদা নম্বা লোইসীনগদৌরীবা, অতেন্বা মমী কুম্হৈসীং- 'মেতীং', 'থারারোইগে', 'লাইসেন্সা গন্' অমসুং 'পাই মরীমক্' অসী পন্বা য়াই। ইসৈ ময়েক্ মরীসু রোজীনা ইখী।[꯱]