ꯁꯤꯖꯤꯟꯅꯔꯤꯕ:Mayek Bot/Test/Bangla/সোরী ৱাহেংবম্

সোরী ৱাহেংবম্ (ৱাহেংবম্ রাসেস্বরী) অসী ꯕꯦꯡꯒꯂꯤ ꯃꯌꯦꯛ:মীতৈলোনগী মমী কুম্হৈ সক্তম্ লাংবী সীনলোই অমনী ।

পুন্সী ৱারী

রাসেস্বরী অসী কলাবু থৱাই য়াওবা মীওই অমনী। মহাক্কী কোরীয়োগ্রাফীগী থবক্সীংগী মথক্তা, মহাক্ থীয়েতরা, দ্রমা, সুমাং লীলা, ম্যুজীক্ ভীদীওসীংগী লম্দসু মমীরোই অমনী। মহাক্না অঙাং ওইরীঙৈগী মতম্দা লাংবা অমসুং কন্না থম্বা ৱাখল্লোন্ অমা লৈরম্মী, অদুবু মহাক্না ইনখৎলক্লীঙৈ মতম্দা মহাক্না জগোই, সক্তম্ লাংবা পাম্মী। মহাক্কী লাংবা অদুনা মরম্ ওইদুনা মহাক্না মহাক্কী মমা-মপাদা ফোংদোক্পা ঙম্দে। মহাক্পু কলাগী লম্দা পুনবা মহাক্কী মরী-মতা অমৎতা লৈতে। মহাক্কী মমা-মপানা মহাক্পু সান্ন-খোৎনবগী মীওই অমা ওইহন্বা অমসুং মহাক্পু জুদো সান্নহন্বা পাম্মী। মহাক্না সান্ন-খোৎনবসীং পাম্দবনা মরম্ ওইদুনা মহাক্না মতম্ সাংনা সান্নখীদে। সোরীনা করী পাম্মী হাইবদু খংবা মহাক্কী মচে অহল্না মহাক্পু কোর্সা অমগীদমক্ ফীল্্মা একাদেমী মনীপুরদা পুখী। মদুগী মতুংদা মহাক্না থীয়েতরা ৱারক্সোপ্সীংদা সরুক্ য়াখী মদুনা মহাক্না করীগুম্বা মওংদা মহাক্কী অপাম্বা কলাগী লম্দা চৎপা হৌবা ঙম্খী। সোরীনা মমী কুম্হৈ নম্বদা মহাক্কী মরুপ্সীংবু মদুগী মতাংদা লৌসীং খরা ফংনবা তুং ইন্দুনা চৎলম্মী। মহাক্কী মচে অহল্ অমসুং ময়াম্বা অহল্গী মতেংগা লোইননা মহাক্না অহান্বা ওইনা ইসৈ-নোংমাইগী ভীদীও 'নুংসীবী নাংতানী'দা সক্তম্ লাংখী। নীলাধ্বাজা খুমনগী লম্জীং লম্তাক্পগী মখাদা সোরীগী অহান্বা মমীকুমৈ অসী 'অসীথেল্'নী, অদুবু লাইবক্ থীবদী মমী কুম্হৈ অদু কৈদৌনুংদা ফোংখীদে। মদুগী মতুংদা সোরীনা জেসমীনগী মতেংনা অতেন্বা মমী কুম্হৈ নোংথাং লেইমাদা সক্তম্ লাংখী। মহাক্না বীস্বমীত্রনা লম্জীং-লম্তাক্খীবা অতেন্বা মমী কুম্হৈ খুজীন্দা গোপীদসু সপোরতীং এক্তরা অমা ওইনা সক্তম্ লাংখী। ব্রহমচরীময়ুম্ রোজীগী মতেংনা মহাক্না লাইময়ুম্ সুরজাকান্তনা লম্জীং-লম্তাক্খীবা 'মাইৱোন্'দা সপোরতীং রোল্ অমা লৌখী। মাই-ওন্ অসী ফীচরা ফীল্্মা অমদা মহাক্কী অহান্বা এক্তীংনী।

সোরী ৱাহেংবম্গী থীয়েতরগী মাইকৈদা অহান্বা খোংথাং অদু ইম্ফাল্ থীয়েতরদা ওইখী। থীয়েতরা প্লেদা মহাক্কী অহান্বা সক্তম্ অসী লোইতোংবম্ দোরেনগী লম্জীং মখাদা ইম্ফাল্ থীয়েতরগী তাজমহল্দা সনারেইগী সক্তম্ লাংখী। অদুদগী মথংদা অপুন্বা সক্তম্ আরতীস্ৎ এসোসীএসনগী অসীবাগী ৱাকৎকী এস.কে. মংগাংগী লম্জীং-লম্তাক্পগী মখাদা মরুওইবা সক্তম্ লাংখী। মহাক্না এসা থানীনলেমাগী লম্জীং-লম্তাক্পগী মখাদা খেনজোংলাং থীয়েতরগী 'রীক্সা অমাসুং নোংমেই" অমসুং "মেত্রীক্ পাস"গীদমক্তসু সক্তম্ লাংখী। মমীং লৈরবা থীয়েতরগী লম্জীং-লম্তাক্পসীং অসীগী মখাদা থবক্ তৌদুনা মহাক্না লৌসীং কয়া ফংবা ঙম্খী। মমী কুম্হৈসীংদা, সোরী ৱাহেংবম্না মাই-ওন্, ইয়া য়াই, নীংথোও, পালেম্ ইমা, ফোরা ইন্ ৱান্, পীয়াইনু অমসুং অতৈসীংদা সক্তম্ লাংখ্রে। মহাক্কী অতোপ্পা থবক্সীংগী মনুংদা থীয়েতরা, সুমাং লীলা, ম্যুজীক্ ভীদীওসীং, মমী কুম্হৈসীং অসীনচীংবদা সক্তম্ লাংবগী মথক্তা কোরীওগ্রাফী তৌবা য়াওরী। মহাক্কী কোরীয়োগ্রাফীগী লৌসীং অসী মহাক্না ফীল্্মা একাদেমী মনীপুরা অমসুং এ.আর.দী.এ.সী. গ্রুপ্কা মরী লৈনবদগী ওইখী। মতুংদা সোরী ৱাহেংবম্না বচন্ চোংথাম্দগী সুগেসসন্সীং ফংখী। ইসৈ-নোংমাইগী ভীদীওসীংদা মহাক্কী কোরীয়োগ্রাফীগী থবক্সীং অসী হাইনে লম্লোই, খোইদারুরে, নুংসী মচুনী, নুংসীগী ৱাহেইনা, য়াওসাং য়াওসাংদা উবা ফংগনী। মহাক্না লেপ্পীরাবা নাংনা, নংনা থাজানী, কোরৌনা থোক্লক্পদা অসীনচীংবগীদমক্ কোরীওগ্রাফীসু তৌখ্রে। মহাক্না কেরলাগী গুৱাহাতীদা পাংথোক্খীবা থীয়েতরা ফেসতীবেল্, ইন্তরনেসনেল্ য়ুথা ফেসতীবেল্দা সরুক্ য়াখ্রে। মমী কুম্হৈসীংগী নম্বা অসী সীল্লোং, সীল্চরা, গুৱাহাতী, তামু (ম্যানমার)দসু পাংথোক্খী। সোরী ৱাহেংবম্না কলাগী লম্দা মহাক্কী খোংচৎ অদুগী থাগৎপা ফোংদোক্লী মদুদী মহাক্কী মচে অহল্ অমসুং অনীসুবা ময়াম্বা অহল্, মহাক্কী ইমুং মনুংগী মীওইসীং, মহাক্কী গুরুসীং, মহাক্কী লম্জীং-লম্তাক্পসীং অমসুং মহাক্কী য়াইফবা পাম্জবসীংনী। মহাক্কী খোংচৎ অসী অরাইবা ওইখীদে। ইমুং মনুংগী মীওইসীংনা মহাক্পু পুক্নীং থৌগৎখীদ্রবসু মহাক্পু লম্জীংনবা কনাগুম্বা অমৎতা লৈখীদে। মহাক্কী মচে অহল্না মহাক্কী অহান্বা খোংচৎতা মহাক্কী অমৎতা ঙাইরবা লম্জীং-লম্তাক্পা ওইখী, অদুবু হৌজীক্তী ইমুং মনুংগী মীওই পুম্নমক্না মহাক্পু সৌগৎলী। মখোইগী মতেং পুম্নমক্কা লোইননা মহাক্না কলাগা মতম্ চুপ্পগী ওইনা মরী লৈনবা পাম্মী। অদুবু পুম্নমক্ মহাক্কী লাইবক্কী মখা পোল্লী। কলাগা মহাক্কী মরী অসী ইং ২০১১দগী হৌখী। হৌজীক্ ফাওবদা মহাক্না মমী কুম্হৈসীংগী মনুংদা মমী কুম্হৈ 'পালেম্ ইমা'গী সক্তম্ অদু পাম্মী। থীয়েতরদা, মহাক্কী মমীরোই লালুনসু য়াম্না মতেং পাংখীবা মেত্রীক্ পাসা ফম্বাক্ কুম্হৈ অদুগীদমক্ মহাক্কী সক্তম্ লাংবদা মহাক্না পেনখী। ফম্বাক্ কুম্হৈ অদুগী মীয়াম্নসু ফম্বাক্ কুম্হৈ অসীদা মহাক্কী থৌদাং অদুগীদমক্ মতম্ পুম্নমক্তা থাগৎখী। সীন্নাইবসীংগীদমক্, মীয়াম্দগী থাগৎপা অসীনা য়াম্না তাক্ই।

সোরী ৱাহেংবম্না কলা পাম্দবা মীওইসীংগা মরুপ্ ওইদে । মহাক্ দ্রগা সীজীন্নবা মীওইসীংবু নুংসীদে । মহাক্ মতম্ পুম্নমক্তা মমী কুম্হৈসীংদা সক্তম্ লাংবা পাম্মী। মহাক্না মীপুম্ খুদীংমক্পু সীন্নাইবসীংবু ইকাই খুম্নবা উৎনবা হাইজা মীপুম্ খুদীংমক্না সীন্নাইবা অদুবু ইকাই খুম্নবা উৎকদবনী অমসুং মতেং পাংগদবনী মদুনা ঐখোইনা সান্তী অমসুং য়াইফবা মওংদা হীংগদবনী । সোসীয়েল্ মীদীয়া অসী অফবা পাম্বৈ অমনী মরম্দী মসীনা কনাগুম্বা অমগী হৈথোই-সীংথোইবা অদু ফোংদোক্পা ঙম্মী হাইনা মহাক্না ৱাখল্লোন্ থম্খী। মসীনা মীওই কয়াগী অৱাবা পুন্সী অদু উৎলী অমসুং মথং মথং মখোইগী অৱাবা মতম্দা অমগ-অমগা মতেং পাংবা ঙম্গনী। মসী ঐখোইগী ৱাখল্লোন্সীং য়েন্থোক্নবা য়াবা পাম্বৈ অমসু ওইরী। মসী ঐখোইনা অনৌবা অমসুং অফবা পোৎলম্ কয়া তম্বা য়াবা লৌসীংগী বেংক্ অমনী। করীগুম্বা মতম্দা মসীনা ফৎতবা মসক্ অমসু পী। সোসীয়েল্ মীদীয়াগী খুৎথাংদা ৱাফম্ সন্দোক্লী। অদুনা, কনাগুম্বা অমনা সোসীয়েল্ মীদীয়া অসী য়াম্না চেক্সীন্না সীজীন্নগদবনী ।