ꯂꯤ ꯀꯨꯋꯟ ꯌꯨ

ꯂꯤ ꯀꯨꯋꯟ ꯌꯨ (ꯖꯤ. ꯁꯤ. ꯑꯦꯝ. ꯖꯤ. ꯁꯤꯆ. ꯑꯦꯁ. ꯄꯤ. ꯑꯦꯝ. ꯖꯦ. ꯗꯤ. ꯀꯦ.) (ꯄꯣꯛꯈꯤꯕ ꯍꯦꯔꯤ ꯂꯤ ꯀꯨꯋꯦꯟ ꯌꯨ ꯱꯶ ꯁꯦꯞꯇꯦꯝꯕꯔ ꯱꯹꯲꯳- ꯲꯳ ꯃꯥꯔ꯭ꯆ ꯲꯰꯱꯵) ꯑꯁꯤ ꯑꯌꯥꯝꯕꯅ ꯃꯍꯥꯛꯀꯤ ꯑꯍꯛꯄ ꯋꯥꯍꯩꯁꯤꯡ ꯑꯦꯜ. ꯀꯦ. ꯋꯥꯏ. ꯅ ꯈꯪꯅꯩ, ꯃꯍꯥꯛ ꯑꯁꯤ ꯱꯹꯵꯹ꯗꯒꯤ ꯱꯹꯹꯰ ꯐꯥꯎꯕ ꯁꯤꯡꯒꯥꯄꯨꯔꯒꯤ ꯑꯍꯥꯟꯕ ꯄ꯭ꯔꯥꯏꯝ ꯃꯤꯅꯤꯁꯇꯔ ꯑꯣꯏꯅ ꯊꯕꯛ ꯇꯧꯈꯤꯕ ꯁꯤꯡꯒꯥꯄꯨꯔꯀꯤ ꯔꯥꯖꯅꯤꯇꯤꯒꯤ ꯃꯤꯑꯣꯏ, ꯂꯩꯉꯥꯛꯂꯣꯟ ꯇꯧꯕ ꯃꯤꯑꯣꯏ, ꯑꯃꯁꯨꯡ ꯎꯀꯤꯜ ꯑꯃꯅꯤ ꯫ ꯂꯤ ꯑꯁꯤ ꯍꯧꯖꯤꯛ ꯃꯇꯝꯒꯤ ꯁꯤꯡꯒꯥꯄꯨꯔꯒꯤ ꯂꯩꯕꯥꯛ ꯑꯁꯤꯒꯤ ꯂꯤꯡꯈꯠꯄ ꯃꯄꯥ ꯑꯣꯏꯅ, ꯑꯃꯁꯨꯡ ꯃꯍꯥꯛꯀꯤ ꯃꯇꯝꯗ ꯃꯁꯤꯕꯨ ꯌꯥꯝꯅ ꯆꯥꯎꯈꯠꯂꯕ ꯂꯩꯕꯥꯛ ꯑꯃꯥ ꯑꯣꯏꯅ ꯍꯣꯡꯗꯣꯛꯄꯗ ꯃꯍꯥꯛꯀꯤ ꯂꯨꯆꯤꯡꯕꯒꯤꯗꯃꯛ ꯄꯥꯛ ꯁꯟꯅ ꯈꯡꯅꯩ ꯫

ꯂꯤ ꯑꯁꯤ ꯕꯔꯤꯇꯤꯁꯀꯤ ꯂꯣꯏꯂꯝꯒꯤ ꯂꯩꯉꯥꯛ ꯃꯇꯝꯗ ꯁꯤꯡꯒꯥꯄꯨꯔ ꯄꯣꯛꯈꯤ ꯫ ꯖꯥꯄꯥꯅꯤꯁꯤꯡꯅ ꯂꯧꯁꯤꯟꯈꯤꯕ ꯃꯇꯝꯗ, ꯂꯤꯅ ꯁꯦꯡꯗꯣꯛꯄꯒꯤ ꯊꯧꯗꯣꯛ ꯑꯃꯥꯗꯒꯤ ꯅꯥꯟꯊꯣꯛꯈꯤ, ꯃꯗꯨꯒꯤ ꯃꯇꯨꯡꯗ ꯖꯥꯄꯥꯅꯤꯁꯤꯡꯒꯤ ꯄ꯭ꯔꯣꯄꯥꯒꯦꯟꯗ ꯑꯣꯐꯤꯁꯀꯤ ꯑꯦꯗꯃꯤꯅꯤꯁꯇ꯭ꯔꯦꯁꯟ ꯁꯔꯕꯤꯁ ꯑꯣꯐꯤꯁꯔ ꯑꯃꯥ ꯑꯣꯏꯅ ꯊꯕꯛ ꯇꯧꯔꯤꯉꯩꯗ ꯃꯍꯥꯛꯀꯤ ꯃꯁꯥꯒꯤ ꯂꯂꯣꯟ ꯏꯇꯤꯛꯁꯤꯡ ꯍꯧꯈꯤ ꯫ ꯃꯥꯂꯦꯝꯒꯤ ꯂꯥꯟ ꯑꯅꯤ ꯁꯨꯕ ꯂꯣꯏꯔꯕ ꯃꯇꯨꯡꯗ ꯂꯤꯅ ꯀꯦꯝꯕ꯭ꯔꯤꯖꯀꯤ ꯐꯤꯠꯖꯋꯤꯂꯤꯌꯥꯝ ꯀꯣꯂꯦꯖꯗ ꯑꯥꯏꯟ ꯇꯝꯈꯤ, ꯏꯪ ꯱꯹꯴꯷ ꯇ ꯗꯕꯜ ꯐꯔꯁꯠ ꯗꯤꯒ꯭ꯔꯤ ꯑꯃꯥ ꯂꯧꯗꯨꯅ ꯒ꯭ꯔꯦꯖꯨꯑꯦꯁꯟ ꯇꯧꯈꯤ ꯫ ꯃꯍꯥꯛꯄꯨ ꯏꯪ ꯱꯹꯵꯰ ꯗ ꯃꯤꯗꯜ ꯇꯦꯝꯄꯜ ꯕꯥꯔꯗ ꯀꯧꯈꯤ ꯫ ꯃꯍꯥꯛꯅ ꯁꯤꯡꯒꯥꯄꯨꯔꯗ ꯍꯜꯂꯛꯄ ꯃꯇꯝꯗ ꯃꯍꯥꯛꯅ ꯕ꯭ꯔꯤꯇꯤꯁꯅ ꯃꯈꯣꯏꯒꯤ ꯂꯣꯏꯂꯝꯒꯤ ꯂꯩꯉꯥꯛ ꯑꯗꯨ ꯊꯥꯗꯣꯛꯅꯕ ꯈꯣꯡꯖꯪ ꯆꯪꯁꯤꯜꯂꯛꯄ ꯃꯇꯝꯗ ꯎꯀꯤꯜ ꯑꯃꯁꯨꯡ ꯋꯥꯌꯦꯜꯂꯣꯏ ꯑꯃ ꯑꯣꯏꯅ ꯊꯕꯛ ꯇꯧꯈꯤ ꯫

ꯂꯤꯅ ꯱꯹꯵꯴ ꯗ ꯄꯤꯄꯜꯁ ꯑꯦꯛꯁꯟ ꯄꯥꯔꯇꯤ (ꯄꯤ. ꯑꯦ. ꯄꯤ.) ꯑꯁꯤ ꯄꯨꯟꯅ ꯂꯤꯡꯈꯠꯈꯤ ꯑꯃꯁꯨꯡ ꯏꯪ ꯱꯹꯵꯵ ꯒꯤ ꯃꯤꯌꯥꯝꯒꯤ ꯃꯤꯈꯜꯒꯤ ꯃꯇꯝꯗ ꯇꯥꯟꯖꯣꯡ ꯄꯥꯒꯔ ꯗꯤꯕꯤꯖꯟꯗ ꯃꯍꯥꯛꯀꯤ ꯑꯍꯥꯟꯕ ꯐꯝ ꯑꯗꯨ ꯐꯪꯈꯤ ꯑꯃꯁꯨꯡ ꯄꯥꯔꯂꯤꯌꯥꯃꯦꯟꯠꯇ ꯗꯤ ꯐꯦꯛꯇꯣ ꯑꯣꯄꯣꯖꯤꯁꯟꯒꯤ ꯂꯨꯆꯤꯡꯕ ꯑꯣꯏꯈꯤ ꯫

ꯂꯤꯅ ꯃꯍꯥꯛꯀꯤ ꯗꯜꯕꯨ ꯏꯪ ꯱꯹꯵꯹ ꯑꯍꯥꯟꯕ ꯃꯤꯈꯜꯗ ꯃꯥꯏ ꯄꯥꯛꯄꯗ ꯂꯨꯆꯤꯡꯈꯤ ꯑꯃꯁꯨꯡ ꯂꯩꯄꯥꯛ ꯑꯁꯤꯒꯤ ꯑꯍꯥꯟꯕ ꯄꯤ.ꯑꯦꯝ. ꯑꯣꯏꯅ ꯍꯥꯞꯈꯤ ꯫ ꯕ꯭ꯔꯤꯇꯦꯟꯗꯒꯤ ꯃꯄꯨꯡ ꯐꯥꯅ ꯌꯨꯝꯒꯤ ꯂꯩꯉꯥꯛ ꯐꯪꯅꯕ, ꯂꯤꯅ ꯲꯹꯶꯳ ꯗ ꯃꯂꯦꯁꯤꯌꯥ ꯁꯦꯝꯅꯕ ꯅꯦꯁꯅꯦꯜ ꯔꯦꯐ꯭ꯔꯃꯥꯟꯗ ꯑꯇꯣꯞꯄ ꯍꯥꯟꯅꯒꯤ ꯕ꯭ꯔꯤꯇꯤꯁꯀꯤ ꯂꯝꯁꯤꯡꯒ ꯄꯨꯟꯁꯤꯟꯅꯅꯕ ꯈꯣꯡꯖꯪ ꯆꯪꯁꯤꯟꯈꯤ ꯫ ꯖꯥꯇꯤꯒꯤ ꯑꯣꯏꯕ ꯌꯦꯠꯅꯕ ꯑꯃꯁꯨꯡ ꯋꯥꯈꯜꯂꯣꯟꯒꯤ ꯈꯦꯠꯅꯕꯅ ꯃꯇꯨꯡꯗ ꯃꯂꯦꯁꯤꯌꯥꯗꯒꯤ ꯁꯤꯡꯒꯥꯄꯨꯔꯕꯨ ꯂꯧꯊꯣꯛꯈꯤ ꯑꯃꯁꯨꯡ ꯃꯗꯨꯒꯤ ꯃꯇꯨꯡꯗ ꯄꯨꯟꯁꯤꯟꯅꯕꯒꯤ ꯆꯍꯤ ꯑꯅꯤꯗꯒꯤ ꯌꯥꯝꯗ꯭ꯔꯕꯗ ꯏꯪ ꯱꯹꯶꯵ꯗ ꯅꯤꯡꯇꯝꯕ ꯐꯪꯈꯤ ꯫

ꯃꯤꯌꯥꯝꯒꯤ ꯃꯤꯈꯜ ꯈꯨꯗꯤꯡꯃꯛꯇ ꯄꯥꯔꯂꯤꯌꯥꯃꯦꯟꯠꯅ ꯃꯄꯨꯡ ꯐꯥꯅ ꯂꯥꯛꯁꯤꯟꯕꯒ ꯂꯣꯏꯅꯅ, ꯂꯤꯅ ꯃꯍꯥꯛꯀꯤ ꯄ꯭ꯔꯤꯃ꯭ꯌꯔꯁꯤꯞꯀꯤ ꯃꯅꯨꯡꯗ ꯁꯦꯟꯊꯣꯛ ꯌꯥꯝꯅ ꯂꯩꯕ ꯆꯥꯎꯈꯠꯂꯕ ꯂꯩꯕꯥꯛ ꯑꯃ ꯑꯣꯏꯅ ꯁꯤꯡꯒꯥꯄꯨꯔꯕꯨ ꯍꯣꯡꯗꯣꯛꯄ ꯑꯗꯨ ꯌꯦꯡꯁꯤꯟꯈꯤ ꯫ ꯊꯧꯑꯣꯡ ꯑꯁꯤꯗ ꯃꯍꯥꯛꯅ ꯌꯥꯝꯅ ꯀꯥꯟꯅꯔꯕ, ꯁꯦꯟꯖꯥ-ꯊꯨꯝꯖꯥꯒꯤ ꯃꯥꯌꯣꯛꯇ ꯂꯩꯕ ꯂꯩꯉꯥꯛ ꯑꯃꯁꯨꯡ ꯁꯤꯚꯤꯜ ꯁꯔꯕꯤꯁ ꯑꯃ ꯁꯦꯝꯈꯤ ꯫ ꯂꯤꯅ ꯃꯇꯝ ꯁꯥꯡꯅ ꯈꯨꯅꯥꯏꯒꯤ ꯑꯃꯁꯨꯡ ꯁꯦꯟꯃꯤꯠꯂꯣꯟꯒꯤ ꯊꯧꯔꯥꯡꯒꯤ ꯁꯧꯒꯠꯂꯗꯨꯅ ꯃꯤꯌꯥꯝꯅ ꯄꯥꯝꯅꯕ ꯊꯧꯁꯤꯜꯁꯤꯡ ꯊꯥꯗꯣꯛꯈꯤ, ꯃꯦꯔꯤꯇꯣꯀ꯭ꯔꯦꯁꯤ ꯑꯃꯁꯨꯡ ꯃꯜꯇꯤꯔꯥꯁꯤꯌꯦꯂꯤꯖꯝ ꯈꯨꯠꯊꯥꯡꯗ ꯁꯤꯚꯤꯀꯜ ꯅꯦꯁꯅꯦꯂꯤꯁꯠ ꯁꯧꯒꯠꯈꯤ ꯫

ꯂꯤꯒꯤ ꯄ꯭ꯔꯤꯃ꯭ꯌꯔꯁꯤꯞ ꯑꯁꯤ ꯋꯦꯁꯇꯔꯟ ꯋꯔꯜꯗ ꯑꯦꯊꯣꯔꯦꯇꯤꯛꯀꯤ ꯑꯣꯏꯕ ꯅꯠꯇ꯭ꯔꯒ ꯁ꯭ꯀꯣꯂꯔꯁꯤꯡ ꯑꯃꯁꯨꯡ ꯃꯤꯗꯤꯌꯥꯅ ꯂꯝꯖꯤꯡꯕ ꯗꯦꯃꯣꯀ꯭ꯔꯦꯁꯤ ꯃꯈꯜ ꯑꯃ ꯑꯣꯏꯅ ꯐꯣꯡꯗꯣꯛꯈꯤ ꯫ ꯃꯍꯥꯛꯄꯨ ꯄꯥꯎ-ꯆꯦꯒꯤ ꯅꯤꯡꯇꯝꯕꯁꯤꯡ ꯍꯟꯊꯍꯟꯕ, ꯃꯤꯌꯥꯝꯒꯤ ꯋꯥꯀꯠꯁꯤꯡꯗ ꯑꯄꯤꯛꯄ ꯉꯝꯈꯩꯁꯤꯡ ꯍꯥꯞꯄ, ꯌꯨꯅꯤꯌꯟꯒꯤ ꯃꯥꯌꯣꯛꯇ ꯂꯦꯖꯤꯁ꯭ꯂꯦꯁꯟ ꯑꯃꯁꯨꯡ ꯀꯣ-ꯑꯣꯞꯁꯟ ꯈꯨꯠꯊꯥꯡꯗ ꯏꯟꯗꯁꯇ꯭ꯔꯤ ꯅꯠꯇ꯭ꯔꯒ ꯁ꯭ꯇ꯭ꯔꯥꯏꯛ ꯑꯦꯛꯁꯟꯗ ꯁꯤꯟꯃꯤꯁꯤꯡꯒꯤ ꯈꯣꯡꯖꯪꯁꯤꯡ ꯊꯤꯡꯕ, ꯑꯃꯁꯨꯡ ꯃꯃꯤꯡ ꯂꯩꯔꯕ ꯂꯩꯉꯥꯛꯂꯣꯟꯒꯤ ꯃꯥꯌꯣꯛꯇ ꯂꯩꯕꯁꯤꯡꯒꯤ ꯃꯥꯌꯣꯛꯇ ꯏꯀꯥꯏꯈꯨꯝꯅꯕꯒꯤ ꯋꯥꯌꯦꯜꯁꯤꯡ ꯄꯨꯔꯛꯄꯒꯤꯗꯃꯛ ꯈꯟꯅꯈꯤ ꯫ ꯂꯤꯅ ꯑꯁꯤꯒꯨꯝꯕ ꯀ꯭ꯔꯤꯇꯤꯛꯁꯤꯡ ꯑꯁꯤꯒꯤ ꯍꯛꯊꯦꯡꯅꯅ ꯐꯡꯗꯨꯅ "ꯀꯔꯤꯒꯨꯝꯕ ꯁꯤꯡꯒꯥꯄꯨꯔ ꯑꯁꯤ ꯅꯥꯅꯤ ꯂꯩꯄꯥꯛ ꯑꯃ ꯑꯣꯏꯔꯕꯗꯤ, ꯃꯗꯨꯕꯨ ꯌꯣꯛꯈꯠꯄꯗ ꯑꯩ ꯆꯥꯎꯏ" ꯍꯥꯏꯅ ꯍꯥꯏꯈꯤ ꯫

ꯂꯤꯅ ꯏꯪ ꯱꯹꯹꯰ ꯗ ꯄꯤ.ꯑꯦꯝ. ꯐꯝꯗꯒꯤ ꯐꯝ ꯊꯥꯗꯣꯛꯈꯤ, ꯑꯗꯨꯕꯨ ꯃꯍꯥꯛꯀꯤ ꯃꯇꯨꯡꯗ ꯂꯥꯛꯈꯤꯕꯁꯤꯡꯒꯤ ꯃꯈꯥꯗ ꯃꯟꯇ꯭ꯔꯤ-ꯃꯟꯇ꯭ꯔꯤ ꯑꯣꯏꯅ ꯐꯝ ꯄꯥꯏꯗꯨꯅ ꯏꯪ ꯲꯰꯰꯴ ꯐꯥꯎꯕ ꯁꯦꯅꯤꯌꯔ ꯃꯟꯇ꯭ꯔꯤ, ꯃꯗꯨꯒꯤ ꯃꯇꯨꯡꯗ ꯏꯪ ꯲꯰꯱꯱ ꯐꯥꯎꯕ ꯃꯟꯇ꯭ꯔꯤ ꯃꯦꯟꯇꯔ ꯑꯣꯏꯅ ꯊꯕꯛ ꯄꯥꯏꯗꯨꯅ ꯂꯩꯈꯤ ꯫ ꯃꯍꯥꯛ ꯆꯩꯍꯤ ꯹꯱ ꯁꯨꯔꯛꯄꯗ ꯏꯪ ꯲꯰꯱꯵ ꯒꯤ ꯃꯥꯔ꯭ꯆ ꯲꯳ ꯗ ꯅ꯭ꯌꯨꯃꯣꯅꯤꯌꯥ ꯅꯥꯗꯨꯅ ꯂꯩꯈꯤꯗꯦ ꯫ ꯂꯩꯕꯥꯛꯀꯤ ꯑꯣꯏꯕ ꯅꯨꯡꯊꯤꯜꯒꯤ ꯆꯌꯣꯜ ꯑꯃꯗ ꯆꯥꯎꯔꯥꯛꯅ ꯃꯐꯝ ꯑꯗꯨꯒꯤ ꯃꯤꯑꯣꯏ ꯂꯤꯆꯥ ꯱꯷ ꯑꯃꯁꯨꯡ ꯃꯥꯂꯦꯝꯒꯤ ꯂꯨꯆꯤꯡꯕꯁꯤꯡꯅ ꯄꯥꯔꯂꯤꯌꯥꯃꯦꯟ ꯍꯥꯎꯁ ꯑꯃꯁꯨꯡ ꯈꯨꯟꯅꯥꯏꯒꯤ ꯑꯣꯏꯕ ꯏꯀꯥꯏꯈꯨꯝꯅꯕꯒꯤ ꯃꯐꯝꯁꯤꯡꯗ ꯂꯩꯕ ꯃꯍꯥꯛꯀꯤ ꯔꯥꯖ꯭ꯌꯗ ꯂꯩꯕ ꯃꯍꯥꯛꯄꯨ ꯏꯀꯥꯏꯈꯨꯝꯅꯕ ꯎꯠꯈꯤ ꯫