ꯁꯤꯖꯤꯟꯅꯔꯤꯕ:Mayek Bot/Test/2/ইথোই ওইনাম্
ইথোই ওইনাম্ (ইথোই ওইনাম্) | |
|---|---|
| ꯄꯣꯛꯄ | |
| ꯂꯩꯄꯥꯛ ꯃꯆꯥ | ꯕꯦꯡꯒꯂꯤ ꯃꯌꯦꯛ:ইন্দীয়া মচা |
| ꯁꯤꯟꯐꯝ | সক্তম্ লাংবী |
"ইথোই ওইনাম্" (ꯕꯦꯡꯒꯂꯤ ꯃꯌꯦꯛ:লেতীন্ ময়েক্ত: Ethoi Oinam) অসী ꯕꯦꯡꯒꯂꯤ ꯃꯌꯦꯛ:মনীপুরগী মৈতৈলোনগী মমী কুম্মৈগী সক্নাইরবী সক্তম্ লাংবী সীনলোই অমনী ।[꯱]
পুন্সী ৱারী
[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]হৌখীবা চহী খরসীদা মনীপুরা ফীল্্মা ইন্দসত্রীগী চৎনবী অসী য়াম্না হোংলক্লে। চাংদা, চহী খুদীংগী চাওরাক্না মনীপুরী দীজীতেল্ মমী কুম্হৈ ৬০দগী ৭০ ফাওবা পুথোক্খী। অদুবু মগুনগী মতাংদা, রাজ্য অসীগী মমী কুম্হৈগী ইন্দসত্রী অসী অতোপ্পসীংগা চাংদম্নবদা ৱাৎলী। মমী কুম্হৈসীং য়েংবদা মতীক্ চাবা অসী মমী কুম্হৈ ৫দগী ৬ ফাওবা খক্তমক্ নেম্না লাক্খী।[꯱]
ইন্দসত্রী অসী তসেংনা নহা ওইরীবা থৱাই য়াওবসীংগীদমক্তা হেনগৎহন্বা অমা ওইদুনা লাক্লী। হৈথোই-সীংথোইরবা মমীরোইসীংনা মখোইগী হৈসীংবসীং উৎখী অমসুং মপান্দগী য়েংলীবা মীওই কয়া অমবু পুক্নীং চীংসীন্বা ঙম্খী। তসেংনা খনগৎলবা অদু মসীং য়াম্দনা লাক্ই। মখোই অয়াম্বদী কনাগুম্বা অমনা গ্লেমরগীদমক্তা সক্তাক্খী। মখোই কয়া অমনা মমীরোই অমনা করী লৈগদগে হাইবদু সেম্-সাবা নৎত্রগা তম্বীদ্রবসু, মখোইনা করীগুম্বা মওংদা য়েংলীবসীংদা অহোংবা অমা পুরক্পা ঙম্গনী। মখোইনা পাম্বৈ অসীগী মাইকৈদা খোংথাং অমা লৌখৎপদা থাজবা থম্লী। মনীপুরী মমী কুম্হৈগী ইন্দসত্রীদা অনৌবা মসক্ থোক্পা মীওইসীংগী মনুংদা মমী কুম্হৈ সেম্বা অমা ওইরীবা, লৈখীদ্রবা ওইনাম্ সানৌগী অমৎতা ঙাইরবা মচানুপী নহা ওইরীবা অমসুং ফজরবা ইথোই ওইনম্ য়াওরী। মহাক্কী লৈখীদ্রবা মপা অমসুং মপুবোক্কী খোংথাং মতুং ইন্না হৈথোই-সীংথোইরবা ইথোইনা হৌজীক্ ফাওবদা তোঙান্-তোঙান্বা মনীপুরী দীজীতেল্ মমী কুম্হৈসীংদা সক্তম্ লাংখ্রে।[꯱]
ইথোই ওইনম্না চাওরাক্না মমী কুম্হৈ ১৫দা সক্তম্ লাংখ্রে মদুগী মনুংদা অমুক্তা অনী, সীরা সী চাং-ংগা চাং, হেন্না নুংসীজেই, নুংসী ফেইজেই, ইখোই পাবুংগী, অবেথোই অংগাওবী, মচা মকাই, নুংসী ফেইজেই-২, সনাগী ংগা-২, খোংচেৎ, এ.বী.সী. জীরো অমসুং অতৈসীং য়াওরী। মহাক্কী মপুবোক্ চন্দ্রা অসী মনীপুরী মমী কুম্হৈসীংগা মরী লৈনবা মীওই অমা ওইরম্মী। চন্দ্রনা সেলুলোইদা মমী কুম্হৈ অমা ওইরীবা 'ওরীরেই মাধবী' পুথোক্খী। লাইবক্ থীবদী চন্দ্রগী মমী কুম্হৈ অসী বোক্্সা ওফীসতা য়ৌবা ঙম্খীদে। অদুবু উরীরেই মাধবীগী ইসৈসীং অসী ঙসী ফাওবা হীংদুনা লৈরী। ওইনাম্ সানৌ অসী মহাক্কী মচানুপী ইথোইবু মমী কুম্হৈগী ইন্দসত্রীদা সেম্-সাখীবা মীওই অদুনী। ইথোইনা ক্লাস-১ তম্লীঙৈ মতম্দা মহাক্না সানৌগী মমী কুম্হৈ অমদা সক্তম্ লাংখী। ইথোইনা মহাক্কী পুন্সীগী য়াম্না ঙল্লীঙৈ মতম্দগী জগোই, ইসৈ-নোংমাইদা য়াম্না পুক্নীং চংবা উৎখী। চহী ৬ সুরক্পদা মমী কুম্হৈসীংদা সক্তম্ লাংলবা মতুংদা ইথোই অসী মতম্ পুম্নমক্তা সানৌগী প্রোদক্সন্সীংগী সরুক্ অমা ওইখী।[꯱]
ইথোই ওইনম্না অঙাং মমীরোই অমা ওইনা মমী কুম্হৈ ৬ হেন্বদা সক্তম্ লাংখী। চন্দ্রা অমসুং সানৌগী মরীদা য়াওবা ই অদু ইথোইদসু হোংদোক্খীবগুম্ তৌৱী। ইসৈ খুদীংমক্ ইথোইগীদমক্ খুদোংচাবা অমা ওইখী মফম্ অদুদা মহাক্না ইসৈসীংগী তান্থাসীংদা জগোই সারম্মী। মীংসেল্সীং অসী ইথোইগী স্তেজা অমসুং কেমেরানী। ইথোইনা মখোইগী খোংথাংদা চৎলী হাইবা খংবদা মহাক্কী মপা অমসুং মপুবোক্ অনীমক্ য়াম্না নুংঙাইতবা ফাওখী। লাইবক্ থীবদী সানৌ ইং ২০১০গী চহীদা লৈখীদে। ইমুং মনুং পুম্নমক্ অঙক্পা ফাওখী। মখোইনা মসী মখোইগী ইমুং মনুংদা থোক্পা য়াই হাইনা কৈদৌনুংদা থাজদে। মীকুপ্ অদুনা ইমুং মনুং অদু থাদোক্খী মদুদী মমী কুম্হৈগী পাম্বৈ অসীনা ইমুং অদু থাদোক্খ্রে। অদুবু ইথোইনা মহাক্কী নুংসীজরবা মপাবুং মাংখ্রবা মতুংদা মসাবু মমী কুম্হৈসীংদা কৎথোক্নবা ৱারেপ্ লৌখী। মহাক্না মহাক্কী মমাদা মহাক্কী ইসৈগী ভীদীও অমা পুথোক্নবা তক্সীনখী।[꯱]
মদুগী মতুংদা ইথোইদা ইং ২০১৪গী চহীদা মহাক্কী অহান্বা ইসৈ-নোংমাইগী ভীদীওদা সক্তম্ লাংখীবা মীকুপ্ অদু লাক্খী। ইসৈ-নোংমাইগী ভীদীও অদুগী মীংথোল্দী 'হাইখীনু থম্মোই'নী। হেমন্তা খুমন্না লম্জীং-লম্তাক্খীবা ইসৈ-নোংমাইগী ভীদীও অদু মহাক্কী লৈখীদ্রবা মপা সানৌদা কৎথোক্খী অমসুং বেবীচা সলাম্না কোর্যোগ্রাফা তৌখী। মসী ইথোইগীদমক্ গ্লেমরগী মালেম্দা মহাক্কী সীনফম্দা হৌরক্ফম্ অমা ওইখী। হৌজীক্ ফাওবদা ইথোই ওইনম্না ম্যুজীক্ ভীদীও ৩০ হেন্বদা সক্তম্ লাংখ্রে। মদুগী মতুংদা, মহাক্কী অহান্বা পরফোমেন্্সা 'অমুক্তা অনী' অসী বোক্্সা ওফীসতা ওইখী। মহাক্না মহাক্কী সীনফম্গী ইকাইখুম্নবা অদু মহাক্কী মপাদা পীগনী। মহাক্না মহাক্কী পুন্সী সীনফম্গীদমক্ থাগৎপা ফোংদোক্খীবা হেমন্তা খুমন্ অমসুং বেবীচা সলাম্বুসু থাগৎপা ফোংদোক্খী। মহাক্না মীওই অনী অসী উনদ্রবদী মহাক্কী মপাগী অপাম্বগী মতুং ইন্না লম্বীদা লাক্লম্লোই।[꯱]
ঙসীদী, মতম্ সাংনা নীংজবা মংলান্ অসী ইথোই ওইনাম্গীদমক্ অফবা মওংদা লাক্লে। মহাক্ অসী মনীপুরী মমী কুম্হৈ য়েংবসীংগী য়াম্না পাম্জবা মমীরোইসীংগী মনুংদা অমনী। মহাক্ রাজ্য অসীগী মমী কুম্হৈগী ইন্দসত্রীদা মফম্ অমা ফংবা ঙম্খী। মহাক্না মহাক্কী ইমুং মনুং অমসুং মহাক্কী খোংচৎ অদুগী মখাদা লৈরীবা মীওইসীংগী অপাম্বসীং অদু মেন্সীন্বা ঙম্গনী হাইনা থাজৈ। মহাক্কী পান্দম্দী মতম্ পুম্নমক্তা মনীপুরী মমী কুম্হৈসীংগা লোইননা লৈবা মীওই অমা ওইবনী। মমী কুম্হৈসীংদা মহাক্কী সক্তম্ লাংবা লোইরবা মতুংদসু, মহাক্ মমী-কুম্হৈ পুথোক্পা অমসু ওইগনী। অদুনা, মহাক্না মহাক্কী লোইনবী অসী মমী কুম্হৈ নৎত্রগা কলাগী খুৎথাংদা মরী লৈনবা মীওই অমা ওইগদবনী হাইনা ৱাখল্লোন্ থম্খী।[꯱]
ফংখীবা মনা
[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]কুম্খীবা মমী কুম্মৈসীং
[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]| চহী | মমী কুম্মৈসীং | লম্জীং-লম্তাক্লোই |
|---|---|---|
| 2009 | Chan-Thoibi | Priyakanta Laishram |
| 2014 | Amukta Ani | Romi Meitei |
| 2015 | Eikhoi Pabungi | Hemanta Human |
| 2015 | It's Not My Choice | Priyakanta Laishram |
| 2015 | Nungshi Pheijei | Chou En Lai |
| 2017 | Nungshi Pheijei 2 | Chou En Lai |
| 2017 | Henna Nungaijei | Kepidas |
| 2019 | Mutlamdai Thaomei | Sudhir Kangjam |
| 2018 | Taibang Kanana Thingadaba | Geet Yumnam |
| 2019 | Spaced Out - Panthung Di Kadaaida | Priyakanta Laishram |
| 2021 | Tharoi Ahambei Mahao | Homeshori |
সীমসু য়েংবীয়ু
[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]- ꯕꯦꯡꯒꯂꯤ ꯃꯌꯦꯛ:ওইনাম্ সাগৈ
- ꯕꯦꯡꯒꯂꯤ ꯃꯌꯦꯛ:ওইনাম্ বীজান্দো
- ꯕꯦꯡꯒꯂꯤ ꯃꯌꯦꯛ:ওইনাম্ নবকীসোর
- ꯕꯦꯡꯒꯂꯤ ꯃꯌꯦꯛ:ওইনাম্ বীরমংগোল্
- ꯕꯦꯡꯒꯂꯤ ꯃꯌꯦꯛ:ওইনাম্ স্বামীকুমার
- ꯕꯦꯡꯒꯂꯤ ꯃꯌꯦꯛ:ওইনাম্ দোরেন্
- ꯕꯦꯡꯒꯂꯤ ꯃꯌꯦꯛ:ওইনাম্ ভোগেসোর
- ꯕꯦꯡꯒꯂꯤ ꯃꯌꯦꯛ:জেম্সা ওইনাম্
- ꯕꯦꯡꯒꯂꯤ ꯃꯌꯦꯛ:ওইনাম্ গৌতম্
- ꯕꯦꯡꯒꯂꯤ ꯃꯌꯦꯛ:ওইনাম্ বেম্বেম্
- ꯕꯦꯡꯒꯂꯤ ꯃꯌꯦꯛ:বীনোরনজন্ ওইনাম্
- ꯕꯦꯡꯒꯂꯤ ꯃꯌꯦꯛ:জোন্ ওইনাম্
- ꯕꯦꯡꯒꯂꯤ ꯃꯌꯦꯛ:লাইবী ওইনাম্
- ꯕꯦꯡꯒꯂꯤ ꯃꯌꯦꯛ:ওইনাম্ লুখোই সীংহ