ꯁꯤꯖꯤꯟꯅꯔꯤꯕ:Mayek Bot/Test/Bangla/রেস্মী সোরোখাইবম্

রেস্মী সোরোখাইবম্ অসী ꯕꯦꯡꯒꯂꯤ ꯃꯌꯦꯛ:মনীপুরগী ꯕꯦꯡꯒꯂꯤ ꯃꯌꯦꯛ:মীতৈলোনগী মমী কুম্হৈ সক্তম্ লাংবী সীনলোই অমনী ।

পুন্সী ৱারী

মনীপুরগী অনৌবা মমী কুম্হৈ খুদীংমক্তা ঙসী অনৌবা অমসুং হৈথোই-সীংথোইরবা মমীরোইসীং লৈরী। অদুগা অনৌবা হৈথোই-সীংথোইরবা মমীরোই কয়াসু অনৌবা মমী কুম্হৈসীংদসু সরুক্ য়ানবা পরেং লেপ্লী। মনীপুরী মমী কুম্হৈসীং অসী লৈবাক্কী অমসুং মালেম্গী থাক্তা য়ৌখ্রে হাইবসী খংনরবা অসেংবা ৱাফম্ অমনী। মসীগী মাইপাক্পসীং পুম্নমক্ অসী তোঙান্-তোঙান্বা মীওইসীংনা পুন্না হোৎনবদগী লাক্লবসু, মনীপুরা অসী ঙসীদী মসীং য়াম্লবা মমী কুম্হৈসীং পুথোক্পদা অৱাং-নোংপোক্ ভারৎকী রাজ্যসীংগী মনুংদা অমনী। থা অমদা য়াম্দ্রবদা মমী কুম্হৈ মরীদগী মঙা ফাওবা পুথোক্ই অদুগা কুম্হৈগী মতম্দা মসীং হেনগৎলক্ই। মমী কুম্হৈসীংগী মসীং তপ্ন-তপ্না হেনগৎলক্পগা লোইননা, তোঙান্-তোঙান্বা সক্তম্ অমা নৎত্রগা অতোপ্পা অমগা লোইননা অনৌবা মমীরোই/মমাই কয়া অমা থোক্লক্ই। মখোইগী মনুংদা য়াম্না ফজবা, নোক্নীংবা অমসুং নুংঙাইতবা য়াওরী, য়াইস্কুল্দগী চহী ১৯ সুরবী রেসমীনী। মহাক্ মনীপুরীগী মমীরোই অমা ওইবগী অৱাবা পুম্নমক্ থেংননবা অমসুং সীনেমা য়েংলীবসীংগী থমোইবু মাইথীবা পীনবা সেম্ সারী। রেসমীনা মমীং লৈরবা স্ক্রীনগী ফম্বাক্ কুম্হৈ ইবা, লাইময়ুম্ ধনচন্দ্রগী মনাক্তা লৈ অমসুং মমী কুম্হৈগী মমীরোই কয়ানা মহাক্কী য়ুম্লোন্নবদা পুন্সীন্বা উবা ফংই।

ইকাই খুম্নবগী মনীংদা লেপ্তুনা মহাক্না মমী কুম্হৈ সেম্বসীং, মমীরোইসীংবু মখোইনা করী তৌরীবগে হাইবদু য়েংদুনা লৈরম্মী মরম্দী রেসমীনা অঙাং ওইরীঙৈদগী হৌনা মমী কুম্হৈসীং, দ্রমাসীং অমসুং সুমাং লীলা পাম্মী। মহাক্পু মমীরোই অমহেক্তবু য়েংলবা মতুংদা মতৌ তম্বা ঙম্বগী মপাংগল্ লৈখী। ধনচন্দ্রনা রেসমীনা মমী কুম্হৈসীংদা য়াম্না পুক্নীং চংই হাইবসীসু খংই অদুবু রেসমীগীদমক্ অচুম্বা মতম্ অমা সোইদনা নুমীৎ অমদা লাক্কনী হাইনা মহাক্না খল্লম্বনা মরম্ ওইদুনা মমীরোইসীংগা লোইননা চৎখীদে।

ময়েক্ সেংনা, ঐহাক্না অকক্নবা মীকুপ্ অদু ঙাইগনী অমসুং হৌজীক্সু মকোক্ থোংবা অমসুং মমীং লৈরবা সীন্নাইবসীংদগী তম্লী। অতেন্বা মতম্ অসীগী মনুংদা ঐহাক্না য়েংলীবা মীওই কয়াবু পুক্নীং চীংসীন্বা ঙম্গনী হাইবসী সোইদনা খংই অদুবু ঐহাক্না ঐগী সীনফম্ অদু মপুং ফাহন্নবা কৈদৌনুংদা তুম্বা য়ারোই।

ই-পাও লুপ্কা অখন্ননা উন্নবদা রেস্মীনা অসুম্না হাইরক্খী ।

ঐ চহী ১৯ সুরে, ইং ১৯৯৫গী ফেব্রুৱারী ২৬তা পোক্খী। ঐগী মমাগী মমীংনা সোরোখাইবম্ (ও) মেরীনা নী অমসুং ঐগী মপাগী মমীংনা ইম্ফাল্গী য়াইসকুল্ হীরুহান্বা লেইকাইগী এস. রনজন্ সীংহনী। ঐহাক্ খ্বাইদগী অহল্নী অমসুং ঐগী মনাওনুপী অমা অমসুং মনাওনুপা অমা লৈ। হৌজীক্কী ওইনা ঐহাক্ হীয়াংথাংগী কামাখ্যা পেম্তোন্ কোলেজদা বী.এ.গী অহুম্সুবা সেমীস্তরদা তম্লী। মমীং লৈরবা মমীরোই সীমা বীস্বাসকী মখাদা ঐহাক্না মমী কুম্হৈগী এক্তীংগী কোর্সা অমসু তৌখ্রে।... ঐহাক্ চহী ১৭ সুরক্পদা ওকেন্দ্রো খুন্দোংবম্ কৌবা ঐগী মরী-মতা অমনা ঐহাক্পু ইপাক্ ফীল্ম্সকী রাকেসা নাওরেম্গা সক্তাক্খী। অদুদগী রাকেসনা ঐহাক্পু লম্জীং-লম্তাক্পা ও.সী. মীরাগী মফম্দা পুখী মফম্ অদুদা ঐঙোন্দা মমী কুম্হৈ সখেন্বী ইতেমাদা সপোরতীং রোল্ অমা পীরক্খী। মসী মমী কুম্হৈ অমদা সক্তম্ লাংবগী ঐগী অহান্বা খুদোংচাবা ওইখী অমসুং ঐগী পুন্সীগী খ্বাইদগী নুংঙাইবা মীকুপ্নী।

মমীরোই অমা ওইবগী ঐগী মংলান্ অদু মপুং ফাহনখীবা ওকেন্দ্রোনা মহাক্কী হোৎনবগীদমক্ ঐহাক্না তসেংনা থাগৎলী। মমী কুম্হৈ সখেন্বী ইতেইমাদা সপোরতীং এক্তরা অমগী সক্তম্ লাংলবা মতুংদা ঐহাক্না রাকেসা নাওরেম্না পুথোক্পা অমসুং ইপাক্ মমী কুম্হৈসীংগী ও.সী. মীরানা লম্জীং-লম্তাক্খীবা ফোংদোক্নাদ্রীংগেই অমসুং নগাইনা-নগাইনাদা সরুক্ য়াখী। মসী মমী কুম্হৈসীংদা ঐগী অহান্বা সীনফম্ ওইবনা মরম্ ওইদুনা ঐনা মকোক্ থোংব/মরুওইবা থৌদাং লৌখীদে। মতুংদা, ধনচন্দ্রনা ঐহাক্পু কীসোরকুমারদা পুখী অমসুং মমী কুম্হৈ মীহৎপা-২দা সক্তম্ লাংবগী খুদোংচাবা ফংখী অমসুং মদুগী মতুংদা মখোইগী লাক্কদৌরীবা মমী কুম্হৈসীংগীদমক্ তোঙান্-তোঙান্বা লম্জীং-লম্তাক্পসীংনা ঐঙোন্দা ওফরা তৌখী। অদুদগী ঐনা জীতেন্দ্রা নীংগোম্বাগী লীংজেল্, মোইরাংথেম্ ইনাওগী নুংসীবাগী লমান্ অমসুং আর.কে. লাল্মনীগী বামোল্ ইচল্দা সরুক্ য়াখী। ... মমী কুম্হৈসীংগী মথক্তা, ঐহাক্ ইসৈ-নোংমাইগী ভীদীওসীংদসু য়াওখ্রে। ঐনা অহান্বা ওইনা 'সেগাইরো' হাইনা মীংথোন্বা ইসৈগী ভীদীও অদুদা সক্তম্ লাংখী। অতোপ্পা ইসৈ-নোংমাইগী ভীদীওসীংদী তপ্না তপ্না, উ-থাম্বল্, নোক্নীংবা নুপামচা, মরম্ লেতানা, নুংসী সক্তম্, ৱা, লোৎলেজা খান্না লোৎলবা, নংগী নুংসী নতুদা অমসুং থাৱাইনী।

ইসৈ-নোংমাইগী ভীদীওসীং অমসুং মমী কুম্হৈসীংদা তোঙান্-তোঙান্বা থৌদাংসীংনা ঐহাক্পু কেমেরাগা মায়োক্নরীঙৈদা ঐগী হৈথোই-সীংথোইবসীং অদু ফোংদোক্পা ঙম্বা অকক্নবা অৱাংবা অমদা পুরক্খী। হৌজীক্কী ওইনা ঐনা অথুবা মতম্দা ফোংগদবা মমী কুম্হৈ তরেৎতা সক্তম্ লাংখ্রে। মখোইসীং অদুদী আর.কে. লাল্মনীগী খাম্নু, জীতেন্দ্রগী নুংসীবাগী সাম্বল্, চীংখেইগী হুরান্বা, মোইরাংথেম্ ইনাওগী এনেহল্, চীন্থীবা চীন্থীবী, হীংবাগী মহাও অমসুং কীরমীল্ সোরাইসাম্গী তোরোনী। লাক্কদৌরীবা মমী কুম্হৈসীং অসীদা সীনেমা য়েংবা মীওই কয়া অমনা ঐগী এক্তীং অদু য়েংনবা ঙাইরী হাইবসী ঐহাক্না সোইদনা খংঙী।... ঐহাক্না তোঙান্-তোঙান্বা মমী কুম্হৈসীংদা সক্তম্ লাংখ্রবসু অমসুং ঐগী এক্তীংগীদমক্ থাগৎখ্রবসু ঐনা হৌজীক্সু ঐনা ঙম্লীবমখৈ মমী কুম্হৈ কয়াদা সক্তম্ লাংবা পাম্মী। মনীপুরী মমী কুম্হৈসীংদা ঐনা ফংলীবা হৌজীক্ লৈরীবা ফীভম্ অদুদা ঐহাক্ হৌজীক্সু পেন্দবা ফাওরী। মমী কুম্হৈদা ঐগী সীনফম্ অসী মনীপুরী মমী কুম্হৈ খুদীংমক্কী মকোক্ থোংব/মরুওইবা সক্তম্ লাংবা মফম্ ওইগনী।অকক্নবা ফ্রেম্সীংদা এক্তীং তৌবতা নৎতনা, ঐহাক্ তোঙান্-তোঙান্বা সক্তম্সীংগা লোইননা লাইবা স্তেজা দ্রমাগা মরী লৈনৈ। হৌজীক্কী ওইনা ঐহাক্ মনীপুরা দ্রামেতীক্ য়ুনীয়ন্ (এম্.দী.য়ু.)গী আরতীসৎ অমনী। ঐনা এম্.দী.য়ু.গী 'ইরাবোৎ' অমসুং হাওবা কোনু ফম্বাক্ কুম্হৈদা মরুওইবা থৌদাং লৌখী। ঐহাক্না লম্জীং আরৎ্সা এন্দা কল্চরেল্ এসোসীএসনগী স্তেজা প্লে লম্খেই ৱাথোক্তসু সক্তম্ লাংখ্রে।

— রেস্মী

স্তেজা দ্রমা

লম্খৈ ৱাথোক্: লম্জীং আরৎ্সা এন্দা কল্চরা এসোসীএসন্ ইরাবোৎ: মনীপুরা দ্রামেতীক্ য়ুনীয়ন্ হাওবা কোনু: মনীপুরা দ্রামেতীক্ য়ুনীয়ন্

ম্যুজীক্ ভীদীও এল্বম্সীং

সেগাইরো, তপ্নাতপ্না, য়ু থম্বল্, ফনী বোই, মরম্ লেইতানা, নুংসী সক্তম্, ৱা লোৎলেজা খন্না লোৎলাবা, নংগী নুংসী নাতুদা, থাৱাই

মমী কুম্হৈসীং

সক্হেন্বী ইতেইমা (২০১২), ফোংদোক্নাদ্রীংগেই (২০১২), নগাইনা নগাইনা (২০১৩), মীহৎপা-২ (২০১৩), লীংজেল্ (২০১৩), নুংসীবাগী লমান্ (২০১৩), বামোন্ এচল্ (২০১৩)

লাক্কদৌরীবা মমী কুম্হৈসীং

নুংসীবাগী সম্বল্ (২০১৪), খাম্নু (২০১৪), এনেহল্ (২০১৪), হুরান্বা (২০১৪), চীন্থীবা চীন্থীবী (২০১৪), হীংবাগী মহাও, তোরো

মতেং লৌরক্ফম্

• ꯕꯦꯡꯒꯂꯤ ꯃꯌꯦꯛ:সোয়াম্ নীঙোল্ কাংজম্ ওংবী স্বীতী