ꯕꯤꯜ ꯒꯦꯠꯁ

ꯋꯤꯀꯤꯄꯦꯗꯤꯌꯥ ꯗꯒꯤ
Jump to navigation Jump to search

ꯋꯤꯜꯂꯤꯑꯝ ꯍꯦꯅꯔꯤ ꯒꯦꯠꯁ ( ꯱꯹꯵꯵ ꯑꯣꯛꯇꯣꯕꯔ ꯲꯸, ꯄꯣꯛꯈꯤ) ꯑꯃꯦꯔꯤꯀꯥꯒꯤ ꯁꯦꯟꯖꯥꯎ ꯄꯥꯏꯕ ꯂꯜꯂꯜ‑ꯃꯤ ꯑꯃꯅꯤ ꯫ ꯃꯍꯥꯛ ꯁꯣꯐ꯭ꯇꯋꯦꯌꯔ ꯁꯦꯝꯒꯠꯄ (ꯗꯤꯚꯦꯂꯄꯔ), ꯁꯦꯜ ꯊꯥꯗꯕ ꯃꯤ(ꯏꯟꯚꯦꯁꯇꯔ), ꯑꯏꯕ ꯑꯃꯁꯨꯡ ꯌꯥꯏꯐ ꯇꯦꯡꯕꯥꯡꯂꯣꯏ (ꯐꯤꯂꯥꯟꯇ꯭ꯔꯣꯄꯤꯁ꯭ꯇ) ꯑꯃꯁꯨꯅꯤ ꯫ ꯃꯍꯥꯛꯅ ꯃꯍꯥꯛꯀꯤ ꯑꯉꯥꯡ ꯑꯣꯏꯔꯤꯉꯩꯒꯤ ꯃꯔꯨꯞ ꯄꯣꯜ ꯑꯦꯂꯜꯦꯟꯒ ꯄꯨꯟꯗꯨꯅ ꯃꯥꯏꯀ꯭ꯔꯣꯁꯣꯐ꯭ꯇ ꯀꯣꯔꯄꯣꯔꯦꯁꯟ ꯂꯤꯡꯈꯠꯃꯤꯟꯅꯔꯛꯈꯤ ꯫ ꯃꯥꯏꯀ꯭ꯔꯣꯁꯣꯐ꯭ꯇꯇ ꯒꯦꯠꯁꯅ ꯆꯦꯌꯔꯃꯦꯟ, ꯆꯤꯐ ꯏꯒꯖꯦꯀꯌ꯭ꯨꯇꯤꯚ ꯑꯣꯐꯤꯁꯔ (ꯁꯤꯏꯑꯣ), ꯄꯔ꯭ꯁꯤꯗꯦꯟꯠ ꯑꯃꯗꯤ ꯆꯤꯐ ꯁꯣꯐ꯭ꯇꯋꯦꯌꯔ ꯑꯥꯔꯀꯤꯇꯦꯛꯠ ꯌꯥꯎꯅ ꯇꯣꯉꯥꯟ ꯇꯣꯉꯥꯟꯕ ꯐꯝꯁꯤꯡ ꯄꯨꯔꯛꯏ ꯫ ꯃꯦ ꯲꯰꯱꯴ ꯐꯥꯎꯕꯗꯤ ꯃꯍꯥꯛꯅ ꯈ꯭ꯋꯥꯏꯗꯒꯤ ꯆꯥꯎꯕ ꯁꯦꯌꯔꯍꯣꯜꯗꯔꯁꯨ ꯑꯣꯏꯈꯤ ꯫ ꯏꯪ ꯱꯹꯷꯰ ꯑꯃꯗꯤ ꯱꯹꯸꯰ ꯒꯤ ꯃꯅꯨꯡꯗ ꯂꯥꯛꯈꯤꯕ ꯃꯥꯏꯀ꯭ꯔꯣꯀꯝꯄꯌ꯭ꯨꯇꯔꯒꯤ ꯌꯥꯑꯣꯜ ꯑꯁꯤꯗ ꯃꯤꯌꯥꯝꯅ ꯈ꯭ꯋꯥꯏꯗꯒꯤ ꯁꯛꯈꯪꯅꯈꯤꯕ ꯑꯣꯟꯇꯄ꯭ꯔꯦꯅꯌ꯭ꯨꯔꯁꯤꯡꯒꯤ ꯃꯅꯨꯡꯗ ꯕꯤꯜ ꯒꯦꯠꯁꯁꯨꯅꯤ ꯫

ꯕꯤꯜ ꯒꯦꯠꯁ

ꯒꯦꯠꯁ ꯋꯥꯁꯤꯡꯇꯟꯒꯤ ꯁꯤꯌꯥꯇꯜꯗ ꯄꯣꯛꯂꯛꯈꯤ ꯃꯐꯝꯁꯤꯗ ꯑꯗꯨꯃꯛ ꯆꯥꯎꯔꯛꯈꯤ ꯫ ꯏꯪ ꯱꯹꯷꯵ ꯗ ꯃꯥꯒ ꯑꯦꯜꯂꯦꯟꯒꯅ ꯑꯅꯧꯕ ꯃꯦꯛꯁꯤꯀꯣꯒꯤ ꯑꯜꯕꯀꯔꯀꯤꯗ ꯃꯥꯏꯀ꯭ꯔꯣꯁꯣꯐ꯭ꯇ ꯂꯤꯡꯈꯠꯈꯤ ꯫ ꯃꯁꯤ ꯃꯥꯂꯦꯝꯒꯤ ꯈ꯭ꯋꯥꯏꯗꯒꯤ ꯆꯥꯎꯕ ꯄꯔꯁꯅꯦꯜ ꯀꯝꯄꯌ꯭ꯨꯇꯔ ꯁꯣꯐ꯭ꯇꯋꯦꯌꯔ ꯀꯝꯄꯦꯅꯤ ꯑꯣꯏꯔꯛꯈꯤ ꯫ ꯏꯪ ꯲꯰꯰꯰ ꯗ ꯁꯤꯏꯑꯣ ꯑꯣꯏꯕ ꯇꯣꯛꯈꯤꯕ ꯑꯗꯨꯒꯤ ꯃꯃꯥꯡ ꯐꯥꯎꯕꯗꯤ ꯒꯦꯠꯁꯅ ꯀꯝꯄꯦꯅꯤ ꯑꯁꯤꯒꯤ ꯆꯦꯌꯔꯃꯦꯟ ꯑꯃꯗꯤ ꯁꯤꯏꯑꯣ ꯑꯣꯏꯅ ꯃꯃꯥꯏ ꯆꯨꯝꯂꯛꯈꯤ ꯫ ꯁꯤꯏꯑꯣ ꯑꯣꯏꯗꯔꯕꯁꯨ ꯃꯍꯥꯛꯅ ꯕꯣꯔ꯭ꯗ ꯑꯣꯐ ꯗꯤꯔꯦꯛꯇꯔꯁꯤꯡꯒꯤ ꯆꯦꯌꯔꯃꯦꯟ ꯑꯣꯏꯅ ꯂꯩꯕꯗ ꯅꯠꯇꯅ ꯆꯤꯐ ꯁꯣꯐ꯭ꯇꯋꯦꯌꯔ ꯑꯥꯔꯀꯤꯇꯦꯛꯁꯨ ꯑꯣꯏꯈꯤ ꯫ ꯏꯪ ꯱꯹꯹꯰ ꯒꯤ ꯄꯔꯤꯡ ꯆꯍꯤ ꯑꯁꯤꯒꯤ ꯑꯔꯣꯏꯕ ꯆꯍꯤ ꯈꯔꯗ ꯃꯍꯥꯛꯀꯤ ꯆꯥꯡ ꯇꯥꯟꯅꯕ ꯏꯌꯥꯎ ꯌꯥꯎꯗꯕ ꯂꯜꯂꯣꯜ ꯏꯇꯤꯛꯀꯤ ꯃꯑꯣꯡ ꯃꯇꯧ ꯑꯗꯨ ꯃꯤꯌꯥꯝꯅ ꯍꯨꯟꯗꯨꯅ ꯉꯥꯡꯅꯔꯛꯈꯤ ꯫ ꯃꯤꯌꯥꯝꯅ ꯉꯥꯡꯅꯔꯛꯂꯤꯕ ꯋꯥꯈꯜꯂꯣꯜ ꯑꯗꯨ ꯋꯥꯌꯦꯜꯁꯪꯒꯤ ꯔꯨꯂꯤꯡ ꯀꯌꯥꯅꯁꯨ ꯆꯨꯝꯃꯤ ꯍꯥꯏꯅ ꯌꯥꯊꯪ ꯇꯥꯕ ꯀꯌꯥ ꯌꯥꯎꯈꯤ ꯫ ꯖꯨꯟ ꯲꯰꯰꯸ ꯗꯒꯤ ꯒꯦꯁꯠꯅ ꯃꯥꯏꯀꯔ꯭ꯣꯁꯣꯐ꯭ꯇꯇ ꯉꯥꯏꯍꯥꯛ ꯉꯥꯏꯍꯥꯛꯀꯤ ꯑꯣꯏꯅꯇꯃꯛ (ꯃꯇꯝ ꯈꯔꯥ) ꯃꯤꯠꯌꯦꯡ ꯆꯪꯂꯝꯃꯤ ꯑꯗꯨꯒ ꯃꯍꯥꯛꯀꯤ ꯃꯄꯨꯡ ꯑꯣꯏꯕ ꯃꯇꯝ ꯑꯃꯗꯤ ꯊꯕꯛꯁꯤꯡꯗꯤ ꯃꯍꯥꯛ ꯑꯃꯗꯤ ꯃꯥꯒꯤ ꯂꯣꯏꯅꯕꯤ ꯃꯦꯂꯤꯟꯗꯥ ꯒꯦꯠꯁꯅ ꯏꯪ ꯲꯰꯰꯵ ꯗ ꯂꯤꯡꯈꯠꯈꯤꯕ ꯂꯟꯅꯥꯏ ꯆꯦꯔꯤꯇꯦꯕꯜ ꯐꯥꯎꯟꯗꯦꯁꯟ ꯑꯣꯏꯔꯤꯕ ꯕꯤꯜ & ꯃꯦꯂꯤꯟꯗꯥ ꯒꯦꯠꯁ ꯐꯥꯎꯟꯗꯦꯁꯟꯗ ꯊꯝꯂꯝꯃꯤ ꯫ ꯐꯦꯕꯔ꯭ꯨꯋꯥꯔꯤ ꯲꯰꯱꯴ ꯗ ꯃꯥꯏꯀ꯭ꯔꯣꯁꯣꯐ꯭ꯇꯀꯤ ꯕꯣꯔ꯭ꯗ ꯑꯣꯐ ꯗꯤꯔꯦꯗꯇꯔꯁꯇꯒꯤ ꯇꯣꯛꯂꯦ ꯑꯗꯨꯅ ꯅꯧꯅ ꯁꯤꯏꯑꯣ ꯈꯜꯂꯕ ꯁꯇꯌ꯭ ꯅꯥꯗꯦꯜꯂꯥꯕꯨ ꯃꯇꯦꯡ ꯄꯥꯡꯅꯕ ꯃꯍꯥꯛꯅ ꯇꯦꯀꯅ꯭ꯣꯂꯣꯖꯤ ꯑꯦꯗꯚꯥꯏꯖꯔ ꯍꯥꯏꯕ ꯑꯅꯧꯕ ꯐꯝ ꯑꯁꯤ ꯄꯥꯏꯔꯦ ꯫ ꯃꯥꯔꯆ ꯲꯰꯲꯰ ꯗ ꯒꯦꯠꯁꯅ ꯃꯥꯏꯀ꯭ꯔꯣꯁꯣꯐ꯭ꯇ ꯑꯃꯗꯤ ꯕꯔꯛ꯭ꯁꯥꯏꯔ ꯍꯥꯊꯋꯦ‑ꯗ ꯕꯣꯔꯗ꯭ꯀꯤ ꯐꯝ ꯄꯨꯝꯅꯃꯛ ꯊꯥꯗꯣꯛꯂꯒ ꯃꯍꯧꯁꯥꯒꯤ ꯑꯀꯣꯏꯕꯒꯤ ꯐꯤꯚꯝ ꯍꯣꯡꯂꯛꯄ, ꯃꯥꯂꯦꯝꯒꯤ ꯍꯛꯁꯦꯜꯒꯤ ꯐꯤꯚꯝ, ꯆꯥꯎꯈꯠ‑ꯊꯧꯔꯥꯡ ꯑꯃꯗꯤ ꯃꯍꯩ‑ꯃꯁꯤꯡ ꯌꯥꯎꯅ ꯂꯝ ꯀꯌꯥꯗ ꯃꯤꯌꯥꯝꯒꯤ ꯃꯇꯦꯡ ꯄꯥꯡꯅꯅꯕ ꯊꯧꯔꯥꯡꯁꯤꯡꯗ ꯃꯥꯏ ꯑꯣꯟꯁꯤꯟꯈꯤ ꯫

ꯏꯪ ꯱꯹꯸꯷ ꯇꯒꯤ ꯍꯧꯅ ꯐꯣꯔꯕ꯭ꯁ(Forbes) ꯀꯤ ꯃꯥꯂꯦꯝꯒꯤ ꯈ꯭ꯋꯥꯏꯗꯒꯤ ꯃꯔꯜ ꯃꯊꯨꯝ ꯂꯩꯕ ꯃꯤꯁꯤꯡꯒꯤ ꯄꯔꯤꯡꯗ ꯕꯤꯜ ꯒꯦꯠꯁ ꯌꯥꯎꯗꯨꯅ ꯂꯥꯛꯂꯤ ꯫ ꯏꯪ ꯱꯹꯹꯵ ꯗꯒꯤ ꯲꯰꯱꯷ ꯐꯥꯎꯕꯗ ꯏꯪ ꯲꯰꯱꯰ ꯗꯒꯤ ꯲꯰꯱꯳ ꯐꯥꯎꯕꯁꯤ ꯅꯠꯇꯅ ꯆꯍꯤ ꯈꯨꯗꯤꯡꯒꯤ ꯃꯥꯂꯦꯝꯒꯤ ꯈ꯭ꯋꯥꯏꯗꯒꯤ ꯏꯅꯥꯛ ꯈꯨꯟꯕ ꯃꯤꯁꯤꯡꯒꯤ ꯐꯣꯔꯕ꯭ꯁꯅ ꯁꯦꯝꯕ ꯄꯔꯤꯡꯗ ꯃꯍꯥꯛ ꯃꯀꯣꯛ ꯊꯣꯡꯗꯨꯅ ꯂꯥꯛꯂꯤ ꯫ ꯑꯣꯛꯇꯣꯕꯔ ꯲꯰꯱꯷ ꯗ ꯃꯥꯂꯦꯝꯒꯤ ꯈꯋ꯭ꯥꯏꯗꯒꯤ ꯔꯃꯜ ꯂꯩꯕ ꯃꯤꯒꯤ ꯄꯔꯤꯡ ꯑꯁꯤꯗ ꯃꯍꯥꯛꯄꯨ ꯑꯃꯥꯖꯣꯟꯒꯤ ꯐꯥꯎꯟꯗꯔ ꯑꯃꯗꯤ ꯁꯤꯏꯑꯣ ꯖꯦꯐ ꯕꯦꯖꯣꯁꯅ ꯇꯨꯡꯑꯣꯏꯅꯗꯨꯅ ꯊꯅꯝꯈꯤ ꯫ ꯃꯇꯝꯁꯤꯗ ꯕꯦꯖꯣꯁꯀꯤ ꯑꯄꯨꯟꯕ ꯃꯔꯜ‑ꯃꯊꯨꯝ ꯑꯁꯤ ꯌꯨꯑꯦꯁ $ ꯕꯤꯂꯤꯌꯟ ꯹꯰.꯶ ꯑꯣꯏꯈꯤ ꯑꯗꯨꯒ ꯕꯤꯜ ꯒꯦꯁꯠ꯭ꯀꯤꯅ ꯌꯨꯑꯣꯁ $ ꯕꯤꯂꯤꯌꯟ ꯸꯹.꯹ ꯑꯣꯏꯈꯤ ꯫ ꯃꯦ ꯲꯰꯲꯱ ꯐꯥꯎꯕꯗ ꯒꯦꯠꯁꯀꯤ ꯑꯄꯨꯟꯕ ꯃꯔꯜ‑ꯃꯊꯨꯝ ꯑꯁꯤ ꯌꯨ꯭ꯑꯦꯁ $ ꯕꯤꯂꯤꯌꯟ ꯱꯴꯴ ꯑꯣꯏꯗꯨꯅ ꯃꯍꯥꯛ ꯑꯁꯤ ꯃꯥꯂꯦꯝꯒꯤ ꯃꯔꯤꯁꯨꯕ ꯈꯋ꯭ꯥꯏꯗꯒꯤ ꯏꯅꯥꯛ ꯈꯨꯟꯕ ꯃꯤꯁꯛ ꯑꯣꯏꯔꯤ ꯫

ꯃꯍꯥꯛꯀꯤ ꯄꯨꯟꯁꯤ ꯈꯣꯡꯆꯠꯀꯤ ꯃꯈꯥ ꯆꯠꯊꯔꯛꯞ ꯑꯣꯏꯅ ꯏꯪ ꯲꯰꯰꯸ ꯗ ꯃꯥꯏꯀ꯭ꯔꯣꯁꯣꯐ꯭ꯇꯀꯤ ꯊꯕꯛ ꯑꯌꯥꯝꯕ ꯊꯥꯗꯣꯛꯂꯒ ꯒꯣꯠꯁ꯭ꯅ ꯇꯣꯉꯥꯟ‑ꯇꯣꯉꯥꯟꯕ ꯂꯜꯂꯣꯟ ꯏꯇꯤꯛ ꯀꯌꯥꯗ ꯑꯃꯗꯤ ꯃꯤꯑꯣꯏꯕ ꯈꯨꯟꯅꯥꯏꯗ ꯃꯇꯦꯡ ꯄꯥꯡꯕꯒꯤ ꯊꯕꯛꯁꯤꯡꯗ ꯍꯦꯟꯅ ꯄꯨꯛꯅꯤꯡ ꯆꯪꯈꯤ ꯫ ꯃꯍꯥꯛ ꯇꯣꯉꯥꯟ‑ꯇꯣꯉꯥꯟꯕ ꯀꯝꯄꯦꯅꯤ ꯀꯌꯥꯒꯤ ꯐꯥꯎꯟꯗꯔ ꯑꯃꯗꯤ ꯆꯦꯌꯔꯃꯦꯟ ꯑꯣꯏꯈꯤ ꯫ ꯀꯝꯄꯦꯅꯤꯁꯤꯡꯗꯨꯒꯤ ꯃꯅꯨꯡꯗ ꯕꯤꯏꯑꯦꯟ (BEN), ꯀꯥꯁꯀꯦꯗ ꯏꯟꯚꯦꯁꯠ꯭ꯃꯦꯟꯠ (Cascade Investment), ꯕꯤꯖꯤꯁꯤ꯳ (bgC3) ꯑꯃꯗꯤ ꯇꯦꯔꯥꯄꯋꯥꯔ (TerraPower) ꯅꯆꯤꯡꯕ ꯌꯥꯎꯔꯤ ꯫ ꯃꯥꯂꯦꯝꯒꯤ ꯈ꯭ꯋꯥꯏꯗꯒꯤ ꯆꯥꯎꯕ ꯂꯟꯅꯥꯏ ꯇꯦꯡꯕꯥꯡꯂꯨꯞ (ꯄꯔ꯭ꯥꯏꯚꯦꯠ ꯆꯦꯔꯤꯇꯤ) ꯅꯤ ꯍꯥꯏꯅ ꯂꯧꯅꯔꯤꯕ ꯕꯤꯜ & ꯃꯦꯂꯤꯟꯗꯥ ꯒꯦꯠꯁ ꯐꯥꯎꯟꯗꯦꯁꯟꯒꯤ ꯈꯨꯠꯊꯥꯡꯗ ꯇꯣꯉꯥꯟ ꯇꯣꯉꯥꯟꯕ ꯇꯦꯡꯕꯥꯡ ꯂꯨꯞ (ꯆꯦꯔꯤꯇꯦꯕꯜ ꯑꯣꯔꯒꯅꯥꯏꯖꯦꯁꯟ) ꯑꯃꯗꯤ ꯁꯥꯏꯟꯇꯤꯐꯤꯛ ꯔꯤꯁꯔꯁ꯭ ꯄꯔ꯭ꯣꯒꯔ꯭ꯥꯝ ꯀꯌꯥꯗ ꯌꯥꯝꯂꯕ ꯁꯦꯜꯐꯝ ꯀꯌꯥ ꯃꯍꯥꯛꯅ ꯄꯤꯊꯔꯤ ꯫ ꯐꯥꯎꯟꯗꯦꯁꯟ ꯑꯁꯤꯒꯤ ꯈꯨꯠꯊꯥꯡꯗ, ꯲꯱ꯁꯨꯕ ꯆꯍꯤꯆꯥꯒꯤ ꯑꯉꯟꯕ ꯃꯇꯝꯗ ꯃꯍꯥꯛꯅ ꯇꯤꯀꯥ ꯊꯥꯗꯣꯛꯄꯒꯤ ꯀꯦꯝꯄꯦꯟ ꯑꯃ ꯍꯧꯗꯣꯛꯈꯤ ꯫ ꯃꯁꯤꯅ ꯑꯐꯔ꯭ꯤꯀꯥꯗ ꯀꯟꯅ ꯁꯟꯗꯣꯔꯛꯈꯤꯕ ꯄꯣꯂꯣꯑꯣ ꯚꯥꯏꯔꯁ ꯃꯨꯠꯊꯠꯄꯗ ꯁꯤꯡꯊꯥꯅꯤꯡꯉꯥꯏ ꯑꯣꯏꯔꯕ ꯊꯧꯗꯥꯡ ꯑꯃ ꯂꯧꯈꯤ ꯫ ꯏꯪ ꯲꯰꯱꯰ ꯗ ꯕꯤꯜ ꯒꯦꯠꯁꯅ ꯋꯥꯔꯦꯟ ꯕꯐꯐꯦꯠ ꯀꯅ ꯄꯨꯟꯅ ꯗ ꯒꯤꯚꯤꯡ ꯄꯂ꯭ꯦꯗꯓꯏ ꯫ (The Giving Pledge) ꯂꯤꯡꯈꯠꯈꯤ ꯫

ꯑꯉꯟꯕ ꯃꯇꯝꯒꯤ ꯄꯨꯟꯁꯤ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯏꯪ ꯱꯹꯷꯰ ꯗ ꯂꯦꯛꯁꯥꯏꯗ ꯁꯀ꯭ꯨꯜ ꯗ ꯒꯦꯠꯁ꯭ (ꯌꯦꯠ) ꯀ ꯂꯣꯏꯅꯅ ꯄꯣꯜ ꯑꯦꯜꯂꯦꯟ
ꯏꯟꯆꯤ‑꯸ (꯲꯰꯰mm) ꯒꯤ ꯐꯂ꯭ꯣꯄꯤ ꯗꯤꯁꯛ꯭ ꯁꯤꯁꯇꯦꯝ ꯌꯥꯎꯕ Altair 8800 ꯀꯝꯄꯌ꯭ꯨꯇꯔ ꯫ ꯃꯦꯆꯤꯟ ꯑꯁꯤꯗ ꯁꯤꯖꯤꯟꯅꯕ ꯏꯍꯥꯟ ꯍꯥꯟꯕ ꯄꯔ꯭ꯣꯒꯔ꯭ꯥꯝꯃꯤꯡ ꯂꯦꯡꯒꯋ꯭ꯦꯖꯗꯤ ꯃꯥꯏꯀ꯭ꯔꯣꯁꯣꯐ꯭ꯇꯀꯤ ꯍꯧꯗꯣꯔꯛꯄ ꯄꯣꯠꯊꯣꯛ ꯑꯣꯏꯔꯤꯕ Altair BASIC MITS ꯅꯤ

ꯃꯇꯦꯡ ꯂꯧꯔꯛꯐꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

"https://mni.wikipedia.org/w/index.php?title=ꯕꯤꯜ_ꯒꯦꯠꯁ&oldid=31739" ꯃꯐꯝꯗꯨꯗꯒꯤ ꯂꯧꯈꯠꯂꯛꯄꯥ