ꯕꯦꯡꯒꯂꯤ ꯃꯌꯦꯛ:সন্দ্রেম্বী চৈস্রা

সন্দ্রেম্বী চৈস্রা
	সন্দ্রেম্বী অমদী চৈস্রা থাং য়ান্নবা ।
	ꯐꯨꯡꯒꯥ ꯋꯥꯔꯤ
ꯃꯃꯤꯡ	সন্দ্রেম্বী চৈস্রা
ꯑꯇꯣꯞꯄ ꯃꯃꯤꯡ	সন্দ্রেম্বী চাইস্রা, সনরেম্বী চাইস্রা
	ꯑꯀꯨꯞꯄ ꯋꯥꯔꯣꯜ
Aarne-Thompson Grouping:	নৎতে ।
ꯂꯤꯅ-ꯋꯥꯔꯤ	মীতৈ মী লাই তীনগী ৱারী (মৈতৈ মী লাই তীনগী ৱারী)
ꯂꯩꯄꯥꯛ	ইন্দীয়া
ꯃꯐꯝ	কংলৈপাক্ (মনীপুর)
ꯃꯔꯤ ꯂꯩꯅꯕ	ওচেক্ লাংমৈদোং

Bengali Mayek

Meitei Mayek

সন্দ্রেম্বী চৈস্রা অসী কংলৈপাক্ (মনীপুর) গী মীতৈগী ফুংগাৱারী (মৈতৈগী ফুংগাৱারী) অমনী।

ৱারী[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

মতম্ অমদা সান্দ্রেম্বী অমসুং চৈসরা কৌবা স্তেপসীস্তরা অনী লৈরম্মী। মখোয়গী মপা সীরবা মতুংদা মখোয়গী মমাসীংনা য়োকখৎখী। চৈসরানা মহাক্কী মমাগী অমৎতা ঙাইরবা মচানী অদুগা সান্দ্রেম্বীগী নহা ওইরীবা মরুপ্ অমা লৈখী। চৈসরগী মমানা মতম্ পুম্নমক্তা সান্দ্রেম্বী, মহাক্কী মরুপ্ অমসুং মমাদা অৱাবা পীনবা খনখী। সান্দ্রেম্বীগী মমানা কৈদৌঙৈদসু চৈসরা অমসুং মহাক্কী মমাগীদমক্ অরুবা ৱাখল্লোন্ অমৎতা য়োকখৎখীদে।

নুমীৎ অমদা মমা অনীদু ঙা ফাবা চৎখী। সান্দ্রেম্বীগী মমানা ঙা মসীং য়াম্না ফাখী। চৈসরগী মমানা ঙা অমৎতা লৌবা ঙমখীদে। মদুগী মহুৎতা মহাক্না নোংমৈ কয়া অমা ফাখী অমসুং মহাক্না মদু পুম্নমক্ মহাক্কী তুঙ্গোন্দা থমখী। তুঙ্গোন্ অদু নোংমৈ মরুনা থল্লম্মী।

নুমীদাংৱাইরম্ লাকপা মতমদা মখোয়া ৱাখল্ ৱাবা হৌরকখী। মখোয়না পীকপা মহৈ মরোংসীংনা থল্লবা ফীগী মখাদা নুংঙাইনা লৈখী। চৈসরগী মমানা উপাল্ অদুদা চেনসীল্লকই অমসুং কপ্না হায়রকই, "সীস্তরা, নঙগী মীৎ উইসীল্লু। ঐনা পীকপা ফীসীং থাদোক্কনী।" সান্দ্রেম্বীগী মমানা মীৎ উইসীল্লকই। পীকপা মহৈ অমা থাদোকখী।

"সীস্তরা, অফবা ওইব্রা? মীৎ উইসীল্লু অমসুং হেন্না ফংনবগীদমক্ মীৎ উইসীল্লু" চৈসরগী মমানা অমুক্ হন্না কপ্না হায়রকই। হন্দক্কী মতম্ অসীদা মহাক্না মহাক্কী তুঙ্গোন্ লৌরগা সাপ্ পুম্নমক্ সান্দ্রেম্বীগী মমাগী মনাক্তা থকখী। খুদক্তা সান্দ্রেম্বীগী মমা সীখী। চৈসরগী মমানা অসীবা হকচাং অদু ইসীংদা থুগায়দুনা মসা মথন্তা য়ুমদা লাকখী।

চৈসরগী মমানা মসা মথন্তা হল্লকপা উবদা সান্দ্রেম্বীনা ৱাখল্ নুংঙাইতবা ফাওখী। মহাক্না মমাগী মরমদা হংখী। "নঙগী মমানা হৌজীকসু ঙা ফারী। মহাক্ ঐগা লোয়ননা হল্লকপা পামখীদে" হায়বসী অমৎতা ঙাইরবা পাওখুমনী। নুমীদাংৱাইরম্ লোইরবা মতুংদা সান্দ্রেম্বী অমসুং মহাক্কী মরুপ্ অদু মতেং পাংদবা ফাওখী।

মহাক্ য়াম্না ৱানা কপ্লম্মী অমসুং চাবা থকপা য়াদনা তুম্লম্মী। নুমীদাংৱাইরমদা মহাক্কী মমানা মহাক্কী মংলান্দা লাকখী।"সান্দ্রেম্বী, ঐগী ইচানুপী, ঐবু নঙগী স্তেপ্ মমানা খুনখী। ঐবু কাংবু অমা ওইনা ওন্থোকখ্রে। অয়ুক্তা লাকও mc লৌ। ঐবু কীচেনগী মনুংদা লৈবা পীচরা অমদা থম্মু।" অমসুং মফম্ অদুদা নুমীৎ মঙানী থম্মু। ১ ঐগী মীওইবগী মওং মতৌদা হল্লক্কনী।"

সান্দ্রেম্বীনা ৱাখল্ ৱাবা হৌরকই অদুগা কপ্লম্মী। অয়ুক্ অঙনবদা মহাক্ কাংবু লৌসীন্নবা চৎখী। মহাক্না ঙা কয়া ফাখী অদুবু মখোয়বু ইসীংদা অমুক্ থাদোকখী। অরোইবদা মহাক্না কাংবু অদু ফাখী। মহাক্না চেকসীন্না য়ুমদা পুরকখী। চৈসরগী মমানা মহাকপু ঙাইদুনা লৈরম্মী। "কয়াম্ ঙা ফাখীবগে?" হায়না মহাক্না হংখী। "মা, ঐগী তুঙ্গোন্ সুমহৎলে। ঙসী ঐনা ঙা অমৎতা লৌবা ঙমখীদে" ৱাখল্ ৱাবা সান্দ্রেম্বী অমনা পাওখুম্ পীরকই।

"অদুদী কীচেনদা চৎলু অমসুং চানবা সেম্মু" হায়না অসাওবা নুপী অদুনা য়াথং পীরকই।

চৈসনা সান্দ্রেম্বীনা কাংবু অদু পীচরদা থম্লগা থম্বা উখী। মহাক্না মমাদা মসীগী মতাংদা হায়খী অমসুং মখোয়না থৌরাং অমা সেমখী। চৈস্রানা ইসীংগীদমক্ কপ্পা হৌরকখী অমসুং মমানা মহাকপু কীচেন্ অদুদা লৈরীবা পীচরা অদুদগী ইসীং থকও হায়না হায়খী। কাংবু অদু থীদোকখী। ফৎতবা নুপী অদুনা সান্দ্রেম্বীবু ইসীংদা লুপথোক্নবা য়াথং পীখী।

মতেং পাংদবা সান্দ্রেম্বী অমনা মহাক্কী ফৎতবা স্তেপ্-মমাগী ৱাহৈ ঙাকপা তাখী। মহাক্না কাংবু অদু পোৎসক্ অমদা থাবা হৌখী। খোনজেল্ অমনা কপ্না হায়রকই, "ও ইচানুপী! অসাবা ইসীং ঐগী খোঙদা য়ৌরে।" সান্দ্রেম্বীনা কপ্লগা মৈসা অদু লৌথোকখী। চৈস্রা"গী মমানা অসাওবগা লোয়ননা লাওরকই, "অরানবা নুপীমচা অসীবু লান্দাও।"চাইসরানা সান্দ্রেম্বীবু লান্দাখী।

অদুদগী মহাক্না অমুক্ হন্না মৈ থানবা হৌরকখী। খোনজেল্ অদুনা লেপ্তনা কন্না হায়রকই, "ও ইচানুপী! অসাবা অদু ঐগী কোক্তা য়ৌরে। হৌজীক্তী ঐগী থম্মোয়দা য়ৌরে। ঐগী কোক্তা য়ৌরে"। অরোইবদা কাংবু অদু সীখী। চৈসরা অমসুং মহাক্কী মমানা লোভনা চাখী। অদুদগী, মখোয়না য়ুমগী মনাক্তা লৈবা সরুসীং অদু থাদোকখী।

নুমীদাংৱাইরমদা সান্দ্রেমীগী মমানা অমুক্ হন্না মংলান্দা লাকখী অমসুং হায়রকখী, "ঐগী ইচানুপী! সরুসীং অদু খোমজীল্লু। মখোয়বু কুপসীল্লু অমসুং নুমীৎ ৭নী থমজীল্লু। ঐনা ঐগী মীওইবগী মওং মতৌদা হোংদোক্নবা হোৎনগনী"। নুপীমচা অদুনা অদুমক্ তৌখী। ক্যুরীওসীতী অমসুং এগেজনেসনা মহাকপু লমজীংবীখী। ৬সুবা নুমীৎতা মহাক্না বাস্কেৎ অদু হাংদোকখী। নুমীৎ মসীং য়াম্না হন্থরকপগা লোয়ননা খোঙওপ্ অমা খোঙওপ্ অদুদগী উরে। মতেং পাংদবা নুপীমচা অদুনা য়াম্না ৱানা কপ্লম্মী।

মতম্ লোইখী। সান্দ্রেম্বী অমসুং চৈসরা মপুং ফানা পোকপা নুপীমচাসীং ওইরকখী।নুমীৎ অমদা, মখোয়া ইসীং লৌথোক্নবা থোকখী। সান্দ্রেম্বীগী পোৎচৈসীং অদু অরীবা অমসুং চেনসীল্লকই অদুগা চৈস্রানা ফজরবা অনৌবা পোৎচৈসীং সীজীন্নরম্মী। লম্বীদা চৎলীবা নীংথৌ অদুনা মখোয়বু উখী। মহাক্ সান্দ্রেম্বীগা নুংসীননা লৈমীন্নখী মরমদী মহাক্কী ফজবনা মহাক্কী থম্মোয়দা সোকখী।

মহাক্ হেন্না নকসীল্লগা হায়রকই, "ও ফেয়রা লেদী, ঐ তকখায়রে। চানবীদুনা ঐঙোন্দা ইসীং খরা পীবীয়ু"। সান্দ্রেম্বীনা মহাক্কী মীনুংসী লৈৎরবা মচানুপীবু য়াম্না লাংতক্নখী অমসুং হায়খী, "ঐনা য়াম্না নুংঙাইজৈ সরা, চানবীদুনা ঐগী ইচেদগী ইসীং থকপীয়ু"। নীংথৌনা তপ্না তপ্না থকপা য়াদনা চৎখী, চৈসরনা য়ুমদা লৈরীবা মমাদা পুম্নমক্ ৱারী সানখী।

মথংগী নুমীৎতা ফৎতবা নুপী অদুনা চেনসীল্লকপা পোৎসক্ অদু মহাক্কী মচানুপীদা পীরকখী অমসুং মহাক্না চৈসর" গী ফজরবা অনৌবা পোৎচৈসীং অদু সান্দ্রেম্বীদা পীখী। মখোয়না তুরেলগী মনাক্তা লাকপা মতমদা নীংথৌনা মখোয়বু ঙাইদুনা লৈরম্মী। মহাক্কী হুই অদুদা চেনদুনা মহাক্ মনাক্তা লাক্তুনা হায়রম্মী, " " ও ফেয়ারা লেদী, ঐনা তকখায়রে।"

মহাক্না খুদক্তা সান্দ্রেম্বীগী কোকথক্তা থম্লগা মহাক্কী হুই অদুদা চেনসীল্লগা রাজমহলদা পুখৎখী। মফম্ অদুদা মখোয়না লুহোংখী অমসুং সরীদ্রেম্বীনা রানী ওইখী। মথংগী চহীদা মচানুপা অমা পোকখী।

চৈসরা অমসুং মহাক্কী মমা য়াম্না ৱানা থোকখী। অমুক্ হন্না মখোয়না সান্দ্রেম্বীবু হাৎনবা থৌরাং অমা সেমখী। মখোয়না মহাকপু চাক্ চাবা কৌনবা রাজমহলদা লাকখী। নীংথৌনা য়াখী অদুবু মখোয়গী নহা ওইরীবা মচা অদু লৌবা য়াহনখীদে।

সান্দ্রেম্বীনা চাক্ চাবা খক্তগীদমক্ লাকখী। চাক্ চাবা লোইরবা মতুংদা মহাক্না চৈস্রাবু মহাক্কী পোৎচৈ থমদুনা লৈবা উখী। মহাক্না হায়রকই, "সীস্তরা, ঐনা লেপ্লী। ঐগী অঙাং অদু সোয়দনা কপ্পা য়াই। ঐগী পোৎচৈসীং অদু হল্লকও।" চৈসরনা পোৎসীং অদু লৌথোক্লগা ফমুংগী মখাদা থুগায়খী। সান্দ্রেম্বীনা মহাক্কী পোৎচৈসীং খোমজীন্নবা ফমুংগী মখাদা চেনসীল্লকই।

মহাক্ থোরকপা মতমদা চৈসরা অমসুং মহাক্কী মমানা মহাক্কী মথক্তা ইসীং তুংসীনখী। মহাক্ খুদক্তা সীখী। মহাক্কী থৱায়া অদু পাম্বী অমা ওইরকখী অমসুং উরে। হৌজীক্ চৈসরনা পোৎচৈ থমদুনা রাজমহলদা চৎখী। ফৎতবা নুপী অদু উবদা নীংথৌনা অঙকপা ফাওখী। মহাক্না হংখী, "করী ওইখীবনো! করীগীনো নঙগী মীৎ উইসীল্লকই, নঙগী খোঙসু চেনসীল্লকই?"

"ঐগী ইবুংঙো, ঐগী লৈখীদ্রবা মমা-মপাবু নীংসীংলদুনা ঐনা কাওখী অমসুং ঐগী মীৎ উইসীনখী। ঐগী অঙাংগী মরমদা খন্দুনা ঐনা য়াম্না থুনা চেনখী। অসুম্না ঐগী খোঙনা চেনসীল্লকখী" হায়না পাওখুম্ লাকখী। নীংথৌ অদু চুমথোকখী।

নুমীৎ খরনীগী মতুংদা পাম্বী অদু রাজমহলগী বাগান্দা উরে। গারদেনরা অদুনা মহৈ-মরোং থারম্মী। পাম্বীনা ইসৈ সকপা হৌরকখী: "হে নীংথৌগী বাগান্, ." চৎলু, নহাক্কী রানীদা হায়য়ু, চৎলু, নহাক্কী নীংথৌদা হায়য়ু, ঐগী নহা ওইরীবা অঙাং অদুদা অৱাবা নংগনু, উপাল্ অমদা ফম্লীবা সান্দ্রেম্বী চৈসরা সীংহাসন্দা ফম্লীবা ও নীংথৌ নুপী কাওথোকপা। নঙনা নঙগী অসেংবা নুপী অদু কাওথোক্লেব্রা?"

বাগানগী মীওই অদুনা মীওইবগী লোন্দা ইসৈ সকপা উবদা অঙকপা ফাওখী। মহাক্না খুদক্তা নীংথৌদা খঙহনখী, মহাক্না থোরক্তুনা হায়খী, "হে নুংসীজরবা পাম্বী, করীগুম্বা নহাক্ অসী ঐগী নুংসীজরবা সান্দ্রেম্বী ওইরবদী, চানবীদুনা ঐগী খুৎসাদগী চেংসীং অদু লাকও।" পাম্বী অদুনা লান্দাদুনা চেনসীল্লকই। নীংথৌনা পাম্বী অদু অপীকপা খোঙওপ্ অমদা থমখী। মহাক্কী মংলান্দা সান্দ্রেম্বীনা থোরকখী অমসুং হায়খী, "ঐগী ইবুংঙো, ঐবু নুমীৎ ৭নী থমবীয়ু। ঐনা ঐগী মীওইবগী মওংদা হোংলক্কনী।" নীংথৌনা ৱাখল্ ৱাবা হৌরকখী অমসুং খোঙওপ্ অদু লোৎসীনখী।

নুমীৎ অমদা নীংথৌনা লম্ কোইবা চৎখী। মহাক্ লৈতবদা চৈস্রানা পাম্বীবু হাৎখী অমসুং মদু চাকখী। নীংথৌনা হল্লকপা মতমদা মহাক্না খোঙওপ্ অদু সুমহৎলবা উবদা য়াম্না ৱানা থোকখী। চৈসরনা হায়রকই, "ঐগী ইবুংঙো, মসীনা ঐখোয়গী অঙাং অদুদা অৱাবা পীনবা হোৎনখী। ঐনা য়াম্না ৱানা থোকখী অমসুং হাৎখী। ঐনা চাকখ্রে। চানবীদুনা চাবীয়ু।"

নীংথৌনা অসাওবগা লোয়ননা লাওথোকখী, "খুদক্তা থাদোকও।" মহাক্না মদু রাজমহলগী মনাক্তা থাদোকখী। নুমীৎ খরনীগী মতুংদা মফম্ অদুদা ফজরবা আমগী উপাল্ অমা পোকপা হৌরকখী। মসী অচৌবা উপাল্ অমা ওইরকখী। মসীনা মহৈ অমখক্তমক্ পীখী। নীংথৌনা মহৈ অদুদা য়াম্না কুপ্না য়েংসীনখী। নুমীৎ অমদা গারদেনরা অদুনা মদু লৌথোক্তুনা য়ুমদা পুখী।

মথংগী অয়ুক্তা গারদেনরা অদুনা আম্ অদু ককথৎনবা খোঙওপ্ অমা থীখী। মহাক্না খোঙওপ্ অমা ফংখীদে। মথংগী নুমীৎতা খোঙওপ্ অমা খুৎতা থমদুনা মহাক্না আম্ অদু থীখী। মহাক্না আম্ অদু থীবা ঙমখীদে। অসীগুম্না নুমীৎ ৭নী চৎথখী। ৮সুবা নুমীৎতা আম্ অদু ফজরবা নুপী অমা ওইরকখী। মহাক্না গারদেনগীদমক্ চানবা সেম্ সাখী।

গারদেনরা অদুনা য়ুমদা লাকপা মতমদা মচী ওইবা চীনজাক্ ফংবদা অঙকপা ফাওখী। নুপী অদুনা অমম্বা কোনুং অমদা মসাবু লোৎসীনখী। নুমীৎ খরনীগী ওইনা অসীগুম্না চৎথখী। নুমীৎ অমদা গারদেনরা অদুনা মীস্ৎরী অদু খঙদোক্নবা ৱারেপ্ লৌখী। মহাক্ তপ্না তপ্না মহাক্কী য়ুমগী মনাক্তা লোৎখী। ফজরবা নুপী অদুনা চানবা সেম্-সানবা লাকপা মতমদা মহাক্ থুনা য়াংনা লাকখী। মহাক্ অঙকপা ফাওখী মদুদী মহাক্ অতোপ্পা কনাসু নৎতে, মহাক্ সান্দ্রেম্বীনী। মহাক্না মহাক্কী অৱাবা ৱারী অদু মহাকপু ফোংদোকখী। লৌমী অদুনা নীংথৌগী মনাক্তা চৎতুনা পুম্নমক্ ৱারী সাখী। নীংথৌনা মহাক্কী মীওইসীং থাদুনা সান্দ্রেম্বীবু রাজমহলদা চৎনবা থাখী।

অদুদগী, নীংথৌনা সান্দ্রেম্বী অমসুং চৈসরাবু মীয়ামগী মমাংদা দুয়েল্ অমা লান্থেংননবা য়াথং পীখী। অনীমক্তা তরেং অমমম্ পীখী। তরেংসীং অদু জস্তীসকী তরেংসীং ওইরম্মী। চৈস্রানা অহানবা ওইনা সান্দ্রেম্বীদা থেংনখী অদুবু করীগুম্বা অমৎতা থোকখীদে।

তম্পাক্ অদুনা মহাক্কী হকচাং অদু সোকখীদে। সান্দ্রেম্বীগী তারন্ অদু লাকখী। মহাক্না চৈসরদা স্ৎরাইক্ তৌখী। তরেং অদুনা চৈসরগী হকচাংদা চেনসীল্লকখী। মহাক্ মফম্ অদুদা খুদক্তা সীখী। মীপুম্ খুদীংমক্ হরাওখী। সান্দ্রেম্বী অমুক্ হন্না রানী ওইখী। অসুম্না মদুগী মতুংদা নীংথৌ অমসুং রানীনা নুংঙাইনা হীংখী।