ꯕꯦꯡꯒꯂꯤ ꯃꯌꯦꯛ:সোমা লাইস্রম্

Bengali Mayek

Meitei Mayek

সোমা লাইস্রম্
ꯄꯣꯛꯄ	সোমা (1992-01-05) January 5, 1992 কৈসাম্পাৎ দোবী মচু লৈরক্, ইম্ফাল্, মনীপুর, ইন্দীয়া
ꯂꯩꯄꯥꯛ ꯃꯆꯥ	ইন্দীয়া মচা
ꯁꯤꯟꯐꯝ	মমী কুম্মৈ সক্তম্ লাংবী, সৈসক্পী
ꯋꯦꯕꯁꯥꯢꯠ	Soma Laishram

সোমা লাইস্রম্ (সোমা লাইস্রম্) অসী মনীপুরগী মমী কুম্মৈগী সক্নাইরবী সক্তম্ লাংবী অমদী সৈসক্পী সীনলোই অমনী ।

পুন্সী ৱারী

মহাক্ মোদেল্ অমা, মমীরোই অমা অমসুং সৈসক্পা অমা ওইনসু মমীং চৎলী। মহাক্কী অঙাং ওইরীঙৈগী মতম্দগী ইসৈ সক্পা অমসুং জগোইগী অহান্বা সীনফম্ অমগা লোইননা, মহাক্না কলাগী লম্দা মীংচৎ ফংখী। সোমানা মহাক্কী জগোইগী তম্বীবসীং অদু গুরু থোওনাওজম্ লতা অমসুং অতোপ্পসীংদগী ফংখী। মহাক্না দী.দী.কে. ইম্ফাল্দা অঙাংসীংগী থৌরম্সীংগীদমক্ অমসুং দী.দী.কে. ইম্ফাল্দসু মনীপুরী ফীল্্মা এসেইগীদমক্ এংকরা তৌখী।

সোমানা তেলীপ্লেসীং, দ্রমাদসু য়াওখী অমসুং ঙসী ফাওবদা দী.দী.কে. ইম্ফাল্দা প্রোগ্রাম্ প্রজেন্তরা অমা ওইনা এংকরা তৌরী। মহাক্না পাও পাবা অমা ওইনা থবক্ অদু লৌখী অদুবু মহাক্কী মপা লৈখীদবনা মরম্ ওইদুনা থবক্ থাদোক্পা তাখী। মহাক্কী মপা অসী মহাক্কী মচানুপীগী পাও পাবগী থৌরম্ অদু য়াম্না কুপ্না য়েংসীন্বা মীওই অমা ওইরম্মী। অদুবু মহাক্কী মপা বী.পী. স্ত্রোক্না মরম্ ওইদুনা লৈখীদে অমসুং মদুগী মতুংদা সোমানা পাও পাবগী থবক্ অদু থাদোক্খী। মতুংদা সোমা লাইস্রাম্না কোরীওগ্রাফরা অমসুং মোদেল্ অমা ওইরীবা মহাক্কী মচীন্-মনাও থোক্পা নীনা তখেল্লম্বম্গী মতেংনা মহাক্কী সীনফম্ অসী মোদেল্ অমা ওইনা সেম্গৎনবা হৌখী। সোমানা ওরেনজা ক্বীন্ ২০০৯গী হেন্দান্নবগী ফজবগী পেজেন্্ততা সরুক্ য়াখী অমসুং 'বেস্ৎ কেৎৱাক্'গী মীংথোল্ ফংখী। সোমাদা পীখীবা পুক্নীং থৌগৎপসীং অদুনা মহাক্পু গুৱাহাতীদা পাংথোক্খীবা ৮সুবা মেগা মীসা নোরথা ইস্ৎ ২০১০দা সরুক্ য়াহনখী অমসুং '২সুবা রনরসা অপ্ তাইতল্' অমসুং 'বেস্ৎ ত্রেদীসনেল্ কোস্তুম্' ফংখী। মনীপুরী ইসৈ-নোংমাইগী ভীদীওসীং অমসুং মমী কুম্হৈসীংদা মীয়াম্না পাম্নবা মসক্ অমা ওইরক্লবা চহী ২২ সুরবা লাসা অসী, রেম্প্ ক্বীন্ অমা অমসুং সৈসক্পা অমসু তোঙান্ তোঙান্বা হৈথোই-সীংথোইবসীংনা মতেং পাংঙী। এক্তীংদা মহাক্কী সীনফম্গী অতেন্বা মতম্গী মনুংদা সোমানা মহাক্না নম্থাক্ তৌখীবা তোঙান্-তোঙান্বা সক্তম্সীংগীদমক্ থাগৎপা কয়া অমা ফংখী। মহাক্কী মীয়াম্না পাম্নবা হেনগৎলক্পগা লোইননা, সোমা অসী মনীপুরী মমী কুম্হৈসীংগী সীল্ভরা স্ক্রীন্দা খ্বাইদগী ফবা অমসুং হৈথোই-সীংথোইরবা মমীরোইসীংগী মনুংদা অমনী হাইনা লৌনৈ। সীক্কীম্ মনীপাল্ য়ুনীভরসীতীগী এম্.বী.বী.এস.কী মহৈরোই অমগী সক্তম্ লাংদুনা মমী কুম্হৈ 'ফীজাং মরুম্দা' (আর.কে. তম্ফাসানানা পুথোক্প)দা মহাক্কী অহান্বা কলা অদুনা মনীপুরগী খ্বাইদগী ফবা মমীরোইসীংগী মনুংদা অমা ওইরক্পদা মহাক্কী পুন্সীগী সীনফম্ অদু মাংজীল্ থাখী। মরুওইনা সোমা লাইস্রম্ অসী ঙসীগী মনীপুরী সীনেমাগী খ্বাইদগী মমীং চৎপা মমীরোইসীংগী মনুংদা অমনী মসীনা মহাক্কী থৌরম্ পরীং অদু য়াম্না চীল্লী। সপোরতীং এক্তরা অমা ওইনা 'ফীজাং মরুম্দা' (কে.বীমোল্ সরমানা লম্জীং-লম্তাক্প)দা অহান্বা ওইনা কুম্লবা মতুংদা সোমানা পীলু এচ.গী লম্জীং-লম্তাক্পগী মখাদা মমী কুম্হৈ 'লোইবা তারে তা রাজু'দগী হৌরগা মরুওইবা সক্তম্ লাংবা হৌখী।

সোমানা 'অংগাওবা মালং' হাইনা মীংথোন্বা অনৌবা ইসৈ-নোংমাইগী ভীদীও অমদা মহাক্কী ময়েক্ সেংবা খোনজেল্ পীখ্রে মদুদা মহাক্না মসীদসু সক্তম্ লাংখী। সোমানা মমী কুম্হৈ 'পীৎজা'দা ফৎতবা সক্তম্ লাংবা উবা ফংখী। থৌদাং অসী লৌদুনা, সোমানা থৌদাং অসীনা খুন্নাইদা ফাওরীবা ফৎতবা ইথীল্ অদু ঙাক্থোক্ই হাইনা ৱাখল্লোন্ থম্খী। সোমা লাইস্রাম্না কনাগুম্বা অমনা খুৎনাইবসীংগী মরক্তা থাজবা, থৌনা অমসুং মতেং পাংগদবনী অদুগা মহাক্না খুন্নাইগী ওইবা ৱাখল্লোন্ লৈগদবনী অমসুং অতোপ্পসীংবু ইকাই খুম্নবা লৈগদবনী হাইনা ফাওই। সোমানা মুৎখীবা য়াবা রাজ্য অসীগী ফুরুপ্ অদুসু কন্বা পাম্মী। মরম্ অদুনা, মহাক্না মীপুম্ খুদীংমক্পু অমগা অমগা হাৎপদু লেপ্নবা হাইজৈ। ঐখোইগী ইনাক্ খুল্লবা চৎনবীগী ওইবা হেরীতেজা অদু য়োক্খৎনবা মওং অমা ওইনা, সোমানা মমী কুম্হৈসীংদা চৎনবীগী ওইবা ফীজোল্ সীজীন্নবা পাম্মী। ঐখোইগী অপুন্বা ওইথোক্পা য়াবা অদু উৎনবা সোমানা তসেংনা মনীপুরী মমী কুম্হৈগী ইন্দসত্রী চাওখৎহন্বা পাম্মী। অদুবু মমী কুম্হৈ অমা মাই পাক্পদা য়েংলীবসীং খন্বা অসী য়াম্না মরুওই। সক্তম্ লাংবগী মথক্তা সোমা লাইস্রাম্না মোদেলীংদসু অচেৎপা মীংচৎ অমা লৈ। মহাক্না রাজ্য অসীদা তোঙান্-তোঙান্বা ফেসনগা মরী লৈনবা অহেন্বা থৌরম্সীংদা রেম্প্সীংদা চৎখী। অদুবু মহাক্ মোদেলীংগী লম্ অসীদা মতীক্ চাবা প্রোমোসন্ ফংদবগী মতাংদা ৱাখল্ ৱাই। সোমানা লাক্কদৌরীবা নহা ওইরীবা মোদেল্সীংদা পাওতাক্ পীরী - 'মোদেল্ অমা ওইবা পাম্লীবা মীওই অমনা মরুওইবা স্তেতীসতীক্সা, দাইৎ, মওং-মতৌ, মসক্ নাইবা, অফবা মওং মতৌ অমসুং অঙম্বা থৱাই অমদা থবক্ তৌগদবনী'। মনীপুরগী নহাসীংদা পীখীবা পাওজেল্গী মতাংদা সোমানা ফাওৱী - "নহাসীংনা মখোইগী অপাম্বা অদু পাংথোক্পগী মথক্তা, ঐখোইগী খুন্নাইগী তুংগী ফীবম্গীদমক্তসু খনগদবনী .... নহাক্কী পুন্সী অদু মপুং ফানা নুংঙাইবা লৌরীঙৈদা, নুংঙাইবা অদুগী মহৈ অদুনা কান্নবা মহৈ অমা ফংগদবনী"। অরোইবদা, সোমানা হায়খী মদুদী তুংদা মহাক্না দ্রগা য়াওদবা খুন্নাই অমা ওইগনী হাইনা থাজরীঙৈদা লৈঙাক্ অসীদা ময়েক্ সেংনা উৎপা অসী মকোক্ থোংবা মরুওইবা অমা ওইগদবনী।

মাই পাক্না কুম্খ্রবা মমী কুম্হৈসীং

হৌজীক্ ফাওবদা সোমানা মনীপুরী মমী কুম্হৈ ৩০ হেন্বদা সক্তম্ লাংখ্রে অমসুং অনৌবা থবক্ কয়া অমসু লৈরী। সোমানা হৌজীক্ ফাওবদা সক্তম্ লাংখ্রবা মমী কুম্হৈসীংগী মনুংদা য়াওরী ১. ফীজাং মরুম্দা: দীরেক্তরা - কে. বীমোল্ সরমা ২. হংগম্ মারু পোখাইবী : দীরেক্তরা - এল্. সুরজাকান্তা সরমা ৩. ইমা লাই পজাদীবী : দীরেক্তরা - কীরমীল্ ৪. লেইমা : দীরেক্তরা - ওজীৎকুমারা এলাংবম্ ৫. লোইবা তারে তা রাজু : দীরেক্তরা - পীলু ঐচা ৬. মীকুপ্ তুনী নগাইরীবা : দীরেক্তরা - সুরজীৎ ৭. অং তামো : দীরেক্তরা - পীলু ঐচা ৮. পীজজা : দীরেক্তরা - রোমী মৈতৈ ৯. অংগক্পা: দীরেক্তরা - জেম্সা অংগোম্ ১০. লনফাম্ : দীরেক্তরা - বীরা ভদ্রা য়ুম্নম্ ১১. ওজা দা : দীরেক্তরা - প্রফুল্লো ১২. থাজাগী মহীং : দীরেক্তরা - রোমী মৈতৈ ১৩. অনী অনী মারী : দীরেক্তরা - জীতেন্দ্রা নীঙোম্বম্ ১৪. য়োৎসাবী মখোন্ অহুম্ : দীরেক্তরা - এল্ রাজেসা ১৫. তাকু রাম্থরা : দীরেক্তরা - ওজীৎবাবু ১৬. তান্দন্ : দীরেক্তরা - সুভাসা ই ১৭. Lan Leipakta Leiphao : দীরেক্তরা - প্রকাসা এল্ ১৮. সনা দী সনানী : দীরেক্তরা - রনজীৎ নীংথৌজা ১৯. ই মী কী : দীরেক্তরা - জেক্সন্ ২০. চীরোল্ : দীরেক্তরা - জীতেন্ ওইনাম্ ২১. দা লেক্ : দীরেক্তরা -নীংথোবী ইসোক্

সোমা লাইস্রাম্গী লাক্কদৌরীবা মমী কুম্হৈসীং: ১. মীথীংগাই : দীরেক্তরা - প্রকাসা এল্ ২. খোংগুল্ লীবা : দীরেক্তরা - মোচা ৩. ইগী খোংগুল্ : দীরেক্তরা - ও.সী. মীরা ৪. পাখাংসারী : দীরেক্তরা - আই.এস. গুরুং ৫. হু চেজা : দীরেক্তরা - দেনী লীক্মাবম্ ৬. থাবল্: দীরেক্তরা - গ্যানন্দা ৭. সীংগনবা: দীরেক্তরা - রাম্ বাসন্ ৮। অমম্বা সায়োন্ : দীরেক্তরা - জোন্সন্ মায়াংলাংবম্

কুম্খীবা মমী কুম্মৈসীং

চৈহী	মমী কুম্হৈ	Role	Director
2010	Phijang Marumda		K. Bimol Sharma
2011	Leima		Ojitkumar Elangbam
	Loibataare Ta Raju	Soochi	Pilu H.
2012	Hiktharaba Samji (Pizza)	Thoi	Romi Meitei
2013	Lal Leipakta Laiphao	Leishna	L. Prakash
	Thajagee Maihing	Linthoi	Romi Meitei
	Amamba Sayon	Mary Golson	Johnson Mayanglambam
2014	Hoo Chaage	Mitkhubi	Danny Likmabam
2015	Toro	Toro	Kirmil Soraisam
	Hingbagee Mahao	Mary	Jeetendra Ningomba
	Nangna Nokpa Yengningi	Memi	Ajit Ningthouja
	Nungshi Feijei	Nungshibi	Chou En Lai
2016	Nungshi Feijei 2	Nungshibi	Chou En Lai
	Nanggee Shaktam Nungshiba Helli		O. Gautam
2017	Tomthin Shija	Tomba	Bobby Haobam
	Enakta Leiringei	Thoinu	Manoranjan Longjam
	Echan gi Laidhi	Langlen	Rakesh Moirangthem
	Mitlu	Thadoi	Gyaneshwor Konj
	Akhunba Takhellei	Takhellei	Ojitbabu Ningthoujam
	Kaongamdraba Facebook	Nungshi	AK. Gyaneshori
	Eibu Hingkhora Eibu Sikhrora	Henjathoibi	Tej Salam
2018	Leishabigee Macha		Jeetendra Ningomba
	Nurei	Nurei	Rakesh Moirangthem
	Hiyai		Herojit Naoroibam
	Yotpi	Mayolsana	Romi Meitei
	Chanu IPS	Laisna	Sanaton Nongthomba
	Leichilda Pallaba Thaja	Ayingbi	Pilu H.
2019	Kao Phaaba	Leina	Ishomani
	Ningthiba Nonglik	Nonglik	M. Nirmala Chanu
	Khurai Angaobi		Sudhir Kangjam
	Ningthou		Geet Yumnam
	Chanu IPS 2	Laisna	Sanaton Ningthomba
	Amuba Kundo		Jeet Mangang

সীসু য়েংঙু

বীজু নীঙোম্বম্