ꯕꯨꯟꯗꯦꯂꯈꯟ ꯑꯦꯛꯁꯄ꯭ꯔꯦꯁꯋꯦ

ꯕꯨꯟꯗꯦꯂꯈꯟ ꯑꯦꯛꯁꯞꯔꯦꯁꯋꯦ ꯑꯁꯤ ꯏꯟꯗꯤꯌꯥ ꯎꯠꯇꯔ ꯄ꯭ꯔꯗꯦꯁ ꯔꯥꯖ꯭ꯌꯗꯥ ꯂꯩꯕ ꯀꯤꯂꯣꯃꯤꯇꯔ ꯲꯹꯶ ꯁꯥꯡꯕ, ꯂꯦꯟ ꯴ ꯄꯥꯛꯄꯥ (꯶ ꯐꯥꯎꯕ ꯄꯥꯛꯊꯣꯛ ꯆꯥꯎꯊꯣꯀꯍꯟꯕ ꯌꯥꯕ) ꯑꯦꯛꯁꯦꯁ ꯂꯥꯛꯁꯤꯟꯕ ꯌꯥꯕ ꯑꯦꯛꯁꯞꯔꯦꯁꯋꯦ ꯑꯃꯅꯤ ꯫ ꯃꯁꯤꯅ ꯆꯤꯇꯔꯥꯀꯣꯠ ꯖꯤꯂꯥꯒꯤ ꯑꯦꯟ.ꯑꯩꯆ.-꯳꯵ꯗ ꯂꯩꯕ ꯒꯣꯟꯗꯥ ꯈꯨꯡꯒꯪꯒꯥ ꯏꯇꯥꯋꯥ ꯖꯤꯂꯥꯒꯤ ꯑꯥꯒ꯭ꯔꯥ–ꯂꯈꯅꯧ ꯑꯦꯛꯁꯞꯔꯦꯁꯋꯦꯗ ꯂꯩꯕ ꯀꯨꯗ꯭ꯔꯥꯏꯜ ꯈꯨꯡꯒꯪꯒꯥ ꯁꯝꯅꯍꯜꯂꯤ ꯫ ꯄ꯭ꯔꯙꯥꯟ ꯃꯟꯇ꯭ꯔꯤ ꯅꯔꯦꯟꯗ꯭ꯔ ꯃꯣꯗꯤꯅ ꯲꯰꯲꯰ꯒꯤ ꯐꯦꯕ꯭ꯔꯨꯋꯥꯔꯤ ꯲꯹ꯗ ꯆꯤꯇꯔꯀꯣꯠꯀꯤ ꯒꯣꯟꯗꯥ ꯈꯨꯡꯒꯪꯗ ꯕꯨꯟꯗꯦꯂꯈꯟ ꯑꯦꯛꯁꯞꯔꯦꯁꯋꯦꯒꯤ ꯌꯨꯝꯐꯝ ꯊꯣꯟꯈꯤ, ꯑꯃꯁꯨꯡ ꯑꯦꯛꯁꯞꯔꯦꯁꯋꯦ ꯑꯁꯤ ꯲꯰꯲꯲ꯒꯤ ꯖꯨꯂꯥꯏ ꯱꯶ꯇꯥ ꯁꯪꯒꯥꯈꯤ ꯫ ꯑꯦꯛꯁꯞꯔꯦꯁꯋꯦ ꯑꯁꯤꯅꯥ ꯆꯤꯇꯔꯀꯨꯠ ꯙꯥꯝ ꯐꯥꯎꯕ ꯇꯨꯔꯤꯖꯝ ꯍꯦꯟꯒꯠꯍꯟꯒꯅꯤ ꯫ ꯊꯧꯔꯥꯡ ꯑꯁꯤ ꯲꯰꯱꯷ꯀꯤ ꯑꯦꯞꯔꯤꯜꯗ ꯎꯠꯇꯔ ꯄ꯭ꯔꯗꯦꯁꯀꯤ ꯃꯨꯈ꯭ꯌ ꯃꯟꯇ꯭ꯔꯤ ꯌꯣꯒꯤ ꯑꯥꯗꯤꯇꯌꯅꯥꯊꯅ ꯍꯧꯗꯣꯛꯈꯤꯕꯅꯤ ꯫ ꯃꯁꯤ ꯎꯠꯇꯔ ꯄ꯭ꯔꯗꯦꯁ ꯑꯦꯛꯁꯞꯔꯦꯁꯋꯦꯖ ꯏꯟꯗꯁ꯭ꯇ꯭ꯔꯤꯌꯦꯜ ꯗꯤꯕꯦꯂꯄꯃꯦꯟꯠ ꯑꯣꯊꯣꯔꯤꯇꯤ (ꯌꯨ.ꯄꯤ.ꯏ.ꯑꯥꯏ.ꯗꯤ.ꯑꯦ.)ꯅꯥ ꯁꯦꯝꯒꯠꯄꯅꯤ ꯑꯃꯁꯨꯡ ꯃꯁꯤꯒꯤ ꯑꯄꯨꯟꯕ ꯊꯧꯔꯥꯡ ꯃꯃꯜ ꯑꯁꯤ ꯂꯨꯄꯥ ꯀꯣꯇꯤ ꯱꯴,꯷꯱꯶ꯅꯤ ꯫

ꯂꯝꯕꯤ

ꯕꯨꯟꯗꯦꯂꯈꯟꯗ ꯑꯦꯛꯁꯞꯔꯦꯁꯋꯦꯅ ꯏꯇꯥꯋꯥ ꯖꯤꯂꯥꯒꯤ ꯑꯥꯒ꯭ꯔꯥ–ꯂꯈꯅꯧ ꯑꯦꯛꯁꯞꯔꯦꯁꯋꯦꯗꯥ ꯂꯩꯕ ꯀꯨꯗ꯭ꯔꯥꯏꯜ ꯈꯨꯡꯒꯪꯒꯥ ꯆꯤꯇꯔꯥꯀꯣꯠ ꯖꯤꯂꯥꯒꯤ ꯑꯦꯟ.ꯑꯩꯆ.-꯳꯵ꯗꯥ ꯂꯩꯕꯥ ꯒꯣꯟꯗꯥ ꯈꯨꯡꯒꯪꯒꯥ ꯁꯝꯅꯍꯜꯂꯒꯅꯤ ꯫ ꯃꯁꯤꯅ ꯎꯠꯇꯔ ꯄ꯭ꯔꯗꯦꯁꯀꯤ ꯖꯤꯂꯥ ꯷ ꯍꯥꯏꯕꯗꯤ (ꯅꯣꯡꯄꯣꯛꯇꯒꯤ ꯈꯥ ꯐꯥꯎꯕ) ꯏꯇꯥꯋꯥ, ꯑꯧꯔꯥꯏꯌꯥ, ꯖꯂꯥꯎꯟ, ꯍꯃꯤꯔꯄꯨꯔ, ꯃꯍꯣꯕ, ꯕꯟꯗꯥ ꯑꯃꯁꯨꯡ ꯆꯤꯇꯔꯀꯨꯠꯀꯤ ꯃꯅꯨꯡꯗ ꯆꯠꯀꯅꯤ ꯫

ꯀꯨꯗ꯭ꯔꯥꯏꯜ ꯈꯨꯡꯒꯪ (ꯏꯇꯥꯋꯥ)ꯗꯒꯤ ꯆꯤꯇꯔꯥꯀꯣꯠ ꯙꯥꯝ ꯐꯥꯎꯕꯒꯤ ꯑꯦꯛꯁꯞꯔꯦꯁꯋꯦꯒꯤ ꯂꯝꯕꯤ ꯑꯁꯤ ꯃꯈꯥꯗ ꯄꯤꯔꯤ:

ꯚꯥꯔꯇꯅꯒꯤ ꯅꯣꯡꯄꯣꯛ ꯊꯪꯕ ꯁꯔꯨꯛꯇꯥ ꯂꯩ ꯫
ꯐꯐꯨꯟꯗꯒꯤ ꯅꯣꯡꯆꯨꯞ ꯊꯪꯕ ꯁꯔꯨꯛꯇꯥ ꯂꯩ ꯫
ꯑꯧꯔꯥꯏꯌꯥꯒꯤ ꯅꯣꯡꯆꯨꯞ ꯊꯪꯕ ꯁꯔꯨꯛꯇꯥ ꯂꯩ ꯫
ꯖꯂꯥꯎꯅꯒꯤ ꯅꯣꯡꯆꯨꯞ ꯊꯪꯕ ꯁꯔꯨꯛꯇꯥ ꯂꯩ ꯫
ꯑꯣꯔꯥꯏꯒꯤ ꯈꯥ-ꯅꯣꯡꯄꯣꯛ ꯊꯪꯕꯥ ꯁꯔꯨꯛꯇꯥ ꯂꯩ ꯫
ꯔꯊꯀꯤ ꯅꯣꯡꯄꯣꯛ ꯊꯪꯕ ꯁꯔꯨꯛꯇꯥ ꯂꯩ ꯫
ꯃꯧꯗꯥꯍꯥꯒꯤ ꯈꯥ ꯊꯪꯕ ꯁꯔꯨꯛꯇꯥ ꯂꯩ ꯫
ꯕꯟꯗꯥꯒꯤ ꯅꯣꯡꯄꯣꯛ ꯊꯪꯕ ꯁꯔꯨꯛꯇꯥ ꯂꯩ ꯫
ꯑꯇꯥꯔꯥꯒꯤ ꯅꯣꯡꯄꯣꯛ ꯊꯪꯕ ꯁꯔꯨꯛꯇꯥ ꯂꯩ ꯫

ꯃꯇꯦꯡ ꯂꯧꯔꯛꯐꯝ