ꯀꯇꯦꯔꯤꯅꯥ ꯕꯤꯂꯣꯀꯨꯔ

ꯀꯇꯦꯔꯤꯅꯥ ꯕꯤꯂꯣꯀꯨꯔ Kateryna Bilokur Катерина Бiлокур
ꯄꯣꯛꯄ	December 7 [O.S. November 24] 1900 ꯕꯣꯍꯗꯥꯅꯤꯚꯀꯥ, ꯄꯣꯜꯇꯥꯚꯥ ꯒꯣꯚꯔꯅꯣꯔꯦꯠ, ꯔꯁꯤꯌꯥꯒꯤ ꯂꯩꯄꯥꯛ ꯂꯝꯂꯦꯟ
ꯂꯩꯈꯤꯗꯕ	꯹ ꯖꯨꯟ, ꯱꯹꯰꯰(1961-06-09) (ꯊꯥ ꯃꯁꯤꯡ ৬০) ꯕꯣꯍꯗꯥꯅꯤꯚꯀꯥ, ꯌꯥꯍꯣꯇꯤꯟ ꯔꯥꯏꯑꯣꯟ, ꯀꯤꯚ ꯑꯣꯕ꯭ꯂꯥꯁ꯭ꯠ, ꯌꯨꯀ꯭ꯔꯦꯟꯒꯤ SSR
ꯂꯩꯄꯥꯛ ꯃꯆꯥ	ꯌꯨꯀ꯭ꯔꯦꯟ ꯃꯆꯥ
ꯃꯅꯥ-ꯃꯊꯨꯝ	ꯄꯤꯄꯜ'ꯁ ꯑꯥꯔꯇꯤꯁ꯭ꯠ ꯑꯣꯐ ꯌꯨꯀ꯭ꯔꯦꯟ

ꯀꯇꯦꯔꯤꯅꯥ ꯕꯤꯂꯣꯀꯨꯔ (ꯌꯨꯀ꯭ꯔꯦꯅꯤꯌꯥꯟ ꯂꯣꯟ: Катерина Василівна Білокур ) ꯑꯁꯤ ꯌꯨꯀ꯭ꯔꯦꯟꯒꯤ ꯈꯨꯟꯅꯨꯡ ꯆꯠꯅꯂꯣꯟꯒꯤ ꯁꯤꯟꯂꯣꯢ ꯑꯃꯅꯤ ꯫ ꯃꯍꯥꯛ ꯄꯣꯜꯇꯣꯚꯥ ꯒꯣꯚꯔꯅꯔꯦꯠ ꯃꯐꯝꯗ ꯄꯣꯛꯈꯤ ꯫ ꯃꯍꯥꯛꯀꯤ ꯃꯄꯣꯛ ꯅꯨꯃꯤꯠ ꯆꯞ ꯆꯥꯕꯗꯤ ꯈꯪꯗ꯭ꯔꯤ ꯑꯗꯨꯕꯨ ꯃꯌꯥꯝꯅ ꯗꯤꯁꯦꯝꯕꯔ ꯷ꯅꯤ ꯍꯥꯢꯅ ꯂꯦꯞꯅꯩ ꯫ ꯱꯹꯳꯰ꯒꯤ ꯑꯃꯗꯤ ꯱꯹꯴꯰ꯒꯤ ꯇꯨꯡꯒꯤ ꯆꯍꯤ ꯱꯰ ꯑꯗꯨꯋꯥꯢꯗ ꯃꯍꯥꯛꯀꯤ ꯊꯕꯛ ꯊꯧꯔꯝꯁꯤꯡꯁꯤ ꯁꯛꯈꯪꯕꯤꯕ ꯍꯧꯔꯛꯈꯤ ꯫ ꯃꯍꯥꯛꯁꯤ People's Artist of Ukraine ꯍꯥꯢꯅ ꯃꯤꯡꯊꯣꯟꯈꯤ ꯫ ꯃꯍꯥꯛꯀꯤ ꯊꯕꯛ ꯊꯧꯔꯝꯁꯤꯡꯁꯤ ꯄꯦꯕ꯭ꯂꯣ ꯄꯤꯀꯥꯁꯣꯅ ꯄꯦꯔꯤꯁꯇ ꯎꯈꯤ ꯍꯥꯢꯅ ꯂꯧꯅꯩ ꯫ ꯃꯗꯨꯗ ꯄꯦꯕ꯭ꯂꯣ ꯄꯤꯀꯥꯁꯣꯅ ꯑꯁꯨꯝꯅ ꯍꯥꯢꯈꯤ, "ꯀꯔꯤꯒꯨꯝꯕ ꯑꯩꯈꯣꯢꯅ ꯑꯁꯤꯒꯨꯝꯕ ꯊꯥꯛꯀꯤ ꯁꯤꯟꯂꯣꯢ ꯑꯃ ꯂꯩꯔꯕꯗꯤ, ꯑꯩꯈꯣꯢꯅ ꯃꯥꯂꯦꯝ ꯄꯨꯝꯕꯗ ꯃꯍꯥꯛꯀꯤ ꯃꯔꯝꯗ ꯋꯥꯔꯤ ꯂꯤꯅꯍꯧꯅꯍꯟꯕ ꯉꯝꯒꯅꯤ ꯫" ("If we had an artist of this level, we would make the whole world talk about her")꯫

ꯄꯨꯟꯁꯤ ꯋꯥꯔꯤ

ꯃꯍꯥꯛꯁꯤ ꯲꯴ ꯅꯣꯚꯦꯝꯕꯔ (ꯅꯠꯇ꯭ꯔꯒ ꯗꯤꯁꯦꯝꯕꯔ ꯷) ꯱꯹꯰꯰ ꯆꯍꯤꯗ ꯕꯣꯒꯗꯥꯅꯤꯚꯀꯥ ꯈꯨꯜꯗ ꯄꯣꯛꯈꯤ ꯫ ꯆꯍꯤ ꯶-꯷ ꯁꯨꯔꯛꯄ ꯃꯇꯝꯗ, ꯀꯇꯦꯔꯤꯅꯥ ꯏꯕ ꯄꯥꯕ ꯍꯩꯈꯤ ꯫ ꯃꯍꯥꯛꯀꯤ ꯏꯃꯨꯡꯅ ꯃꯍꯥꯛꯄꯨ ꯃꯍꯩ ꯇꯝꯐꯝꯗ ꯊꯥꯕꯤꯈꯤꯗꯦ ꯫ ꯃꯁꯤꯒꯤ ꯃꯔꯝꯗꯤ ꯃꯍꯥꯛꯀꯤ ꯈꯣꯡꯎꯞ ꯑꯃꯗꯤ ꯃꯐꯤ ꯃꯔꯣꯟ ꯂꯩꯅꯕ ꯁꯦꯜꯗꯨ ꯇꯨꯡꯁꯤꯜꯍꯧꯕꯅ ꯍꯦꯟꯅ ꯐꯩ ꯈꯟꯕꯒꯤꯅꯤ ꯫ ꯃꯍꯥꯛꯀꯤ ꯌꯥꯝ ꯑꯉꯥꯡ ꯑꯣꯢꯔꯤꯉꯩꯗꯒꯤ ꯂꯥꯢ ꯌꯦꯛꯄ ꯌꯥꯝꯅ ꯄꯥꯝꯖꯔꯛꯏ ꯑꯃꯗꯤ ꯌꯦꯛꯂꯛꯏ ꯫ ꯃꯁꯤꯗ ꯃꯍꯥꯛꯀꯤ ꯃꯃꯥ ꯃꯄꯥꯅꯗꯤ ꯌꯥꯅꯤꯡꯗꯦ, ꯌꯥꯔꯤꯕꯃꯈꯩ ꯇꯧꯍꯟꯗꯅꯕ ꯍꯣꯠꯅꯈꯤ ꯫ ꯑꯗꯨꯕꯨ ꯀꯇꯦꯔꯤꯅꯥꯅ ꯂꯣꯟꯅ ꯂꯣꯟꯅ ꯂꯥꯢ ꯌꯦꯛꯄ ꯑꯗꯨꯝ ꯇꯧꯔꯝꯃꯤ ꯫ ꯃꯁꯤꯗ ꯑꯃꯟꯕ ꯆꯦꯊꯤ ꯆꯦꯈꯨꯝ, ꯐꯤꯖꯦꯠ ꯐꯤꯒꯥꯢ ꯑꯃꯗꯤ ꯀꯣꯢꯂꯥ ꯃꯩꯇꯥꯟꯅꯆꯤꯡꯕ ꯁꯤꯖꯤꯟꯅꯔꯝꯃꯤ ꯫ "ꯑꯩꯅ ꯏꯃꯥꯒꯤ ꯑꯐꯕ ꯐꯤꯒꯤ ꯐꯤꯖꯦꯠ ꯃꯆꯦꯠ ꯑꯃ ꯍꯨꯔꯥꯜꯂꯤ ꯑꯗꯨꯒ ꯀꯣꯢꯂꯥ ꯃꯩꯇꯥꯟ ꯈꯔ ꯂꯧꯊꯣꯛꯏ... ꯑꯩꯅ ꯐꯤꯖꯦꯠꯀꯤ ꯅꯥꯀꯜꯗ ꯀꯔꯤꯒꯨꯝꯕ ꯈꯔ ꯌꯦꯛꯏ, ꯑꯗꯨꯒ ꯑꯩꯅ ꯌꯦꯛꯆꯕꯗꯨ ꯌꯦꯡꯂꯒ ꯅꯨꯡꯉꯥꯢꯖꯩ ꯫ ꯑꯗꯨꯒ ꯑꯩꯅ ꯑꯃꯨꯛ ꯐꯤꯖꯦꯠ ꯃꯆꯦꯠ ꯑꯗꯨꯒꯤ ꯅꯥꯀꯜ ꯑꯃꯗ ꯑꯃꯨꯛ ꯀꯔꯤꯒꯨꯝꯕ ꯈꯔ ꯑꯃꯨꯛ ꯌꯦꯛꯏ ꯫... ꯃꯁꯤꯗꯗꯤ ꯑꯩꯅ ꯍꯥꯟꯅꯒꯤ ꯌꯦꯛꯈꯤꯕꯗꯨ ꯑꯃꯨꯛ ꯌꯦꯛꯇ꯭ꯔꯦ ꯫ ꯑꯗꯨꯒꯤ ꯃꯍꯨꯠꯇ ꯑꯅꯧꯕ ꯎꯆꯦꯛ ꯑꯩꯅ ꯈꯟꯖꯕ ꯈꯔ ꯑꯣꯢꯅ ꯌꯦꯛꯏ ꯫... ꯑꯩꯅ ꯌꯦꯛꯆꯕꯗꯨ ꯌꯦꯡꯂꯒ ꯑꯃꯨꯛ ꯅꯨꯡꯉꯥꯢꯖꯩ ꯫... ꯑꯩꯒꯤ ꯏꯃꯥ ꯏꯄꯥꯅ ꯃꯁꯤ ꯈꯪꯂꯛꯄ ꯃꯤꯠꯀꯨꯞꯇ ꯃꯗꯨ ꯄꯨꯝꯅꯃꯛ ꯁꯦꯒꯥꯢꯗꯨꯅ ꯃꯩꯗ ꯂꯪꯁꯤꯜꯂꯤ ꯫ ꯏꯃꯥ ꯏꯄꯥꯅ ꯑꯩꯕꯨ ꯑꯉꯥꯎꯕꯤꯒꯨꯝ ꯌꯥꯝ ꯆꯩ ꯉꯥꯡ ꯇꯧꯏ ꯫ꯑꯗꯨꯕꯨ ꯑꯩꯗꯤ ꯑꯩꯅ ꯆꯠꯂꯨ ꯆꯠꯂꯨ ꯃꯐꯝꯗ ꯑꯩꯅ ꯑꯄꯥꯝ ꯑꯄꯥꯝꯕꯗꯨ ꯉꯥꯛꯇ ꯇꯧꯔꯛꯈꯤ ꯫ ꯑꯩꯒꯤ ꯋꯥꯈꯜ ꯃꯅꯨꯡꯗ ꯂꯩꯕ ꯃꯃꯤ ꯑꯃ ꯑꯩꯅ ꯌꯦꯛꯊꯣꯛꯄꯁꯤꯅꯤ ꯑꯩꯅ ꯇꯧꯕꯗꯤ ꯫ ꯑꯩ ꯃꯍꯧꯁꯥꯅ ꯇꯥꯊꯤ ꯇꯥꯋꯣꯢꯅ ꯇꯧꯕꯤ ꯫ ꯍꯥꯢꯕꯗꯤ ꯑꯩꯅ ꯃꯍꯧꯁꯥꯒꯤ ꯁꯦꯡꯂꯕ ꯂꯥꯢꯌꯦꯛꯇ ꯀꯥ ꯍꯦꯟꯅ ꯄꯥꯝꯖꯔꯨꯕ ꯅꯨꯡꯁꯤꯖꯔꯨꯕ ꯑꯁꯤꯅꯤ ꯫ ꯑꯗꯨꯒ ꯑꯃꯨꯁꯨ ꯑꯩꯅ ꯄꯥꯝꯖꯔꯨꯕꯗꯒꯤ ꯑꯩꯒꯤ ꯍꯩꯊꯣꯢ ꯁꯤꯡꯊꯣꯢꯕ ꯁꯤꯖꯤꯟꯅꯗꯨꯅ ꯁꯦꯝꯒꯠꯆꯔꯨꯕ ꯄꯨꯝꯅꯃꯛ ꯑꯃꯨꯛ ꯃꯨꯟꯕꯤꯈꯤꯕ ꯑꯁꯤꯅꯤ ꯫"

ꯃꯍꯥꯛ ꯃꯍꯥꯛꯀꯤ ꯌꯨꯝꯊꯪꯅꯕ ꯑꯃꯗꯤ ꯑꯔꯥꯞꯄ ꯃꯔꯤ ꯃꯇꯥ ꯑꯃꯁꯨ ꯑꯣꯢꯔꯤꯕ ꯅꯤꯀꯤꯇꯥ ꯇꯣꯟꯀꯣꯅꯣꯒꯅ ꯁꯤꯟꯕꯤꯕ ꯈꯨꯜꯒꯤ ꯂꯩꯀꯥꯢꯒꯤ ꯀꯨꯝꯍꯩ ꯇꯧꯕꯒꯤ ꯂꯨꯞꯀꯤ ꯂꯥꯢꯌꯦꯛ ꯌꯦꯛꯄ ꯌꯥꯎꯏ ꯫ ꯀꯣꯟꯅ ꯀꯇꯦꯔꯤꯅꯥ ꯑꯁꯤꯒꯨꯝꯕꯁꯤꯡꯁꯤ ꯑꯆꯧꯕ ꯐꯝꯄꯥꯛꯇ ꯊꯣꯛꯇꯨꯅ ꯑꯃꯨ ꯁꯔꯨꯛ ꯌꯥꯔꯛꯈꯤ ꯫ ꯱꯹꯲꯲-꯱꯹꯲꯳ ꯆꯍꯤꯗ ꯀꯇꯦꯔꯤꯅꯥ ꯃꯤꯔꯒꯣꯔꯣꯗ ꯁꯦꯔꯥꯃꯤꯛ ꯁꯤꯟꯂꯣꯟ ꯃꯍꯩ ꯇꯝꯐꯝꯗ ꯃꯍꯩ ꯇꯝꯈꯤ ꯫ ꯃꯍꯥꯛꯀꯤ ꯃꯤꯔꯒꯣꯔꯣꯗꯀꯤ ꯈꯣꯡꯆꯠꯇꯨ ꯑꯉꯛꯄ ꯑꯣꯢꯈꯤ ꯫ ꯃꯍꯥꯛꯀꯤ ꯂꯥꯢꯌꯦꯛ ꯲ ꯂꯩ: ꯑꯇꯣꯞꯄꯒꯤ ꯃꯇꯧ ꯇꯝꯂꯒ ꯌꯦꯛꯄ ꯂꯥꯢꯌꯦꯛ ꯑꯃ ꯑꯗꯨꯒ ꯃꯍꯥꯛꯀꯤ ꯄꯨꯄꯨꯒꯤ ꯌꯨꯝꯒꯤ ꯂꯥꯢꯌꯦꯛ ꯑꯃ ꯫ꯑꯅꯤꯃꯛ ꯑꯆꯝꯕ ꯆꯦꯗ ꯌꯦꯛꯈꯤꯕ ꯉꯥꯛꯇꯅꯤ ꯫ ꯑꯗꯨꯕꯨ ꯃꯍꯥꯛꯁꯤ ꯑꯉꯥꯡ ꯇꯥꯛꯄꯤ ꯇꯝꯕꯤꯕꯒꯤ ꯃꯍꯩ ꯇꯝꯐꯝꯗ ꯊꯕꯛ ꯆꯪꯕ ꯐꯪꯈꯤꯗꯦ ꯫ ꯃꯁꯤꯒꯤ ꯃꯔꯝꯗꯤ ꯃꯍꯥꯛ ꯃꯍꯥꯛꯀꯤ ꯃꯃꯥꯡꯒꯤ ꯃꯍꯩ ꯇꯝꯐꯝꯗꯒꯤ ꯆꯍꯤ ꯷ ꯂꯥꯢꯔꯤꯛ ꯇꯝꯂꯛꯄꯒꯤ ꯆꯦ ꯆꯥꯡ ꯂꯩꯈꯤꯗꯕꯒꯤꯅꯤ ꯫ ꯑꯗꯨꯅ ꯃꯍꯥꯛ ꯃꯌꯨꯝꯗ ꯃꯈꯣꯡꯅ ꯍꯜꯂꯛꯈꯤ ꯫ ꯀꯔꯤꯒꯨꯝꯕ ꯈꯔ ꯌꯦꯛꯅꯤꯡꯕꯒꯤ ꯑꯄꯥꯝꯕꯗꯨꯗꯤ ꯃꯉꯣꯟꯗ ꯑꯗꯨꯝ ꯂꯩꯈꯤ ꯫ ꯀꯣꯟꯅ ꯃꯍꯥꯛꯅ ꯃꯇꯩ ꯃꯅꯥꯎ ꯑꯣꯖꯥ ꯲ꯅ ꯗ꯭ꯔꯥꯃꯥ ꯇꯝꯕꯤꯕꯗ ꯌꯥꯎꯈꯤ ꯫ ꯃꯍꯥꯛꯀꯤ ꯃꯃꯥ ꯃꯄꯥꯅ ꯗ꯭ꯔꯥꯃꯥ ꯇꯝꯕ ꯌꯥꯔꯛꯈꯤ ꯫ ꯑꯗꯨꯕꯨ ꯃꯍꯥꯛ ꯗ꯭ꯔꯥꯃꯥ ꯇꯝꯕ ꯌꯥꯎꯔꯕꯁꯨ ꯏꯃꯨꯡꯒꯤ ꯊꯕꯛ ꯏꯟꯈꯥꯡ ꯇꯧꯕꯗ ꯑꯌꯦꯠ ꯑꯄꯟ ꯂꯩꯍꯟꯕꯗꯤ ꯌꯥꯍꯟꯈꯤꯗꯦ ꯫

ꯑꯍꯦꯟꯕ ꯌꯦꯡꯐꯝꯁꯤꯡ

ꯏꯪꯂꯤꯁ

• Kateryna Bilokur - 54 artworks - painting - her paintings on WikiArt
• Ukraine gateway
• Katerina Bilokur on Ukrkolo.com

ꯌꯨꯀ꯭ꯔꯦꯅꯤꯌꯥꯟ

• Картинна галерея Катерини Білокур
• Дарина Горова Минуло 105 років від дня народження Катерини Білокур. «Україна Молода», № 234, 2005
• Сто видатних імен в Україні