ꯃꯠꯁ꯭ꯌ

ꯃꯠꯁ꯭ꯌ ꯍꯥꯏꯕꯁꯤ ꯍꯤꯟꯗꯨ ꯂꯥꯢꯅꯤꯡꯒꯤ ꯚꯤꯁ꯭ꯅꯨꯒꯤ ꯂꯦꯝꯂꯩ ꯉꯥ ꯑꯣꯢꯕ ꯁꯥꯢꯑꯣꯟꯅꯤ ꯫ ꯃꯠꯁꯌ ꯑꯋꯇꯥꯔ ꯑꯁꯤ ꯍꯤꯟꯗꯨ ꯙꯔꯝꯃꯗꯥ ꯃꯔꯨ ꯑꯣꯏꯕꯥ ꯏꯁ꯭ꯕꯔ ꯑꯍꯨꯃꯒꯤ ꯃꯅꯨꯡꯗꯥ ꯑꯃꯥ ꯑꯣꯏꯔꯤꯕꯥ ꯚꯒꯕꯥꯟ ꯕꯤꯁ꯭ꯅꯨꯒꯤ ꯑꯍꯥꯅꯕꯥ ꯑꯋꯇꯥꯔꯅꯤ꯫ ꯕꯤꯁ꯭ꯅꯨꯅꯥ ꯃꯥꯂꯦꯝ ꯑꯁꯤꯕꯨ ꯈꯨꯗꯣꯡꯊꯤꯕꯥ ꯅꯪꯂꯕꯥ ꯃꯇꯝ ꯈꯨꯗꯤꯡꯗꯥ ꯀꯟꯅꯅꯕꯒꯤꯗꯃꯛ ꯇꯣꯉꯥꯟ ꯇꯣꯉꯥꯅꯕꯥ ꯃꯑꯣꯡ ꯃꯇꯧꯁꯤꯡ ꯂꯧꯏ꯫ ꯃꯁꯤꯒꯤ ꯃꯑꯣꯡ ꯑꯁꯤꯗꯥ ꯃꯍꯥꯛ ꯉꯥ ꯑꯃꯥ ꯑꯣꯏꯔꯀꯈꯤ꯫ ꯃꯠꯁꯌ ꯑꯋꯇꯥꯔꯒꯤ ꯋꯥꯔꯤ ꯑꯁꯤ ꯌꯥꯝꯅꯥ ꯑꯔꯤꯕꯥ ꯑꯃꯅꯤ ꯑꯃꯁꯨꯡ ꯄꯨꯔꯥꯅꯒꯨꯝꯕꯥ ꯑꯔꯤꯕꯥ ꯍꯤꯟꯗꯨ ꯂꯥꯏꯔꯤꯀꯁꯤꯡꯗꯒꯤ ꯂꯥꯀꯄꯅꯤ꯫ ꯃꯇꯝ ꯀꯌꯥꯒꯤ ꯃꯃꯥꯡꯗꯒꯤ ꯃꯅꯨ ꯀꯧꯕꯥ ꯑꯆꯧꯕꯥ ꯅꯤꯡꯊꯧ ꯑꯃꯥ ꯂꯩꯔꯝꯃꯤ꯫ ꯅꯨꯃꯤꯠ ꯑꯃꯗꯥ ꯃꯅꯨꯅꯥ ꯇꯨꯔꯦꯜ ꯑꯃꯗꯥ ꯈꯨꯠ ꯍꯥꯃꯗꯣꯀꯄꯥ ꯃꯇꯃꯗꯥ ꯏꯁꯤꯡꯗꯥ ꯑꯄꯤꯀꯄꯥ ꯉꯥ ꯑꯃꯥ ꯊꯦꯡꯅꯈꯤ꯫ ꯉꯥ ꯑꯁꯤ ꯌꯥꯝꯅꯥ ꯄꯤꯀꯄꯥ ꯑꯃꯁꯨꯡ ꯁꯣꯟꯊꯕꯥ ꯑꯣꯏꯔꯝꯃꯤ ꯑꯗꯨꯕꯨ ꯃꯅꯨꯒꯥ ꯋꯥꯔꯤ ꯁꯥꯅꯔꯝꯃꯤ꯫ ꯃꯁꯤꯅꯥ ꯃꯍꯥꯀꯄꯨ ꯃꯁꯤꯕꯨ ꯉꯥꯀꯊꯣꯛꯅꯕꯥ ꯍꯥꯌꯖꯈꯤ꯫ ꯃꯅꯨꯅꯥ ꯉꯥ ꯑꯗꯨ ꯏꯁꯤꯡꯒꯤ ꯑꯄꯤꯀꯄꯥ ꯄꯣꯠꯁꯛ ꯑꯃꯗꯥ ꯊꯃꯈꯤ ꯑꯗꯨꯕꯨ ꯉꯥ ꯑꯗꯨ ꯍꯦꯟꯅꯥ ꯆꯥꯎꯈꯠꯂꯛꯂꯤ꯫ ꯊꯨꯅꯥ ꯃꯅꯨꯅꯥ ꯃꯁꯤꯕꯨ ꯍꯦꯟꯅꯥ ꯆꯥꯎꯕꯥ ꯇꯦꯉ꯭ꯛ ꯑꯃꯗꯥ ꯄꯨꯔꯀꯄꯥ ꯇꯥꯈꯤ, ꯑꯗꯨꯒꯥ ꯑꯔꯣꯏꯕꯗꯥ ꯁꯃꯨꯗ꯭ꯔꯗꯥ ꯄꯨꯔꯀꯄꯥ ꯇꯥꯈꯤ꯫ ꯉꯥ ꯑꯁꯤ ꯑꯆꯝꯕꯥ ꯉꯥ ꯑꯃꯠꯇꯥ ꯑꯣꯏꯔꯃꯗꯦ꯫ ꯃꯠꯁꯌꯒꯤ ꯃꯑꯣꯡꯗꯥ ꯚꯒꯕꯥꯟ ꯕꯤꯁ꯭ꯅꯨ ꯃꯁꯥꯃꯛ ꯑꯣꯏꯈꯤ꯫ ꯏꯁ꯭ꯕꯔꯁꯤꯡꯅꯥ ꯃꯅꯨꯗꯥ ꯍꯥꯌꯔꯝꯃꯤ ꯃꯗꯨꯗꯤ ꯑꯀꯤꯕꯥ ꯄꯣꯀꯍꯅꯕꯥ ꯏꯁꯤꯡ ꯏꯆꯥꯎ ꯑꯃꯥ ꯂꯥꯛꯀꯅꯤ ꯑꯃꯁꯨꯡ ꯃꯥꯂꯦꯝ ꯑꯁꯤꯕꯨ ꯃꯥꯡꯍꯟ ꯇꯥꯀꯍꯅꯒꯅꯤ꯫ ꯃꯅꯨꯅꯥ ꯃꯁꯥꯃꯛ, ꯃꯍꯥꯛꯀꯤ ꯏꯃꯨꯡ ꯃꯅꯨꯡ ꯑꯃꯁꯨꯡ ꯍꯤꯡꯂꯤꯕꯥ ꯄꯣꯠ ꯄꯨꯝꯅꯃꯛꯀꯤ ꯕꯤꯖ ꯀꯟꯅꯕꯥ ꯑꯆꯧꯕꯥ ꯕꯣꯠ ꯑꯃꯥ ꯁꯥꯅꯕꯥ ꯆꯦꯀꯁꯤꯅꯋꯥ ꯄꯤꯈꯤ꯫ ꯏꯁꯤꯡ ꯏꯆꯥꯎ ꯑꯗꯨ ꯂꯥꯀꯄꯥ ꯃꯇꯃꯗꯥ ꯏꯁꯤꯡ ꯑꯗꯨ ꯌꯥꯝꯅꯥ ꯋꯥꯡꯅꯥ ꯊꯥꯡꯒꯠꯂꯀꯈꯤ, ꯑꯃꯁꯨꯡ ꯄ꯭ꯔ꯭ꯏꯊꯤꯕꯤꯒꯤ ꯄꯣꯠ ꯈꯨꯗꯤꯡꯃꯛ ꯊꯨꯒꯥꯌꯈꯤ꯫ ꯃꯠꯁꯌꯥ, ꯉꯥ ꯑꯁꯤ ꯃꯅꯨꯕꯨ ꯃꯇꯦꯡ ꯄꯥꯡꯅꯕꯥ ꯂꯥꯀꯈꯤ꯫ ꯃꯍꯥꯛꯅꯥ ꯕꯣꯠ ꯑꯗꯨ ꯃꯍꯥꯛꯀꯤ ꯁꯉ꯭ꯒꯣꯃꯗꯥ ꯊꯃꯈꯤ ꯑꯃꯁꯨꯡ ꯅꯣꯡꯂꯩ ꯅꯨꯡꯁꯤꯠꯀꯤ ꯏꯁꯤꯡꯒꯤ ꯃꯔꯛꯇꯥ ꯑꯁꯣꯏ ꯑꯉꯥꯝ ꯌꯥꯑꯣꯗꯅꯥ ꯂꯃꯖꯤꯡꯈꯤ꯫ ꯃꯠꯁꯌꯒꯤ ꯃꯇꯦꯡꯅꯥ ꯃꯅꯨ ꯑꯃꯁꯨꯡ ꯕꯣꯠꯇꯥ ꯂꯩꯕꯥ ꯖꯤꯕ ꯄꯨꯝꯅꯃꯛ ꯍꯤꯡꯗꯨꯅꯥ ꯂꯩꯈꯤ꯫ ꯏꯁꯤꯡ ꯏꯆꯥꯎꯒꯤ ꯃꯇꯨꯡꯗꯥ ꯉꯥ ꯑꯁꯤ ꯃꯃꯥꯡꯉꯩꯒꯤ ꯃꯑꯣꯡ ꯃꯇꯧꯗꯥ ꯍꯜꯂꯀꯈꯤ, ꯑꯃꯁꯨꯡ ꯃꯥꯂꯦꯝ ꯑꯁꯤ ꯃꯥꯡꯍꯟ ꯇꯥꯀꯍꯅꯕꯗꯒꯤ ꯀꯅꯈꯤ꯫ ꯃꯠꯁꯌ ꯑꯋꯇꯥꯔ ꯑꯁꯤꯅꯥ ꯊꯥꯖꯕꯥ, ꯉꯥꯀꯊꯣꯀꯄꯥ ꯑꯃꯁꯨꯡ ꯑꯇꯣꯞꯄꯕꯨ ꯃꯇꯦꯡ ꯄꯥꯡꯕꯒꯤ ꯃꯇꯥꯡꯗꯥ ꯃꯔꯨꯑꯣꯏꯕꯥ ꯄꯥꯔꯥ ꯀꯌꯥ ꯇꯝꯕꯤꯔꯤ꯫ ꯃꯁꯤꯅꯥ ꯇꯥꯀꯄꯗꯤ ꯋꯥꯐꯃꯁꯤꯡ ꯑꯁꯤ ꯑꯣꯏꯊꯣꯀꯄꯥ ꯉꯃꯗꯕꯥ ꯑꯣꯏꯅꯥ ꯎꯔꯕꯁꯨ ꯑꯐꯕꯥ ꯑꯃꯁꯨꯡ ꯄꯨꯀꯆꯦꯜ ꯁꯦꯡꯕꯥ ꯃꯤꯑꯣꯏꯁꯤꯡꯒꯤꯗꯃꯛ ꯏꯁ꯭ꯕꯔꯒꯤ ꯃꯇꯦꯡ ꯃꯇꯝ ꯄꯨꯝꯅꯃꯛꯇꯥ ꯂꯩ꯫ ꯚꯒꯕꯥꯟ ꯕꯤꯁ꯭ꯅꯨꯕꯨ ꯃꯑꯣꯡ ꯑꯃꯠꯇꯗꯥ ꯈꯨꯔꯨꯃꯖꯕꯅꯥ ꯑꯁꯣꯏ-ꯑꯉꯥꯝ ꯌꯥꯑꯣꯗꯕꯥ ꯑꯃꯁꯨꯡ ꯊꯧꯖꯥꯜ ꯐꯪꯏ ꯍꯥꯌꯅꯥ ꯃꯤꯌꯥꯝꯅꯥ ꯊꯥꯖꯩ꯫ ꯋꯥꯔꯤ ꯑꯁꯤꯅꯥ ꯃꯤꯑꯣꯏꯕꯅꯥ ꯍꯤꯡꯂꯤꯕꯥ ꯃꯤꯑꯣꯏ ꯈꯨꯗꯤꯡꯃꯀꯄꯨ ꯀꯌꯥ ꯌꯥꯝꯅꯥ ꯑꯄꯤꯀꯄꯥ ꯎꯔꯕꯁꯨ ꯏꯀꯥꯏ ꯈꯨꯝꯅꯒꯗꯕꯅꯤ ꯍꯥꯌꯕꯁꯤꯁꯨ ꯇꯥꯀꯄꯤꯔꯤ꯫ ꯃꯠꯁ꯭ꯌ ꯑꯋꯇꯥꯔ ꯑꯁꯤ ꯀꯨꯝꯃꯩꯁꯤꯡꯗꯥ ꯑꯃꯁꯨꯡ ꯕꯤꯁ꯭ꯅꯨꯕꯨ ꯈꯨꯔꯨꯃꯖꯔꯤꯕꯥ ꯂꯥꯏꯁꯉꯁꯤꯡꯗꯥ ꯅꯤꯡꯁꯤꯡꯂꯤ꯫ ꯑꯉꯥꯡꯁꯤꯡꯗꯥ ꯑꯌꯥꯝꯕꯅꯥ ꯋꯥꯔꯤ ꯑꯁꯤ ꯄꯨꯀꯆꯦꯜ ꯁꯦꯡꯕꯥ, ꯃꯤꯅꯨꯡꯁꯤ ꯑꯃꯁꯨꯡ ꯊꯧꯅꯥꯒꯤ ꯃꯔꯨꯑꯣꯏꯕꯥ ꯑꯗꯨ ꯈꯉꯅꯅꯕꯥ ꯍꯥꯌꯔꯤ꯫ ꯑꯥꯔꯇꯤꯁ꯭ꯠ ꯀꯌꯥꯅꯥ ꯃꯠꯁꯌꯥꯕꯨ ꯃꯤꯑꯣꯏꯕꯒꯤ ꯃꯊꯛ ꯊꯪꯕꯥ ꯁꯔꯨꯛꯇꯥ ꯂꯩꯕꯥ ꯑꯆꯧꯕꯥ ꯉꯥ ꯑꯃꯥ ꯑꯣꯏꯅꯥ ꯄꯦꯟꯊꯣꯀꯈ꯭ꯔꯦ꯫ ꯃꯁꯤꯒꯤ ꯃꯑꯣꯡ ꯑꯁꯤꯅꯥ ꯃꯤꯁꯤꯡꯗꯥ ꯏꯁ꯭ꯕꯔꯒꯤ ꯄꯥꯉ꯭ꯒꯜ ꯑꯃꯁꯨꯡ ꯊꯧꯖꯥꯜ ꯅꯤꯡꯁꯤꯡꯍꯜꯂꯤ꯫ ꯃꯠꯁ꯭ꯌ ꯑꯋꯇꯥꯔ ꯑꯁꯤ ꯕꯤꯁ꯭ꯅꯨꯒꯤ ꯃꯔꯨꯑꯣꯏꯕꯥ ꯑꯋꯇꯥꯔ ꯇꯔꯥꯒꯤ ꯁꯤꯔꯤꯖ ꯑꯃꯥ ꯍꯧꯔꯀꯄꯅꯤ, ꯃꯗꯨꯕꯨ ꯗꯁꯥꯕꯇꯥꯔ ꯀꯧꯏ꯫ ꯑꯋꯇꯥꯔ ꯈꯨꯗꯤꯡꯃꯛ ꯇꯣꯉꯥꯟ ꯇꯣꯉꯥꯅꯕꯥ ꯃꯇꯃꯗꯥ ꯊꯣꯛꯇꯨꯅꯥ ꯃꯥꯂꯦꯝ ꯑꯁꯤꯕꯨ ꯐꯠꯇꯕꯥ ꯑꯃꯁꯨꯡ ꯑꯔꯥꯞꯄꯗꯒꯤ ꯀꯟꯅꯕꯥ ꯊꯣꯀꯏ꯫ ꯃꯠꯁꯌꯥꯅꯥ ꯑꯍꯥꯅꯕꯥ ꯑꯣꯏꯅꯥ ꯏꯁ꯭ꯕꯔꯅꯥ ꯁꯦꯝꯕꯤꯕꯥ ꯃꯄꯨꯕꯨ ꯉꯥꯀꯄꯤꯅꯕꯥ ꯃꯇꯧ ꯀꯔꯝꯅꯥ ꯑꯍꯥꯅꯕꯥ ꯃꯇꯃꯗꯁꯨ ꯊꯕꯛ ꯇꯧꯕꯒꯦ ꯍꯥꯌꯕꯗꯨ ꯎꯠꯂꯤ꯫ ꯃꯁꯤ ꯑꯥꯁꯥꯅꯥ ꯊꯜꯂꯕꯥ ꯋꯥꯔꯤꯅꯤ, ꯃꯁꯤꯅꯥ ꯃꯤꯁꯤꯡꯗꯥ ꯇꯥꯀꯄꯤꯔꯤ ꯃꯗꯨꯗꯤ ꯑꯐꯕꯥ ꯑꯁꯤꯅꯥ ꯃꯇꯝ ꯄꯨꯝꯅꯃꯛꯇꯥ ꯐꯠꯇꯕꯥ ꯃꯥꯏꯄꯥꯀꯏ꯫ ꯉꯁꯤꯁꯨ ꯃꯠꯁꯌ ꯑꯋꯇꯥꯔꯒꯤ ꯋꯥꯔꯤ ꯑꯁꯤ ꯁ꯭ꯀꯨꯂꯁꯤꯡꯗꯥ, ꯋꯥꯔꯤꯃꯆꯥꯁꯤꯡꯗꯥ, ꯀꯂꯆꯔꯦꯜ ꯄ꯭ꯔꯣꯒ꯭ꯔꯥꯃꯁꯤꯡꯗꯥ ꯑꯉꯥꯡꯁꯤꯡꯗꯥ ꯏꯆꯝ ꯆꯝꯕꯥ ꯋꯥꯍꯩꯁꯤꯡꯗꯥ ꯐꯣꯡꯗꯣꯀꯏ꯫ ꯃꯁꯤ ꯍꯤꯟꯗꯨꯒꯤ ꯋꯥꯔꯤꯁꯤꯡꯗꯥ ꯈ꯭ꯕꯥꯏꯗꯒꯤ ꯃꯃꯤꯡ ꯆꯠꯄꯥ ꯑꯃꯁꯨꯡ ꯅꯨꯡꯁꯤꯕꯥ ꯋꯥꯔꯤꯁꯤꯡꯒꯤ ꯃꯅꯨꯡꯗꯥ ꯑꯃꯥ ꯑꯣꯏꯗꯨꯅꯥ ꯂꯩꯔꯤ꯫^[꯱]^[꯲]^[꯳]

ꯁꯤꯃꯁꯨ ꯌꯦꯡꯕꯤꯌꯨ

ꯃꯣꯍꯤꯅꯤ

ꯃꯇꯦꯡ ꯂꯧꯔꯛꯐꯝ

↑ Jośī, Kanhaiyālāla (2007). Matsya mahāpurāṇa: An exhaustive introduction, Sanskrit text, English translation, scholarly notes and index of verses. Parimal Publications. ISBN 9788171103058.
↑ Bandyopadhyaya, Jayantanuja (2007). Class and Religion in Ancient India. Anthem Press. p. 136. ISBN 978-1-84331-332-8.
↑ Valborg, Helen (2007). Symbols of the Eternal Doctrine: From Shamballa to Paradise. Theosophy Trust Books. p. 313. ISBN 978-0-9793205-1-4.

[1] Jośī, Kanhaiyālāla (2007). Matsya mahāpurāṇa: An exhaustive introduction, Sanskrit text, English translation, scholarly notes and index of verses. Parimal Publications. ISBN 9788171103058.

[2] Bandyopadhyaya, Jayantanuja (2007). Class and Religion in Ancient India. Anthem Press. p. 136. ISBN 978-1-84331-332-8.

[3] Valborg, Helen (2007). Symbols of the Eternal Doctrine: From Shamballa to Paradise. Theosophy Trust Books. p. 313. ISBN 978-0-9793205-1-4.

[꯱]

[꯲]

[꯳]