ꯃꯤꯇꯩꯂꯣꯟ ꯄꯨ ꯑꯋꯥꯡꯄ ꯊꯥꯛꯀꯤ ꯂꯣꯟ ꯑꯣꯏꯍꯟꯅꯄꯀꯤ ꯈꯣꯡꯆꯪ
ꯃꯤꯇꯩꯂꯣꯟ ꯍꯥꯏꯕꯁꯤ ꯏꯟꯗꯤꯌꯥ ꯑꯋꯥꯡ-ꯅꯣꯡꯄꯣꯛꯇ ꯂꯩꯕ ꯃꯅꯤꯄꯨꯔꯗ ꯃꯔꯨꯑꯣꯏꯅ ꯉꯥꯡꯅꯕ ꯇꯤꯕꯦꯇꯣ-ꯕꯔꯃꯟ ꯀꯥꯡꯂꯨꯞꯇ ꯆꯤꯡꯕ ꯂꯣꯟ ꯑꯃꯅꯤ ꯫ ꯚꯥꯔꯠ ꯂꯩꯉꯥꯛꯅꯥ ꯁꯛꯈꯪꯂꯕ ꯂꯣꯟ (ꯁꯦꯗꯨꯜ ꯂꯣꯟ) ꯲꯲ ꯁꯤꯡꯒꯤ ꯃꯅꯨꯡꯗ ꯃꯤꯇꯩꯂꯣꯟꯁꯤꯁꯨ ꯑꯃꯅꯤ ꯫ ꯂꯣꯟ ꯑꯁꯤ ꯃꯁꯥꯒꯤ ꯆꯍꯤ ꯳꯵꯰꯰ ꯃꯨꯛꯀꯤ ꯁꯥꯡꯂꯕ ꯄꯨꯋꯥꯔꯤ ꯂꯩꯖꯩ꯫
ꯏꯟꯗꯤꯌꯥ ꯒꯤ ꯂꯣꯏꯁꯤꯟꯂꯣꯟ ꯑꯃꯗꯤ ꯂꯣꯟꯒꯤ ꯃꯁꯤꯟ ꯌꯥꯠꯄ ꯀꯥꯡꯄꯨꯅ ꯄꯤꯕ ꯀꯥꯡꯂꯣꯟꯒꯤ ꯃꯇꯨꯡꯏꯟꯅ ꯀꯔꯤꯒꯨꯝꯕ ꯂꯣꯟ ꯑꯃꯅ ꯍꯥꯏꯔꯤꯕ ꯃꯈꯥꯗ ꯄꯤꯔꯤꯕ ꯀꯥꯡꯂꯣꯟꯁꯤꯡ ꯑꯁꯤ ꯃꯇꯤꯛ ꯆꯥꯅ ꯁꯨꯔꯕꯗꯤ ꯑꯋꯥꯡꯄ ꯊꯥꯛꯀꯤ ꯂꯣꯟ (ꯀ꯭ꯂꯥꯁꯤꯀꯦꯜ ꯂꯣꯟ) ꯑꯣꯏꯄ ꯌꯥꯒꯅꯤ ꯍꯥꯏꯔꯤ:
꯱꯫ ꯂꯣꯟ ꯑꯁꯤ ꯆꯍꯤ ꯲꯰꯰꯰ ꯗꯒꯤ ꯍꯦꯟꯕ ꯄꯨꯋꯥꯔꯤ ꯂꯩꯖꯒꯗꯕꯅꯤ꯫
꯲꯫ ꯂꯣꯟ ꯑꯁꯤ ꯃꯁꯥꯒꯤ ꯑꯣꯏꯕ ꯂꯣꯏꯁꯤꯟꯂꯣꯟ ꯒꯤ ꯅꯤꯡꯊꯤꯖꯕ ꯃꯁꯥꯒꯤ ꯃꯔꯟ ꯂꯩꯖꯒꯗꯕꯅꯤ꯫
꯳꯫ ꯂꯣꯟ ꯑꯁꯤ ꯃꯁꯥ ꯃꯇꯣꯝꯇ ꯍꯧꯖꯔꯛꯄ ꯑꯣꯢꯒꯗꯕꯅꯤ꯫ ꯍꯥꯏꯕꯗꯤ ꯑꯇꯣꯞꯄ ꯂꯣꯟ ꯗꯒꯤ ꯑꯣꯜꯂꯛꯄ ꯅꯠꯇ꯭ꯔꯒ ꯊꯪꯊꯔꯛꯄ ꯑꯣꯏꯔꯣꯏꯗꯕꯅꯤ꯫
꯴꯫ ꯂꯣꯟ ꯑꯁꯤ ꯃꯁꯥꯒꯤ ꯏꯅꯅꯕ ꯃꯌꯦꯛ ꯂꯩꯖꯒꯗꯕꯅꯤ꯫
ꯍꯥꯏꯔꯤꯕ ꯄꯤꯔꯤꯕ ꯀꯥꯡꯂꯣꯟꯁꯤꯡ ꯑꯁꯤ ꯃꯤꯇꯩꯂꯣꯟ ꯍꯥꯏꯔꯤꯕ ꯂꯣꯟ ꯑꯁꯤ ꯗ ꯃꯄꯨꯡ ꯐꯥꯅ ꯆꯨꯁꯤꯟꯅꯔꯕ ꯐꯥꯎꯕꯗ ꯏꯟꯗꯤꯌꯥ ꯂꯩꯉꯥꯛꯅ ꯂꯣꯟ ꯑꯁꯤꯕꯨ ꯑꯋꯥꯡꯄ ꯊꯥꯛꯀꯤ ꯂꯣꯟ ꯅꯤ ꯍꯥꯏꯅ ꯂꯥꯎꯊꯣꯛꯇ꯭ꯔꯤꯕꯁꯤ ꯌꯥꯝꯅ ꯂꯥꯏꯕꯛ ꯊꯤꯕꯅꯤ꯫
ꯍꯧꯖꯤꯛ ꯐꯥꯎꯕꯗ ꯂꯩꯉꯥꯛꯅ ꯑꯋꯥꯡꯄ ꯊꯥꯛꯀꯤ ꯂꯣꯟ (ꯀ꯭ꯂꯥꯁꯤꯀꯦꯜ ꯂꯣꯟ) ꯅꯤ ꯍꯥꯏꯅ ꯂꯥꯎꯊꯣꯛꯈ꯭ꯔꯕ ꯂꯣꯟ ꯁꯤꯡ ꯑꯗꯨꯗꯤ ꯁꯟꯁ꯭ꯀ꯭ꯔꯤꯠ, ꯇꯃꯤꯜ, ꯇꯦꯂꯨꯒꯨ, ꯃꯂꯌꯥꯂꯝ, ꯀꯟꯅꯗ ꯑꯃꯗꯤ ꯑꯣꯔꯤꯌꯥ ꯅꯤ꯫