ꯃꯤꯇꯩ ꯃꯁꯥꯟꯅꯁꯤꯡ

ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ) ꯒꯤ ꯊꯥꯢꯅ ꯃꯃꯥꯡꯉꯩ ꯃꯇꯝꯗꯒꯤ ꯍꯧꯔꯒ ꯉꯁꯤꯐꯥꯎ ꯃꯤꯇꯩ ꯀꯥꯡꯂꯨꯞꯀꯤ ꯑꯉꯥꯡꯁꯤꯡ, ꯅꯍꯥꯁꯤꯡ ꯑꯃꯗꯤ ꯑꯍꯜꯁꯤꯡꯅ ꯁꯥꯟꯅꯔꯤꯕ ꯃꯁꯥꯟꯅ ꯃꯈꯜ ꯀꯌꯥ ꯂꯩ ꯫

ꯅꯍꯥ ꯄꯥꯈꯪ ꯃꯆꯥꯁꯤꯡꯒꯤ ꯃꯁꯥꯟꯅꯁꯤꯡ

ꯇꯦꯂꯪꯀꯥ ꯄꯥꯢꯄ

ꯇꯦꯂꯪꯀꯥ ꯄꯥꯢꯄ (ꯇꯦꯂꯪꯒꯥ ꯄꯥꯢꯕ) ꯃꯁꯥꯟꯅ ꯑꯁꯤ ꯊꯥꯢꯅ ꯃꯃꯥꯡꯉꯩꯗꯒꯤ ꯁꯥꯟꯅꯔꯛꯏ ꯍꯧꯖꯤꯛꯁꯨ ꯁꯥꯟꯅꯔꯤ ꯫^[꯱]

ꯆꯩꯇꯦꯛ ꯀꯣꯠꯄꯤ

ꯆꯩꯇꯦꯛ ꯀꯣꯠꯄꯤ ꯃꯁꯥꯟꯅ ꯑꯁꯤ ꯋꯥꯁꯥ ꯃꯇꯦꯛ ꯑꯃ ꯈꯔ ꯁꯥꯡꯅ ꯀꯛꯂꯒ ꯋꯥꯁꯥ ꯃꯇꯦꯛ ꯑꯃ ꯈꯔ ꯇꯦꯟꯅ ꯀꯛꯂꯒ ꯀꯣꯝ ꯃꯆꯥ ꯑꯃꯗꯒꯤ ꯀꯣꯠꯇꯨꯅ ꯁꯥꯟꯅ ꯂꯪꯕ ꯃꯁꯥꯟꯅꯅꯤ ꯫^[꯲]

ꯄꯣꯄꯣꯡ ꯀꯥꯎꯅꯄꯤ

ꯄꯣꯄꯣꯡ ꯀꯥꯎꯅꯄꯤ (ꯄꯣꯕꯣꯡ ꯀꯥꯎꯅꯕꯤ) ꯃꯁꯥꯟꯅ ꯑꯁꯤ ꯅꯨꯄꯥꯃꯆꯥꯁꯤꯡꯅ ꯁꯥꯟꯅꯕ ꯃꯁꯥꯟꯅ ꯃꯈꯜ ꯑꯃꯅꯤ ꯫^[꯳]

ꯈꯨꯡ ꯊꯥꯟꯅꯄ

ꯈꯨꯡ ꯊꯥꯟꯅꯄ (ꯈꯨꯡ ꯊꯥꯟꯅꯕ) ꯃꯁꯥꯟꯅ ꯑꯁꯤ ꯈꯨꯡ ꯑꯁꯤ ꯎꯔꯨ ꯎꯔꯨ ꯂꯩꯍꯟꯗꯨꯅ ꯁꯥꯟꯅꯕ ꯃꯁꯥꯟꯅ ꯃꯈꯜ ꯑꯃꯅꯤ꯫^[꯴]

ꯀꯥꯡꯄꯣꯠ ꯆꯤꯡꯄꯤ

ꯀꯥꯡꯄꯣꯠ ꯆꯤꯡꯄꯤ (ꯀꯥꯡꯄꯣꯠ ꯆꯤꯡꯕꯤ) ꯃꯁꯥꯟꯅ ꯑꯁꯤ ꯅꯨꯄꯥꯃꯆꯥꯁꯤꯡꯅ ꯀꯥꯡꯄꯣꯠ ꯃꯆꯥ ꯁꯥꯗꯨꯅ ꯃꯈꯣꯢ ꯃꯁꯦꯜ ꯑꯃꯒ ꯑꯃꯒ ꯆꯤꯡꯅꯕꯒꯤ ꯃꯁꯥꯟꯅ ꯃꯈꯜ ꯑꯃꯅꯤ ꯫ ꯑꯃꯅ ꯇꯣꯡꯂꯒ ꯑꯅꯤꯅ ꯆꯤꯡꯏ꯫^[꯵]

ꯐꯤꯄꯨꯜ ꯍꯥꯄꯤ

ꯐꯤꯄꯨꯜ ꯍꯥꯄꯤ (ꯐꯤꯕꯨꯜ ꯍꯥꯕꯤ) ꯃꯁꯥꯟꯅ ꯑꯁꯤ ꯑꯉꯥꯡ ꯱꯲ ꯅ ꯁꯥꯟꯅꯒꯗꯕꯅꯤ꯫ ꯑꯉꯥꯡ ꯑꯃꯅ ꯁꯒꯣꯜ ꯁꯥꯕ ꯑꯗꯨꯒ ꯑꯃꯅ ꯇꯣꯡꯕ, ꯑꯁꯨꯃꯥꯢꯅ ꯄꯨꯡꯕꯥ ꯄꯨꯡꯕꯥ ꯶ ꯁꯦꯝꯒꯅꯤ꯫ ꯑꯁꯨꯃꯥꯢꯅ ꯁꯦꯝꯂꯕ ꯂꯨꯞ ꯶ ꯀꯤ ꯃꯅꯨꯡꯗ ꯳-꯳ ꯃꯤꯆꯪ ꯑꯣꯢꯅꯒꯅꯤ꯫ ꯑꯗꯨꯒ ꯁꯒꯣꯜ ꯃꯊꯛꯇ ꯇꯣꯡꯂꯤꯕ ꯁꯥꯟꯂꯣꯢꯁꯤꯡꯅ ꯐꯤꯄꯨꯜ (ꯐꯤꯕꯨꯜ) ꯍꯨꯟꯕ ꯑꯃꯗꯤ ꯑꯣꯛꯄ ꯇꯧꯗꯨꯅ ꯁꯥꯟꯅꯒꯅꯤ꯫ ꯁꯒꯣꯜ ꯁꯥꯔꯤꯕ ꯑꯗꯨꯒ ꯁꯒꯣꯜ ꯃꯊꯛꯇ ꯇꯣꯡꯂꯤꯕ ꯑꯗꯨꯒ ꯑꯃꯨꯛ ꯑꯃꯨꯛ ꯃꯊꯧ ꯁꯤꯟꯗꯣꯛꯅꯒꯅꯤ ꯑꯣꯟꯊꯣꯛꯅꯒꯅꯤ ꯫ ꯃꯁꯤ ꯅꯨꯄꯤꯃꯆꯥꯁꯤꯡꯅꯁꯨ ꯁꯥꯟꯅꯩ꯫^[꯶]

ꯑꯉꯥꯡꯁꯤꯡꯒꯤ ꯃꯁꯥꯟꯅ

ꯂꯥꯢꯙꯤꯕꯤ ꯁꯥꯟꯅꯕ, ꯆꯥꯛꯊꯣꯡꯕꯤ ꯁꯥꯟꯅꯕ, ꯈꯨꯜꯂꯣꯛꯄꯤ ꯁꯥꯟꯅꯕ, ꯑꯆꯥꯢꯕꯤ, ꯁꯦꯕꯣꯇꯤ, ꯎꯕꯥꯎꯕꯤ ꯇꯥꯟꯅꯕ, ꯕꯣꯜ ꯊꯣꯝꯕꯤ, ꯑꯃꯥꯡ ꯀꯣꯢꯕꯧ ꯇꯥꯟꯅꯕ, ꯀꯦꯀꯨ ꯂꯣꯠꯄꯤ, ꯀ꯭ꯋꯥꯛ ꯃꯥꯡꯆꯣꯡ, ꯍꯉꯣꯢ ꯆꯣꯡꯕꯤ, ꯀ꯭ꯋꯥꯛ ꯀ꯭ꯋꯥꯛ, ꯃꯆꯥ ꯈꯣꯝꯗꯣꯟ ꯃꯩꯕꯧꯕꯤ, ꯈꯨꯠꯂꯥꯢ ꯂꯣꯠꯄꯤ ꯑꯁꯤꯅꯆꯤꯡꯕ ꯀꯌꯥꯅꯤ ꯫^[꯷]

ꯁꯦꯄꯣꯇꯤ ꯀꯥꯎꯅꯄ

ꯁꯦꯄꯣꯇꯤ ꯀꯥꯎꯅꯄ (ꯁꯦꯕꯣꯇꯤ ꯀꯥꯎꯅꯕ) ꯃꯁꯥꯟꯅ ꯑꯁꯤ ꯂꯩꯄꯥꯛꯇ ꯅꯨꯄꯤ ꯃꯆꯥ ꯲ ꯃꯥꯌꯣꯛꯅꯗꯨꯅ ꯅꯤꯡꯀꯥꯡꯅ ꯂꯩꯄꯥꯛꯇ ꯇꯥꯗꯅ ꯐꯝꯂꯒ ꯃꯈꯣꯡꯅ ꯂꯩꯄꯥꯛꯇ ꯁꯤꯠꯇꯨꯅ ꯀꯥꯎꯅꯄ ꯅꯤ ꯫^[꯸]

ꯀ꯭ꯋꯥꯛ ꯃꯥꯡꯆꯣꯡ

ꯀ꯭ꯋꯥꯛ ꯃꯥꯡꯆꯣꯡ (ꯀ꯭ꯋꯥꯛ ꯃꯥꯡꯖꯣꯡ) ꯑꯁꯤ ꯈꯨꯠ ꯑꯅꯤꯅ ꯂꯩꯄꯥꯛꯇ ꯅꯝꯂꯒ ꯀ꯭ꯋꯥꯛ ꯃꯥꯟꯅ ꯃꯥꯡꯂꯣꯝꯗ ꯆꯣꯡꯗꯨꯅ ꯁꯥꯟꯕ ꯇꯥꯟꯅꯕ ꯃꯁꯥꯟꯅ ꯑꯃꯅꯤ꯫^[꯹]

ꯈꯨꯜꯂꯣꯛꯄꯤ ꯁꯥꯟꯅꯄ

ꯈꯨꯜꯂꯣꯛꯄꯤ ꯁꯥꯟꯅꯄ (ꯈꯨꯜꯂꯣꯛꯄꯤ ꯁꯥꯟꯅꯕ) ꯑꯁꯤ ꯀꯥꯢꯒꯟꯗꯕ ꯅꯨꯡ ꯃꯆꯥ, ꯆꯦꯛ ꯃꯀꯨꯝ ꯃꯆꯥ, ꯎꯇꯣꯡꯂꯩ ꯃꯔꯨ, ꯀꯦꯒꯦ ꯃꯔꯨ ꯑꯁꯤꯅꯆꯤꯡꯕ ꯑꯁꯤ ꯑꯍꯥꯟꯕꯗ ꯈꯨꯅꯝꯗ ꯍꯨꯟꯒꯠꯂꯤ ꯑꯗꯨꯒ ꯈꯨꯠ ꯃꯊꯛ ꯃꯈꯥ ꯑꯣꯟꯊꯣꯛꯄꯗ ꯉꯝꯂꯣꯢꯗꯕꯃꯈꯩ ꯈꯠꯊꯔꯒ ꯉꯝꯒꯅꯤ ꯈꯟꯕ ꯃꯈꯩ ꯑꯣꯛꯅꯕ ꯍꯣꯠꯅꯗꯨꯅ ꯁꯥꯟꯅꯕ ꯃꯁꯥꯟꯅ ꯑꯃꯅꯤ꯫^[꯱꯰]

ꯀꯥꯡꯈꯤꯟ ꯁꯥꯟꯅꯄ

ꯀꯥꯡꯈꯤꯟ ꯁꯥꯟꯅꯄ (ꯀꯥꯡꯈꯤꯟ ꯁꯥꯟꯅꯕ) ꯑꯁꯤ ꯈꯣꯡ ꯅꯥꯃꯅ ꯈꯔ ꯊꯥꯡꯒꯠꯂꯒ ꯈꯣꯡꯅꯝꯗ ꯀꯥꯡꯈꯤꯟ ꯃꯔꯨ ꯑꯃ ꯊꯝꯂꯒ ꯃꯈꯣꯡ ꯅꯥꯃꯅ ꯀꯥꯡꯈꯤꯟ ꯗꯨ ꯇꯥꯗꯅꯕ ꯆꯣꯡ ꯆꯣꯡꯗꯨꯅ ꯄꯥꯟꯖꯦꯜ ꯆꯟꯐꯝꯗ ꯈꯤꯜꯂꯤꯕ ꯀꯥꯡꯈꯤꯟ ꯗꯨ ꯄꯥꯟꯕ ꯉꯝꯅꯕ ꯃꯈꯣꯡꯅ ꯂꯪꯕꯒꯤ ꯃꯁꯥꯟꯅ ꯑꯃꯅꯤ꯫^[꯱꯱]

ꯃꯇꯦꯡ ꯂꯧꯔꯛꯐꯝ

[1] ttps://archive.org/details/in.ernet.dli.2015.465325/page/n98/mode/2up

[2] ttps://archive.org/details/in.ernet.dli.2015.465325/page/n98/mode/2up

[3] ttps://archive.org/details/in.ernet.dli.2015.465325/page/n98/mode/2up

[4] ttps://archive.org/details/in.ernet.dli.2015.465325/page/n99/mode/2up

[5] ttps://archive.org/details/in.ernet.dli.2015.465325/page/n99/mode/2up

[6] ttps://archive.org/details/in.ernet.dli.2015.465325/page/n99/mode/2up

[7] ttps://archive.org/details/in.ernet.dli.2015.465325/page/n95/mode/2up

[8] ttps://archive.org/details/in.ernet.dli.2015.465325/page/n95/mode/2up

[9] ttps://archive.org/details/in.ernet.dli.2015.465325/page/n95/mode/2up

[10] ttps://archive.org/details/in.ernet.dli.2015.465325/page/n95/mode/2up

[11] ttps://archive.org/details/in.ernet.dli.2015.465325/page/n96/mode/2up

[꯱]

[꯲]

[꯳]

[꯴]

[꯵]

[꯶]

[꯷]

[꯸]

[꯹]

[꯱꯰]

[꯱꯱]