ꯕꯦꯡꯒꯂꯤ ꯃꯌꯦꯛ:ৱাংপুলেন্

ꯁꯝꯅꯐꯝꯁꯤꯡ ꯍꯥꯞꯆꯤꯟꯂꯨ
ꯋꯤꯀꯤꯄꯦꯗꯤꯌꯥ ꯗꯒꯤ
     


ৱাংপুলেন্
ৱাংপুলেন্
লাইজা ইসীং, নোং, ইচাও, লাইনা-তীন্না অনা-অয়েক্কী খোয়ুম্ লাই[꯱][꯲][꯳]
সগোল্ কাংজৈ সানবা খোয়ুম্ লাইয়াম্সীংꯒꯤ ꯃꯅꯨꯡ ꯆꯟꯕꯅꯤ ꯫
"ৱাংপুলেন্", হাইবা অরীবা মীতৈলোন্গী ৱাংব্রেন্ কৌবা লাইগী মমীং অসী মীতৈ ময়েক্তা ইথোক্পনী ।
ꯑꯇꯩ ꯃꯃꯤꯡখানা চাওপা, খানা চাওবা, ৱাংবরেন্, ৱাংবরেল্, ৱাংব্রেন্, ৱাংব্রেল্, ৱাংপুরেন্, ৱাংপুরেল্, ৱাংপুলেল্
Affiliationমীতৈ মী লাই তীনগী ৱারী (মৈতৈ মী লাই তীনগী ৱারী) অমদী মীতৈ লাইনীং (সনামহী লাইনীং)
Major cult centreসুগনু
ꯌꯨꯝইসীং
ꯈꯨꯠꯂꯥꯏকাংজৈ (কাংচৈ)
ꯑꯏꯕ ꯂꯥꯇꯝ(ꯁꯤꯡ)ৱাকোক্লোন্ হীলেল্ থীলেল্ সলাই অমাইলোন্ পুকোক্ পুয়া
ꯅꯨꯄꯥ/ꯅꯨꯄꯤনুপা
ꯃꯐꯝঅলীপা কংলৈপাক্ (অরীবা মনীপুর)
ꯐꯨꯂꯨꯞ ꯀꯥꯡꯂꯨꯞমীতৈ কাংলুপ্ (মৈতৈ কাংলুপ্)
ꯀꯨꯝꯍꯩꯁꯤꯡলাই হরাওব
ꯃꯇꯩ ꯃꯅꯥꯎসংনু (সংনুলেম্বী)
Equivalents
ꯒ꯭ꯔꯤꯛ ꯂꯦꯡꯃꯥꯟꯅꯕপোসাইদন্, ওসীন্নস

ꯇꯦꯝꯄ꯭ꯂꯦꯠ:কংলৈ খোয়ুম্সীং ৱাংপুলেন্ অসী অলীপা কংলৈপাক্ (অরীবা মনীপুর)গী মীতৈ লাইনীং (সনামহী লাইনীং) অমদী মীতৈগী মী লাই তীনগী ৱারী (মৈতৈগী মী লাই তীনগী ৱারী)দা য়াওবা লাইনীংথৌ অমনী । মহাক্ অসী লাইচা ইসীং, নোং, ইচাও, লাইনা-তীন্না অনা-অয়েক্কী খোয়ুম্ লাই অমনী ।[꯴][꯵][꯶] মহাক্ অসী তুরেল্সীংগীসু মপুনী ।[꯷] খা নোংপোক্ থংবা মাইকৈ অসী লাই ৱাংপুলেল্না ঙাক্ সেল্লী, অদুগা অতৈ মাইকৈসীংনা কৌপলু (অৱাং নোংচুপ্), মাল্চীং (অৱাং নোংপোক্) অমদী থাংচীং (খা নোংচুপ্)নী ।[꯸][꯹] মহাক্ অসী ওমং লাইয়াম্সীংগী মনুংদগী অমনী ।[꯱꯰][꯱꯱]

মহাক্ অসী অনাল্ কাংলুপ্কা অচেৎপা মরী লৈনৈ । মসীগী মরম্দী মহাক্ অনাল্ খুল্লেনগী চনুরা "সংনু"গা লুহোংদুনা য়ুম্ পানমীন্নবগীনী ।[꯱꯲][꯱꯳] মহাক্কী লাইফম্সীংগী মনুংদগী সুগনুগী লাইফম্ অসীনা খ্বাইদগী হেন্না মরু ওই হাইনা লৌনৈ ।[꯱꯴][꯱꯵]

সৈথাবা[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ৱাকোক্লোন্ হীলেল্ থীলেল্ সলাই অমাইলোন্ পুকোক্ পুয়ানা ৱাংপুলেল্পু "খানা চাওপা ৱাংপুলেন্" হাইনা পল্লী । পুয়া অসীগী মতুংইন্না মহাক্ অসী লাইপুংথৌ ৭কী মনুংদগী অমনী । মহাক্ অসী ইপুং লোইনপা অপাক্পগী সাইওন্ লাংওন্নী হাইনা পল্লী ।[꯱꯶]

ৱারী[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ৱাংপুলেন্

নোংমা কোরৌ নুমীৎ অমদা লাই ৱাংপুলেল্না নমু তাইবং মীওইবগী সক্লোন্ লৌদুনা অনাল্ কাংলুপ্গী খুল্লেন্দা খোংদোইরক্খী । মসীদা মহাক্না অনাল্ লৈসাবী "সংনু"বু খোইদাজখী । খোয়ুম্ লাই ওইবগী মসক্ মতৌ, চুং ফীরাল্, ফীবম্ মীতম্ লোইনা ফজবদু উবদা সংনু ইবেম্মনসু সক্খংদবা লম্লান্বা (লাই ৱাংপুলেল্)বু পাম্জখী । সক্খংদবা লম্লান্বা অমগা খুনগী নুপী অমা (সংনু)গা মরী লৈনবগী সামীন্ ফংবদা খুনজাসীং সাওনরক্খী । খুনগী নুপাসীংনা লম্লান্বা (লাই ৱাংপুলেল্)বু চাংদম্নবা অমদা চাংয়েংনসী সীংনখী । লম্জেল্ (লম্চেল্), নুং হুন্বা অমদী তেন্ কাপ্পা চাংদম্নবা পুম্নমক্তা লম্লান্বা (লাই ৱাংপুলেল্)না মাই পাক্খী । করীগুম্বা মহাক্না মাইথীবা নংলম্লবদী সীবগী চৈরাক্ পীবা হাইবসীদসু য়ানরম্মী । অদুবু মাই পাক্লবনীনা ইবেম্মা সংনুবু লাই ৱাংপুলেল্না মহাক্কী ইসীংগী ইরোন্নুংগী লাইরম্লেন্দা পুখী ।[꯱꯷][꯱꯸][꯱꯹][꯲꯰]

ইরাৎ থৌনী[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

করীগুম্বা মতম্দা কনাগুম্বা মী অমহেক্তা ইসীংদা ইরাক্নবা তারবদী লাই ৱাংপুলেল্বু চৎনবীগী মতুংইন্না খুরুম্নৈ, ইরাৎ থৌনীজনৈ । মসীগী মরম্দী মতুংদা অমুক্ ইসীংদা ইরাক্নদুনা সীবা নাবা থৌদোক্ থোক্হন্বীদনবা হাইজবগীনী । করীগুম্বা মতম্দা ইসীং ইচাওদা কা হেন্না মহৌসাগা মান্নদবা মওংদা ইথক্ ইপোম্ থোক্লক্লবদী মীয়াম্না ফৎতনুংদা থোক্তনবা লাই ৱাংপুলেল্বু খুরুম্নৈ ।[꯲꯱]

"পাংগোং" (Butea monosperma) পাম্বী অসী মীতৈ (মৈতৈ)সীংনা য়ুম্দা থানদে ।

করীগুম্বা ইসীংদা ইরুপ্খীবা মীগী হক্চাং ফংদবা থোক্লবদী "পাংগোং" (Butea monosperma) পাম্বীগী মচেৎ খরা মৈ থানৈ । মসী তৌরগা লাই ৱাংপুলেল্না অসীবা মী অদুগী হক্চাং অদু মফম্ চাবদা থম্বী হাইনা লৌনৈ ।[꯲꯲]

লাই ৱাংপুলেল্ অসী হৈ, লৈ অমদী কবোক্ কৎনৈ । মাইবনা ইরাৎ থৌনী থৌরম্ পাংথোক্নৈ । মসী তৌরগা অনা অয়েক্ তীনকোক্ লাইকোক্পী হাইনা লৌনৈ । খুদম্ ওইনা উন্সাগী লাইনা, লোক্ লাইহৌ, অরুম্ লাইহৌ, খোং হাম্থবনচীংবনী ।[꯲꯳]

করনেল্ জোন্ সেক্স্প্যরনা ইং. কুম্ ১৯১৩দা য়েক্খীবা ৱাংপুলেল্ লাৎপা মতম্দা ওইবা মওং মতৌ তাক্পা লাইয়েক্ অমনী ।

লাইয়েক্ অসীগী মতুংইন্না

  1. A - সনা ফুম্ফম্
  2. B - লাইরেম্বা অমদী লাইরেম্বীগী চরৈ ফী থম্ননবা থারীবা ফী
  3. C - চেং হাপ্পা চফু থম্ফম্
  4. D - চেং, ক্বা, চু, লৈ অমদী হৈ থম্ফম্
  5. E - থবী অমদী অতৈ ইন্সাং নাপী থম্ফম্
  6. F - ফীনা সাবা মী থম্ফম্
  7. G - মোইরাং কৈরুংবগী ফম্ফম্/লেপ্ফম্
  8. H - মোইরাং নীংথৌগী ফম্ফম্/লেপ্ফম্
  9. I - নীংথৌগী ফম্ফম্/লেপ্ফম্
  10. J - মাইবগী ফম্ফম্/লেপ্ফম্
  11. K - সুগনু হনজবগী ফম্ফম্/লেপ্ফম্
  12. M অমদী N - সরুক্ য়ারীবা মী অতৈগী ফম্ফম্/লেপ্ফম্
  13. O - য়েন্ অমা থম্ফম্

লাইফম্সীং[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ৱাংপুলেন্

সুগনু লম্লেন্দা ঙসীফাও মমাংঙৈগী লাই ৱাংপুলেল্গী লাইফম্ (লাইসং) অমা লৈরী । চহী খুদীংগী খ্রীস্তীয়ান্ লাইনীং চৎতবা অনাল্ কাংলুপ্কী মীয়াম্না মখোইগী মাইবদা লাই ৱাংপুলেল্দা কৎলুনবা হাইদনা পোৎ চৈ পীরক্কনী । মাইবা অদুনা মীয়াম্গী পোৎ চৈসীংদু সুগনুগী ৱাংপুলেল্গী লাইসংদা লাক্তুনা কৎলী ।[꯲꯴]

মনীপুরা লৈঙাক্না কংলা মনুংদা লৈবা লাই ৱাংপুলেল্ অমদী অতৈ লাই ময়াম্গী লাইফম্সীং অমুক্ হন্না সেম্গৎ সাগৎননবা থৌরাংলী ।[꯲꯵]

ইং. কুম্ ২০১০দা ৱাংগোইদা লাই ৱাংপুলেল্গী লাইসং অমা লুপা লাখা ৮ ($ 10,000 USD) চংনা সাদুনা সংকাখী ।[꯲꯶]

মসীসু য়েংবীয়ু[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

মতেং লৌরক্ফম্[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

  1. ↑ Devi, Lairenlakpam Bino (2002). The Lois of Manipur: Andro, Khurkhul, Phayeng and Sekmai (in en). Mittal Publications. ISBN 978-81-7099-849-5. 
  2. ↑ Roy, L. Somi (2021-06-21). And That Is Why... Manipuri Myths Retold (in en). Penguin Random House India Private Limited. ISBN 978-93-91149-65-9. 
  3. ↑ Chaudhury, Sukant Kumar (2006-01-01). Culture, Ecology, and Sustainable Development (in en). Mittal Publications. ISBN 978-81-8324-132-8. 
  4. ↑ Devi, Lairenlakpam Bino (2002). The Lois of Manipur: Andro, Khurkhul, Phayeng and Sekmai (in en). Mittal Publications. ISBN 978-81-7099-849-5. 
  5. ↑ Roy, L. Somi (2021-06-21). And That Is Why... Manipuri Myths Retold (in en). Penguin Random House India Private Limited. ISBN 978-93-91149-65-9. 
  6. ↑ Chaudhury, Sukant Kumar (2006-01-01). Culture, Ecology, and Sustainable Development (in en). Mittal Publications. ISBN 978-81-8324-132-8. 
  7. ↑ Feminism in a traditional society : women of the Manipur Valley, 116. 
  8. ↑ Dzüvichü, Lipokmar (2017-11-13). Modern Practices in North East India: History, Culture, Representation (in en). Taylor & Francis. ISBN 978-1-351-27134-9. 
  9. ↑ Feminism in a traditional society : women of the Manipur Valley, 116. 
  10. ↑ Ghosh, G. K. (2008). Bamboo: The Wonderful Grass (in en). APH Publishing. ISBN 978-81-313-0369-6. 
  11. ↑ Tree symbol worship in India; a new survey of a pattern of folk-religion, 88. 
  12. ↑ Wangbren-Shangnu legend testifies age-old hill-valley bond.
  13. ↑ WANGBREN-SHANGNU LEGEND TESTIFIES AGE-OLD HILL-VALLEY BOND.
  14. ↑ Miri, Sujata (2004). Rationality and Tribal Thought (in en). Mittal Publications. ISBN 978-81-7099-912-6. 
  15. ↑ Feminism in a traditional society : women of the Manipur Valley, 116. 
  16. ↑ Singh, L. Bhagyachandra (1991). A Critical Study Of The Religious Philosophy, 63. 
  17. ↑ Folktales of Manipur, 185. 
  18. ↑ Folktales of Manipur, 187. 
  19. ↑ Wangbren-Shangnu legend testifies age-old hill-valley bond.
  20. ↑ WANGBREN-SHANGNU LEGEND TESTIFIES AGE-OLD HILL-VALLEY BOND.
  21. ↑ Raatan, T. (2004). Encyclopaedia of North-east India (in en). Gyan Publishing House. ISBN 978-81-7835-274-9. 
  22. ↑ Sood, S. K. (2005-04-01). Sacred and Magico-Religious Plants of India (in en). Scientific Publishers. ISBN 978-93-87741-46-1. 
  23. ↑ Chaudhury, Sukant Kumar (2006-01-01). Culture, Ecology, and Sustainable Development (in en). Mittal Publications. ISBN 978-81-8324-132-8. 
  24. ↑ Miri, Sujata (2004). Rationality and Tribal Thought (in en). Mittal Publications. ISBN 978-81-7099-912-6. 
  25. ↑ Mehrotra, Deepti Priya (2009-07-08). Burning Bright Irom Sharmila (in en). Penguin UK. ISBN 978-81-8475-153-6. 
  26. ↑ Ibudhou Wangbran Khana Chaoba temple inaugurated.

অহেন্বা লংদাইসীং[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯋꯤꯀꯤꯃꯦꯗꯤꯌꯥ ꯀꯝꯃꯟꯁ ꯋꯤꯀꯤꯃꯦꯗꯤꯌꯥ ꯀꯝꯃꯟꯁꯇ Wangpulen ꯑꯁꯤꯒ ꯃꯔꯤ ꯂꯩꯅꯕ ꯄꯥꯎ-ꯏ ꯐꯪꯕꯤꯒꯅꯤ꯫
"https://mni.wikipedia.org/w/index.php?title=ꯕꯦꯡꯒꯂꯤ_ꯃꯌꯦꯛ:ৱাংপুলেন্&oldid=54730" ꯃꯐꯝꯗꯨꯗꯒꯤ ꯂꯧꯈꯠꯂꯛꯄꯥ