Jump to content

ꯋꯥꯡꯄꯨꯂꯦꯟ

ꯋꯤꯀꯤꯄꯦꯗꯤꯌꯥ ꯗꯒꯤ
     


ꯋꯥꯡꯄꯨꯂꯦꯟ
ꯋꯥꯡꯄꯨꯂꯦꯟ
ꯂꯥꯢꯖ ꯏꯁꯤꯡ, ꯅꯣꯡ, ꯏꯆꯥꯎ, ꯂꯥꯢꯅꯥ-ꯇꯤꯟꯅꯥ ꯑꯅꯥ-ꯑꯌꯦꯛꯀꯤ ꯈꯣꯌꯨꯝ ꯂꯥꯢ[꯱][꯲][꯳]
ꯁꯒꯣꯜ ꯀꯥꯡꯖꯩ ꯁꯥꯅꯕ ꯈꯣꯌꯨꯝ ꯂꯥꯢꯌꯥꯝꯁꯤꯡꯒꯤ ꯃꯅꯨꯡ ꯆꯟꯕꯅꯤ ꯫
"ꯋꯥꯡꯄꯨꯂꯦꯟ", ꯍꯥꯢꯕ ꯑꯔꯤꯕ ꯃꯤꯇꯩꯂꯣꯟꯒꯤ ꯋꯥꯡꯕ꯭ꯔꯦꯟ ꯀꯧꯕ ꯂꯥꯢꯒꯤ ꯃꯃꯤꯡ ꯑꯁꯤ ꯃꯤꯇꯩ ꯃꯌꯦꯛꯇ ꯏꯊꯣꯛꯄꯅꯤ ꯫
ꯑꯇꯩ ꯃꯃꯤꯡꯈꯥꯅ ꯆꯥꯎꯄ, ꯈꯥꯅ ꯆꯥꯎꯕ, ꯋꯥꯡꯕꯔꯦꯟ, ꯋꯥꯡꯕꯔꯦꯜ, ꯋꯥꯡꯕ꯭ꯔꯦꯟ, ꯋꯥꯡꯕ꯭ꯔꯦꯜ, ꯋꯥꯡꯄꯨꯔꯦꯟ, ꯋꯥꯡꯄꯨꯔꯦꯜ, ꯋꯥꯡꯄꯨꯂꯦꯜ
Affiliationꯃꯤꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ (ꯃꯩꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ) ꯑꯃꯗꯤ ꯃꯤꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯢꯅꯤꯡ)
Major cult centreꯁꯨꯒꯅꯨ
ꯌꯨꯝꯏꯁꯤꯡ
ꯈꯨꯠꯂꯥꯏꯀꯥꯡꯖꯩ (ꯀꯥꯡꯆꯩ)
ꯑꯏꯕ ꯂꯥꯇꯝ(ꯁꯤꯡ)ꯋꯥꯀꯣꯛꯂꯣꯟ ꯍꯤꯂꯦꯜ ꯊꯤꯂꯦꯜ ꯁꯂꯥꯏ ꯑꯃꯥꯏꯂꯣꯟ ꯄꯨꯀꯣꯛ ꯄꯨꯌꯥ
ꯅꯨꯄꯥ/ꯅꯨꯄꯤꯅꯨꯄꯥ
ꯃꯐꯝꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ)
ꯐꯨꯂꯨꯞ ꯀꯥꯡꯂꯨꯞꯃꯤꯇꯩ ꯀꯥꯡꯂꯨꯞ (ꯃꯩꯇꯩ ꯀꯥꯡꯂꯨꯞ)
ꯀꯨꯝꯍꯩꯁꯤꯡꯂꯥꯢ ꯍꯔꯥꯎꯕ
ꯃꯇꯩ ꯃꯅꯥꯎꯁꯪꯅꯨ (ꯁꯪꯅꯨꯂꯦꯝꯕꯤ)
Equivalents
ꯒ꯭ꯔꯤꯛ ꯂꯦꯡꯃꯥꯟꯅꯕꯄꯣꯁꯥꯢꯗꯟ, ꯑꯣꯁꯤꯟꯅꯁ

ꯋꯥꯡꯄꯨꯂꯦꯟ ꯑꯁꯤ ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ)ꯒꯤ ꯃꯤꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯏꯅꯤꯡ) ꯑꯃꯗꯤ ꯃꯤꯇꯩꯒꯤ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ (ꯃꯩꯇꯩꯒꯤ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ)ꯗ ꯌꯥꯎꯕ ꯂꯥꯢꯅꯤꯡꯊꯧ ꯑꯃꯅꯤ ꯫ ꯃꯍꯥꯛ ꯑꯁꯤ ꯂꯥꯢꯆ ꯏꯁꯤꯡ, ꯅꯣꯡ, ꯏꯆꯥꯎ, ꯂꯥꯢꯅꯥ-ꯇꯤꯟꯅꯥ ꯑꯅꯥ-ꯑꯌꯦꯛꯀꯤ ꯈꯣꯌꯨꯝ ꯂꯥꯢ ꯑꯃꯅꯤ ꯫[꯴][꯵][꯶] ꯃꯍꯥꯛ ꯑꯁꯤ ꯇꯨꯔꯦꯜꯁꯤꯡꯒꯤꯁꯨ ꯃꯄꯨꯅꯤ ꯫[꯷] ꯈꯥ ꯅꯣꯡꯄꯣꯛ ꯊꯪꯕ ꯃꯥꯢꯀꯩ ꯑꯁꯤ ꯂꯥꯢ ꯋꯥꯡꯄꯨꯂꯦꯜꯅ ꯉꯥꯛ ꯁꯦꯜꯂꯤ, ꯑꯗꯨꯒ ꯑꯇꯩ ꯃꯥꯢꯀꯩꯁꯤꯡꯅ ꯀꯧꯄꯂꯨ (ꯑꯋꯥꯡ ꯅꯣꯡꯆꯨꯞ), ꯃꯥꯜꯆꯤꯡ (ꯑꯋꯥꯡ ꯅꯣꯡꯄꯣꯛ) ꯑꯃꯗꯤ ꯊꯥꯡꯆꯤꯡ (ꯈꯥ ꯅꯣꯡꯆꯨꯞ)ꯅꯤ ꯫[꯸][꯹] ꯃꯍꯥꯛ ꯑꯁꯤ ꯎꯃꯪ ꯂꯥꯢꯌꯥꯝꯁꯤꯡꯒꯤ ꯃꯅꯨꯡꯗꯒꯤ ꯑꯃꯅꯤ ꯫[꯱꯰][꯱꯱]

ꯃꯍꯥꯛ ꯑꯁꯤ ꯑꯅꯥꯜ ꯀꯥꯡꯂꯨꯞꯀ ꯑꯆꯦꯠꯄ ꯃꯔꯤ ꯂꯩꯅꯩ ꯫ ꯃꯁꯤꯒꯤ ꯃꯔꯝꯗꯤ ꯃꯍꯥꯛ ꯑꯅꯥꯜ ꯈꯨꯜꯂꯦꯟꯒꯤ ꯆꯅꯨꯔꯥ "ꯁꯪꯅꯨ"ꯒ ꯂꯨꯍꯣꯡꯗꯨꯅ ꯌꯨꯝ ꯄꯥꯟꯃꯤꯟꯅꯕꯒꯤꯅꯤ ꯫[꯱꯲][꯱꯳] ꯃꯍꯥꯛꯀꯤ ꯂꯥꯢꯐꯝꯁꯤꯡꯒꯤ ꯃꯅꯨꯡꯗꯒꯤ ꯁꯨꯒꯅꯨꯒꯤ ꯂꯥꯢꯐꯝ ꯑꯁꯤꯅ ꯈ꯭ꯋꯥꯢꯗꯒꯤ ꯍꯦꯟꯅ ꯃꯔꯨ ꯑꯣꯢ ꯍꯥꯢꯅ ꯂꯧꯅꯩ ꯫[꯱꯴][꯱꯵]

ꯁꯩꯊꯥꯕ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯋꯥꯀꯣꯛꯂꯣꯟ ꯍꯤꯂꯦꯜ ꯊꯤꯂꯦꯜ ꯁꯂꯥꯏ ꯑꯃꯥꯏꯂꯣꯟ ꯄꯨꯀꯣꯛ ꯄꯨꯌꯥꯅ ꯋꯥꯡꯄꯨꯂꯦꯜꯄꯨ "ꯈꯥꯅ ꯆꯥꯎꯄ ꯋꯥꯡꯄꯨꯂꯦꯟ" ꯍꯥꯢꯅ ꯄꯜꯂꯤ ꯫ ꯄꯨꯌꯥ ꯑꯁꯤꯒꯤ ꯃꯇꯨꯡꯏꯟꯅ ꯃꯍꯥꯛ ꯑꯁꯤ ꯂꯥꯢꯄꯨꯡꯊꯧ ꯷ꯀꯤ ꯃꯅꯨꯡꯗꯒꯤ ꯑꯃꯅꯤ ꯫ ꯃꯍꯥꯛ ꯑꯁꯤ ꯏꯄꯨꯡ ꯂꯣꯢꯅꯄ ꯑꯄꯥꯛꯄꯒꯤ ꯁꯥꯢꯑꯣꯟ ꯂꯥꯡꯑꯣꯟꯅꯤ ꯍꯥꯢꯅ ꯄꯜꯂꯤ ꯫[꯱꯶]

ꯋꯥꯔꯤ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯋꯥꯡꯄꯨꯂꯦꯟ

ꯅꯣꯡꯃ ꯀꯣꯔꯧ ꯅꯨꯃꯤꯠ ꯑꯃꯗ ꯂꯥꯢ ꯋꯥꯡꯄꯨꯂꯦꯜꯅ ꯅꯃꯨ ꯇꯥꯢꯕꯪ ꯃꯤꯑꯣꯢꯕꯒꯤ ꯁꯛꯂꯣꯟ ꯂꯧꯗꯨꯅ ꯑꯅꯥꯜ ꯀꯥꯡꯂꯨꯞꯒꯤ ꯈꯨꯜꯂꯦꯟꯗ ꯈꯣꯡꯗꯣꯢꯔꯛꯈꯤ ꯫ ꯃꯁꯤꯗ ꯃꯍꯥꯛꯅ ꯑꯅꯥꯜ ꯂꯩꯁꯥꯕꯤ "ꯁꯪꯅꯨ"ꯕꯨ ꯈꯣꯢꯗꯥꯖꯈꯤ ꯫ ꯈꯣꯌꯨꯝ ꯂꯥꯢ ꯑꯣꯢꯕꯒꯤ ꯃꯁꯛ ꯃꯇꯧ, ꯆꯨꯡ ꯐꯤꯔꯥꯜ, ꯐꯤꯕꯝ ꯃꯤꯇꯝ ꯂꯣꯢꯅ ꯐꯖꯕꯗꯨ ꯎꯕꯗ ꯁꯪꯅꯨ ꯏꯕꯦꯝꯃꯅꯁꯨ ꯁꯛꯈꯪꯗꯕ ꯂꯝꯂꯥꯟꯕ (ꯂꯥꯢ ꯋꯥꯡꯄꯨꯂꯦꯜ)ꯕꯨ ꯄꯥꯝꯖꯈꯤ ꯫ ꯁꯛꯈꯪꯗꯕ ꯂꯝꯂꯥꯟꯕ ꯑꯃꯒ ꯈꯨꯟꯒꯤ ꯅꯨꯄꯤ ꯑꯃ (ꯁꯪꯅꯨ)ꯒ ꯃꯔꯤ ꯂꯩꯅꯕꯒꯤ ꯁꯥꯃꯤꯟ ꯐꯪꯕꯗ ꯈꯨꯟꯖꯥꯁꯤꯡ ꯁꯥꯎꯅꯔꯛꯈꯤ ꯫ ꯈꯨꯟꯒꯤ ꯅꯨꯄꯥꯁꯤꯡꯅ ꯂꯝꯂꯥꯟꯕ (ꯂꯥꯢ ꯋꯥꯡꯄꯨꯂꯦꯜ)ꯕꯨ ꯆꯥꯡꯗꯝꯅꯕ ꯑꯃꯗ ꯆꯥꯡꯌꯦꯡꯅꯁꯤ ꯁꯤꯡꯅꯈꯤ ꯫ ꯂꯝꯖꯦꯜ (ꯂꯝꯆꯦꯜ), ꯅꯨꯡ ꯍꯨꯟꯕ ꯑꯃꯗꯤ ꯇꯦꯟ ꯀꯥꯞꯄ ꯆꯥꯡꯗꯝꯅꯕ ꯄꯨꯝꯅꯃꯛꯇ ꯂꯝꯂꯥꯟꯕ (ꯂꯥꯢ ꯋꯥꯡꯄꯨꯂꯦꯜ)ꯅ ꯃꯥꯢ ꯄꯥꯛꯈꯤ ꯫ ꯀꯔꯤꯒꯨꯝꯕ ꯃꯍꯥꯛꯅ ꯃꯥꯢꯊꯤꯕ ꯅꯪꯂꯝꯂꯕꯗꯤ ꯁꯤꯕꯒꯤ ꯆꯩꯔꯥꯛ ꯄꯤꯕ ꯍꯥꯢꯕꯁꯤꯗꯁꯨ ꯌꯥꯅꯔꯝꯃꯤ ꯫ ꯑꯗꯨꯕꯨ ꯃꯥꯢ ꯄꯥꯛꯂꯕꯅꯤꯅ ꯏꯕꯦꯝꯃ ꯁꯪꯅꯨꯕꯨ ꯂꯥꯢ ꯋꯥꯡꯄꯨꯂꯦꯜꯅ ꯃꯍꯥꯛꯀꯤ ꯏꯁꯤꯡꯒꯤ ꯏꯔꯣꯟꯅꯨꯡꯒꯤ ꯂꯥꯢꯔꯝꯂꯦꯟꯗ ꯄꯨꯈꯤ ꯫[꯱꯷][꯱꯸][꯱꯹][꯲꯰]

ꯏꯔꯥꯠ ꯊꯧꯅꯤ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯀꯔꯤꯒꯨꯝꯕ ꯃꯇꯝꯗ ꯀꯅꯥꯒꯨꯝꯕ ꯃꯤ ꯑꯃꯍꯦꯛꯇ ꯏꯁꯤꯡꯗ ꯏꯔꯥꯛꯅꯕ ꯇꯥꯔꯕꯗꯤ ꯂꯥꯢ ꯋꯥꯡꯄꯨꯂꯦꯜꯕꯨ ꯆꯠꯅꯕꯤꯒꯤ ꯃꯇꯨꯡꯏꯟꯅ ꯈꯨꯔꯨꯝꯅꯩ, ꯏꯔꯥꯠ ꯊꯧꯅꯤꯖꯅꯩ ꯫ ꯃꯁꯤꯒꯤ ꯃꯔꯝꯗꯤ ꯃꯇꯨꯡꯗ ꯑꯃꯨꯛ ꯏꯁꯤꯡꯗ ꯏꯔꯥꯛꯅꯗꯨꯅ ꯁꯤꯕ ꯅꯥꯕ ꯊꯧꯗꯣꯛ ꯊꯣꯛꯍꯟꯕꯤꯗꯅꯕ ꯍꯥꯢꯖꯕꯒꯤꯅꯤ ꯫ ꯀꯔꯤꯒꯨꯝꯕ ꯃꯇꯝꯗ ꯏꯁꯤꯡ ꯏꯆꯥꯎꯗ ꯀꯥ ꯍꯦꯟꯅ ꯃꯍꯧꯁꯥꯒ ꯃꯥꯟꯅꯗꯕ ꯃꯑꯣꯡꯗ ꯏꯊꯛ ꯏꯄꯣꯝ ꯊꯣꯛꯂꯛꯂꯕꯗꯤ ꯃꯤꯌꯥꯝꯅ ꯐꯠꯇꯅꯨꯡꯗ ꯊꯣꯛꯇꯅꯕ ꯂꯥꯢ ꯋꯥꯡꯄꯨꯂꯦꯜꯕꯨ ꯈꯨꯔꯨꯝꯅꯩ ꯫[꯲꯱]

"ꯄꯥꯡꯒꯣꯡ" (Butea monosperma) ꯄꯥꯝꯕꯤ ꯑꯁꯤ ꯃꯤꯇꯩ (ꯃꯩꯇꯩ)ꯁꯤꯡꯅ ꯌꯨꯝꯗ ꯊꯥꯅꯗꯦ ꯫

ꯀꯔꯤꯒꯨꯝꯕ ꯏꯁꯤꯡꯗ ꯏꯔꯨꯞꯈꯤꯕ ꯃꯤꯒꯤ ꯍꯛꯆꯥꯡ ꯐꯪꯗꯕ ꯊꯣꯛꯂꯕꯗꯤ "ꯄꯥꯡꯒꯣꯡ" (Butea monosperma) ꯄꯥꯝꯕꯤꯒꯤ ꯃꯆꯦꯠ ꯈꯔ ꯃꯩ ꯊꯥꯅꯩ ꯫ ꯃꯁꯤ ꯇꯧꯔꯒ ꯂꯥꯢ ꯋꯥꯡꯄꯨꯂꯦꯜꯅ ꯑꯁꯤꯕ ꯃꯤ ꯑꯗꯨꯒꯤ ꯍꯛꯆꯥꯡ ꯑꯗꯨ ꯃꯐꯝ ꯆꯥꯕꯗ ꯊꯝꯕꯤ ꯍꯥꯢꯅ ꯂꯧꯅꯩ ꯫[꯲꯲]

ꯂꯥꯢ ꯋꯥꯡꯄꯨꯂꯦꯜ ꯑꯁꯤ ꯍꯩ, ꯂꯩ ꯑꯃꯗꯤ ꯀꯕꯣꯛ ꯀꯠꯅꯩ ꯫ ꯃꯥꯢꯕꯅ ꯏꯔꯥꯠ ꯊꯧꯅꯤ ꯊꯧꯔꯝ ꯄꯥꯡꯊꯣꯛꯅꯩ ꯫ ꯃꯁꯤ ꯇꯧꯔꯒ ꯑꯅꯥ ꯑꯌꯦꯛ ꯇꯤꯟꯀꯣꯛ ꯂꯥꯢꯀꯣꯛꯄꯤ ꯍꯥꯢꯅ ꯂꯧꯅꯩ ꯫ ꯈꯨꯗꯝ ꯑꯣꯢꯅ ꯎꯟꯁꯥꯒꯤ ꯂꯥꯢꯅꯥ, ꯂꯣꯛ ꯂꯥꯢꯍꯧ, ꯑꯔꯨꯝ ꯂꯥꯢꯍꯧ, ꯈꯣꯡ ꯍꯥꯝꯊꯕꯅꯆꯤꯡꯕꯅꯤ ꯫[꯲꯳]

ꯀꯔꯅꯦꯜ ꯖꯣꯟ ꯁꯦꯛꯁ꯭ꯄ꯭ꯌꯔꯅ ꯏꯪ. ꯀꯨꯝ ꯱꯹꯱꯳ꯗ ꯌꯦꯛꯈꯤꯕ ꯋꯥꯡꯄꯨꯂꯦꯜ ꯂꯥꯠꯄ ꯃꯇꯝꯗ ꯑꯣꯢꯕ ꯃꯑꯣꯡ ꯃꯇꯧ ꯇꯥꯛꯄ ꯂꯥꯢꯌꯦꯛ ꯑꯃꯅꯤ ꯫

ꯂꯥꯢꯌꯦꯛ ꯑꯁꯤꯒꯤ ꯃꯇꯨꯡꯏꯟꯅ

  1. A - ꯁꯅꯥ ꯐꯨꯝꯐꯝ
  2. B - ꯂꯥꯢꯔꯦꯝꯕ ꯑꯃꯗꯤ ꯂꯥꯢꯔꯦꯝꯕꯤꯒꯤ ꯆꯔꯩ ꯐꯤ ꯊꯝꯅꯅꯕ ꯊꯥꯔꯤꯕ ꯐꯤ
  3. C - ꯆꯦꯡ ꯍꯥꯞꯄ ꯆꯐꯨ ꯊꯝꯐꯝ
  4. D - ꯆꯦꯡ, ꯀ꯭ꯋꯥ, ꯆꯨ, ꯂꯩ ꯑꯃꯗꯤ ꯍꯩ ꯊꯝꯐꯝ
  5. E - ꯊꯕꯤ ꯑꯃꯗꯤ ꯑꯇꯩ ꯏꯟꯁꯥꯡ ꯅꯥꯄꯤ ꯊꯝꯐꯝ
  6. F - ꯐꯤꯅ ꯁꯥꯕ ꯃꯤ ꯊꯝꯐꯝ
  7. G - ꯃꯣꯢꯔꯥꯡ ꯀꯩꯔꯨꯡꯕꯒꯤ ꯐꯝꯐꯝ/ꯂꯦꯞꯐꯝ
  8. H - ꯃꯣꯢꯔꯥꯡ ꯅꯤꯡꯊꯧꯒꯤ ꯐꯝꯐꯝ/ꯂꯦꯞꯐꯝ
  9. I - ꯅꯤꯡꯊꯧꯒꯤ ꯐꯝꯐꯝ/ꯂꯦꯞꯐꯝ
  10. J - ꯃꯥꯢꯕꯒꯤ ꯐꯝꯐꯝ/ꯂꯦꯞꯐꯝ
  11. K - ꯁꯨꯒꯅꯨ ꯍꯟꯖꯕꯒꯤ ꯐꯝꯐꯝ/ꯂꯦꯞꯐꯝ
  12. M ꯑꯃꯗꯤ N - ꯁꯔꯨꯛ ꯌꯥꯔꯤꯕ ꯃꯤ ꯑꯇꯩꯒꯤ ꯐꯝꯐꯝ/ꯂꯦꯞꯐꯝ
  13. O - ꯌꯦꯟ ꯑꯃ ꯊꯝꯐꯝ

ꯂꯥꯢꯐꯝꯁꯤꯡ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯋꯥꯡꯄꯨꯂꯦꯟ

ꯁꯨꯒꯅꯨ ꯂꯝꯂꯦꯟꯗ ꯉꯁꯤꯐꯥꯎ ꯃꯃꯥꯡꯉꯩꯒꯤ ꯂꯥꯢ ꯋꯥꯡꯄꯨꯂꯦꯜꯒꯤ ꯂꯥꯢꯐꯝ (ꯂꯥꯢꯁꯪ) ꯑꯃ ꯂꯩꯔꯤ ꯫ ꯆꯍꯤ ꯈꯨꯗꯤꯡꯒꯤ ꯈ꯭ꯔꯤꯁ꯭ꯇꯤꯌꯥꯟ ꯂꯥꯢꯅꯤꯡ ꯆꯠꯇꯕ ꯑꯅꯥꯜ ꯀꯥꯡꯂꯨꯞꯀꯤ ꯃꯤꯌꯥꯝꯅ ꯃꯈꯣꯢꯒꯤ ꯃꯥꯢꯕꯗ ꯂꯥꯢ ꯋꯥꯡꯄꯨꯂꯦꯜꯗ ꯀꯠꯂꯨꯅꯕ ꯍꯥꯢꯗꯅ ꯄꯣꯠ ꯆꯩ ꯄꯤꯔꯛꯀꯅꯤ ꯫ ꯃꯥꯢꯕ ꯑꯗꯨꯅ ꯃꯤꯌꯥꯝꯒꯤ ꯄꯣꯠ ꯆꯩꯁꯤꯡꯗꯨ ꯁꯨꯒꯅꯨꯒꯤ ꯋꯥꯡꯄꯨꯂꯦꯜꯒꯤ ꯂꯥꯢꯁꯪꯗ ꯂꯥꯛꯇꯨꯅ ꯀꯠꯂꯤ ꯫[꯲꯴]

ꯃꯅꯤꯄꯨꯔ ꯂꯩꯉꯥꯛꯅ ꯀꯪꯂꯥ ꯃꯅꯨꯡꯗ ꯂꯩꯕ ꯂꯥꯢ ꯋꯥꯡꯄꯨꯂꯦꯜ ꯑꯃꯗꯤ ꯑꯇꯩ ꯂꯥꯢ ꯃꯌꯥꯝꯒꯤ ꯂꯥꯢꯐꯝꯁꯤꯡ ꯑꯃꯨꯛ ꯍꯟꯅ ꯁꯦꯝꯒꯠ ꯁꯥꯒꯠꯅꯅꯕ ꯊꯧꯔꯥꯡꯂꯤ ꯫[꯲꯵]

ꯏꯪ. ꯀꯨꯝ ꯲꯰꯱꯰ꯗ ꯋꯥꯡꯒꯣꯢꯗ ꯂꯥꯢ ꯋꯥꯡꯄꯨꯂꯦꯜꯒꯤ ꯂꯥꯢꯁꯪ ꯑꯃ ꯂꯨꯄꯥ ꯂꯥꯈ ꯸ ($ 10,000 USD) ꯆꯪꯅ ꯁꯥꯗꯨꯅ ꯁꯪꯀꯥꯈꯤ ꯫[꯲꯶]

ꯃꯁꯤꯁꯨ ꯌꯦꯡꯕꯤꯌꯨ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯃꯇꯦꯡ ꯂꯧꯔꯛꯐꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

  1. Devi, Lairenlakpam Bino (2002). The Lois of Manipur: Andro, Khurkhul, Phayeng and Sekmai (in en). Mittal Publications. ISBN 978-81-7099-849-5. 
  2. Roy, L. Somi (2021-06-21). And That Is Why... Manipuri Myths Retold (in en). Penguin Random House India Private Limited. ISBN 978-93-91149-65-9. 
  3. Chaudhury, Sukant Kumar (2006-01-01). Culture, Ecology, and Sustainable Development (in en). Mittal Publications. ISBN 978-81-8324-132-8. 
  4. Devi, Lairenlakpam Bino (2002). The Lois of Manipur: Andro, Khurkhul, Phayeng and Sekmai (in en). Mittal Publications. ISBN 978-81-7099-849-5. 
  5. Roy, L. Somi (2021-06-21). And That Is Why... Manipuri Myths Retold (in en). Penguin Random House India Private Limited. ISBN 978-93-91149-65-9. 
  6. Chaudhury, Sukant Kumar (2006-01-01). Culture, Ecology, and Sustainable Development (in en). Mittal Publications. ISBN 978-81-8324-132-8. 
  7. Feminism in a traditional society : women of the Manipur Valley, 116. 
  8. Dzüvichü, Lipokmar (2017-11-13). Modern Practices in North East India: History, Culture, Representation (in en). Taylor & Francis. ISBN 978-1-351-27134-9. 
  9. Feminism in a traditional society : women of the Manipur Valley, 116. 
  10. Ghosh, G. K. (2008). Bamboo: The Wonderful Grass (in en). APH Publishing. ISBN 978-81-313-0369-6. 
  11. Tree symbol worship in India; a new survey of a pattern of folk-religion, 88. 
  12. Wangbren-Shangnu legend testifies age-old hill-valley bond.
  13. WANGBREN-SHANGNU LEGEND TESTIFIES AGE-OLD HILL-VALLEY BOND.
  14. Miri, Sujata (2004). Rationality and Tribal Thought (in en). Mittal Publications. ISBN 978-81-7099-912-6. 
  15. Feminism in a traditional society : women of the Manipur Valley, 116. 
  16. Singh, L. Bhagyachandra (1991). A Critical Study Of The Religious Philosophy, 63. 
  17. Folktales of Manipur, 185. 
  18. Folktales of Manipur, 187. 
  19. Wangbren-Shangnu legend testifies age-old hill-valley bond.
  20. WANGBREN-SHANGNU LEGEND TESTIFIES AGE-OLD HILL-VALLEY BOND.
  21. Raatan, T. (2004). Encyclopaedia of North-east India (in en). Gyan Publishing House. ISBN 978-81-7835-274-9. 
  22. Sood, S. K. (2005-04-01). Sacred and Magico-Religious Plants of India (in en). Scientific Publishers. ISBN 978-93-87741-46-1. 
  23. Chaudhury, Sukant Kumar (2006-01-01). Culture, Ecology, and Sustainable Development (in en). Mittal Publications. ISBN 978-81-8324-132-8. 
  24. Miri, Sujata (2004). Rationality and Tribal Thought (in en). Mittal Publications. ISBN 978-81-7099-912-6. 
  25. Mehrotra, Deepti Priya (2009-07-08). Burning Bright Irom Sharmila (in en). Penguin UK. ISBN 978-81-8475-153-6. 
  26. Ibudhou Wangbran Khana Chaoba temple inaugurated.

ꯑꯍꯦꯟꯕ ꯂꯪꯗꯥꯢꯁꯤꯡ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯋꯤꯀꯤꯃꯦꯗꯤꯌꯥ ꯀꯝꯃꯟꯁ ꯋꯤꯀꯤꯃꯦꯗꯤꯌꯥ ꯀꯝꯃꯟꯁꯇ Wangpulen ꯑꯁꯤꯒ ꯃꯔꯤ ꯂꯩꯅꯕ ꯄꯥꯎ-ꯏ ꯐꯪꯕꯤꯒꯅꯤ꯫