ꯁꯅꯥꯃꯍꯤ ꯂꯥꯏꯅꯤꯡ

ꯑꯄꯨꯟꯕ ꯃꯤꯁꯤꯡ
	ꯆꯧꯔꯥꯛꯅ ꯃꯤꯑꯣꯢ ꯲꯳꯵꯰꯰꯰ ꯃꯨꯛ
ꯃꯤꯁꯤꯡ ꯁꯤꯡꯊꯕ ꯌꯥꯅꯥ ꯇꯥꯕ ꯂꯝꯁꯤꯡ
	ꯀꯪꯂꯩꯄꯥꯛ (ꯃꯅꯤꯄꯨꯔ)
ꯃꯌꯦꯛ
	ꯄꯨꯌꯥꯁꯤꯡ

ꯁꯅꯥꯃꯍꯤ ꯂꯥꯢꯅꯤꯡ (ꯏꯪꯂꯤꯁ: Sanamahism, Sanamahi religion) ꯅꯠꯇ꯭ꯔꯒ ꯀꯪꯂꯩ ꯂꯥꯢꯅꯤꯡ (ꯏꯪꯂꯤꯁ: Kanglei religion) ꯅꯠꯇ꯭ꯔꯒ ꯂꯥꯢꯅꯤꯡꯊꯧ ꯂꯥꯢꯅꯤꯡ (ꯏꯪꯂꯤꯁ: Lainingthouism, Lainingthou religion) ꯅꯠꯇ꯭ꯔꯒ ꯃꯤꯇꯩ ꯂꯥꯢꯅꯤꯡ (ꯃꯩꯇꯩ ꯂꯥꯢꯅꯤꯡ) (ꯏꯪꯂꯤꯁ: Meetei religion, Meitei religion) ꯑꯁꯤ ꯂꯥꯢꯅꯤꯡꯊꯧ (ꯂꯥꯏꯅꯤꯡꯊꯧ) ꯑꯃꯁꯨꯡ ꯂꯥꯢꯔꯦꯝꯃ (ꯂꯥꯏꯔꯦꯝꯃ) ꯑꯅꯤꯕꯨ ꯈꯨꯔꯨꯝꯖꯕ ꯑꯃꯗꯤ ꯅꯤꯡꯖꯕ ꯂꯥꯢꯅꯤꯡ (ꯂꯥꯏꯅꯤꯡ) ꯑꯃꯅꯤ ꯫ ꯂꯥꯢꯅꯤꯡ ꯑꯁꯤ ꯆꯠꯄꯅ ꯂꯥꯢꯅꯤꯡꯊꯧ ꯁꯅꯥꯃꯍꯤ ꯑꯃꯗꯤ ꯏꯄꯨꯊꯧ ꯄꯥꯈꯪꯄ ꯲ꯒꯤ ꯑꯆꯦꯠꯄ ꯈꯣꯡꯂꯣꯢ ꯑꯣꯢꯖꯕꯅꯤ ꯫ ꯂꯥꯢꯅꯤꯡ ꯂꯤꯆꯠ ꯑꯁꯤ ꯃꯃꯥꯡꯉꯩ ꯃꯤꯍꯧꯔꯣꯜ (ꯃꯩꯍꯧꯔꯣꯜ)ꯗꯒꯤ ꯍꯧꯅ ꯃꯅꯤꯄꯨꯔ (ꯀꯪꯂꯩꯄꯥꯛ) ꯂꯩꯄꯥꯛꯇ ꯆꯠꯅꯔꯛꯂꯕ ꯂꯥꯢꯅꯤꯡ ꯑꯃꯅꯤ ꯫ ꯂꯥꯢꯅꯤꯡ ꯑꯁꯤ ꯃꯅꯤꯄꯨꯔꯒꯤ ꯃꯤꯑꯣꯢ ꯲,꯳꯵,꯰꯰꯰ ꯃꯨꯛꯅ ꯆꯠꯂꯤ ꯍꯥꯢꯅ ꯏꯪ. ꯀꯨꯝꯖꯥ ꯲꯰꯱꯱ꯒꯤ ꯃꯤꯀꯣꯛ ꯊꯤꯕꯒꯤ ꯆꯦꯔꯣꯜꯅ ꯄꯜꯂꯤ ꯫ ꯃꯁꯤ ꯃꯅꯤꯄꯨꯔꯒꯤ ꯑꯄꯨꯟꯕ ꯃꯤꯁꯤꯡꯗ ꯆꯥꯗ ꯸ ꯃꯨꯛꯀꯤ ꯆꯥꯡꯅꯤ ꯫ ꯃꯤꯇꯩ ꯀꯥꯡꯂꯨꯞ (ꯃꯩꯇꯩ ꯀꯥꯡꯂꯨꯞ) ꯃꯅꯨꯡꯗ ꯍꯧꯖꯤꯛ ꯃꯤꯌꯥꯟ ꯂꯥꯢꯅꯤꯡ ꯊꯥꯗꯣꯛꯇꯨꯅ ꯃꯔꯝꯗꯝꯒꯤ ꯌꯦꯜꯍꯧꯉꯩꯒꯤ ꯑꯣꯢꯕ ꯁꯅꯥꯃꯍꯤ ꯂꯥꯢꯅꯤꯡ ꯆꯠꯄ ꯑꯃꯗꯤ ꯌꯣꯛꯈꯠꯄꯒꯤ ꯃꯁꯤꯡ ꯅꯣꯡꯃ ꯅꯣꯡꯃꯒꯤ ꯍꯦꯟꯒꯠꯂꯛꯂꯤ ꯫

ꯄꯨꯋꯥꯔꯤ

ꯌꯦꯡꯕꯤꯌꯨ ꯁꯅꯥꯃꯍꯤ ꯂꯥꯏꯅꯤꯡꯒꯤ ꯄꯨꯋꯥꯔꯤ

ꯂꯤꯆꯠ

ꯑꯉꯥꯡ ꯎꯅꯕ ( ꯑꯉꯥꯡ ꯄꯣꯛꯄ )

ꯄꯟꯊꯧ ꯏꯄꯥꯗꯥ ꯊꯥ ꯑꯅꯤ, ꯄꯥꯂꯦꯝ ꯏꯃꯥꯗꯥ ꯊꯥ ꯱꯰ ꯅꯧ ꯄꯨꯔꯒ ꯂꯩꯔꯝꯂꯒ, ꯏꯃꯥꯒꯤ ꯅꯧ-ꯄꯤꯐꯝꯗ ꯂꯩꯕꯥ ꯌꯥꯗꯗꯨꯅ, ꯃꯄꯨ ꯃꯥꯅ ꯊꯤꯟꯗꯣꯛꯄꯤꯔꯛ-ꯄꯤꯔꯛꯇꯨꯅꯥ ꯇꯥꯏꯕꯪ ꯂꯝꯖꯥꯎ ꯐꯥꯎꯔꯦ (ꯄꯣꯛꯂꯦ ), ꯍꯦꯛ ꯄꯣꯛꯞꯒꯥ ꯅꯣꯋꯥ ꯑꯗꯨ ꯏꯔꯨ-ꯏꯁꯦꯡꯊꯣꯛꯄꯤꯒꯅꯤ ꯑꯗꯨꯒ ꯅꯥꯍꯩ ꯂꯥꯏꯂꯣꯟꯅꯥ ꯑꯉꯥꯡ ꯑꯗꯨ ꯁꯦꯗꯣꯛꯀꯅꯤ ꯫ ꯄꯣꯛꯂꯤꯕ ꯅꯧꯋꯥ ꯑꯗꯨꯅ ꯅꯨꯄꯥ ꯑꯣꯏꯔꯕꯗꯤ ꯈꯣꯏꯔꯤ ꯅꯧꯐꯝ ꯑꯗꯨ ꯌꯨꯝꯒꯤ ꯈꯥ-ꯊꯪꯕꯗꯥ - ꯐꯝꯃꯦꯟ ꯂꯣꯝꯗꯥ ꯐꯨꯝꯒꯅꯤ ꯫ ꯅꯨꯄꯤ ꯑꯣꯏꯔꯒꯅ ꯌꯨꯝꯒꯤ ꯑꯋꯥꯡ ꯊꯪꯕꯗꯥ ꯃꯥꯡꯁꯣꯛ ꯂꯣꯝꯗꯥ ꯐꯨꯝꯒꯅꯤ ꯫ ꯃꯃꯥꯒꯤ ꯍꯨꯝꯅꯤ ꯈꯣꯝꯗꯤꯟ ꯂꯥꯛꯇ꯭ꯔꯤꯕꯥ ꯐꯥꯎꯕ ꯑꯇꯣꯞꯄ ꯃꯤꯒꯤ ꯈꯣꯝꯂꯥꯡ ꯄꯤꯊꯛꯐꯔꯣꯏ ꯫ ꯄꯣꯛꯂꯛꯏꯕ ꯑꯉꯥꯡ ꯈꯨꯗꯤꯡꯃꯛ ꯃꯃꯥꯒꯤ ꯈꯣꯝꯂꯥꯡ-ꯇꯃꯛ ꯄꯤꯊꯛꯀꯗꯕꯅꯤ ꯫ ꯃꯃꯥ, ꯃꯆꯥ ꯑꯅꯤꯃꯛ ꯏꯄꯥꯟ ꯌꯧꯗ꯭ꯔꯤꯕꯥ ꯐꯥꯎꯕ ꯄꯟꯊꯧ ꯏꯞꯥꯒꯤ ꯃꯁꯛ ꯑꯣꯏꯕ ꯀꯣꯏꯂꯧ ꯅꯨꯃꯤꯠꯀꯤ ꯃꯁꯛ ꯎꯍꯟꯐꯗꯦ ꯫ ꯃꯃꯥ ꯑꯉꯥꯡ ꯑꯉꯥꯡꯒꯤ ꯐꯤ ꯁꯨꯕꯗ ꯏꯁꯤꯡꯗꯥ ꯂꯥꯀꯁꯤꯟꯗꯨꯅ ꯁꯨꯐꯗꯦ, ꯁꯨꯒꯗꯧꯔꯤꯕ ꯐꯤ ꯑꯗꯨ ꯈꯨꯗꯦꯡꯗ ꯍꯥꯟꯅꯥ ꯍꯥꯞꯂꯒ ꯐꯤꯒꯤ ꯃꯊꯛꯇꯥ ꯏꯁꯤꯡ ꯇꯩꯔꯒ ꯁꯨꯒꯅꯤ, ꯍꯥꯏꯔꯤꯕ ꯊꯧꯔꯝ ꯑꯁꯤ ꯄꯣꯛꯄ ꯅꯨꯃꯤꯠꯇꯒꯤ ꯍꯧꯅꯥ ꯏꯄꯥꯟ ꯇꯔꯨꯛꯅꯤ ꯐꯥꯎꯕ ꯄꯥꯡꯊꯣꯛꯅꯤ ꯫ ꯃꯁꯤꯅꯥ ꯑꯉꯥꯡ ꯏꯁꯤꯡꯗ ꯇꯥꯕꯅꯆꯤꯡꯕ ꯊꯣꯛꯀꯟꯗꯦ ꯫

ꯏꯄꯥꯟ ( ꯶ꯅꯤ ) ꯊꯣꯔꯝ

ꯑꯌꯨꯛ ꯑꯉꯟꯕꯗꯥ ꯃꯃꯥ ꯑꯃꯁꯨꯡ ꯃꯆꯥ ꯑꯅꯤꯃꯛ ꯏꯔꯨ ꯏꯁꯦꯡꯊꯣꯛꯀꯅꯤ ꯂꯣꯏꯅꯅꯥ ꯅꯥꯍꯩ ꯂꯥꯏꯂꯣꯟ ꯁꯣꯟꯗꯨꯅꯥ ꯌꯨꯝ ꯁꯦꯡꯗꯣꯛꯀꯅꯤ ꯫ ꯑꯌꯨꯛꯇ ꯏꯄꯥꯟ ꯊꯥꯕꯒꯤ ꯊꯧꯔꯝ ꯱ꯁꯨꯡ ꯄꯤꯇꯥꯏ ꯈꯣꯝꯇꯥꯏꯕꯤ ꯏꯃꯥꯒꯤ ꯊꯧꯔꯝ ꯇꯧꯒꯅꯤ ꯄꯣꯛꯂꯤꯕ ꯑꯉꯥꯡ ꯑꯗꯨꯒꯤ ꯃꯄꯥꯅ ꯅꯠꯇ꯭ꯔꯒꯥ ꯃꯄꯥ ꯃꯔꯤꯒꯤ (ꯃꯔꯤ-ꯃꯇꯥꯒꯤ ) ꯅꯨꯄꯥ ꯑꯃꯅ ꯑꯉꯥꯡ ꯑꯗꯨꯗꯥ ꯃꯤꯡꯈꯩ ꯍꯥ, ꯍꯨꯡ, ꯍꯩ, ꯍꯦ, ꯍꯤꯡ ꯍꯥꯏꯅꯥ ꯄꯥꯕꯤꯒꯅꯤ, ꯱ꯁꯨꯡ ꯅꯧꯋꯥ ꯑꯉꯥꯡ ꯑꯗꯨꯅ ꯄꯨꯟꯁꯤ ꯂꯣꯝꯗ꯭ꯔꯤꯕ ꯐꯥꯎꯕꯗ ꯀꯧꯒꯗꯕꯥ ꯃꯤꯡꯊꯣꯜ ꯑꯗꯨ ꯊꯣꯟꯕꯤꯒꯅꯤ ꯫

ꯇꯦꯟ ꯀꯥꯞꯄ - ꯆꯤꯡꯈꯩꯗꯒꯤ ꯍꯧꯅ ꯇꯦꯟꯆꯩ ꯑꯃꯃꯝ ꯀꯥꯞꯇꯨꯅꯥ ꯃꯩꯔꯝ ꯐꯥꯎꯕꯗꯥ ꯇꯦꯟꯆꯩ ꯴ ꯀꯥꯛꯀꯅꯤ, ꯇꯦꯟꯆꯩ ꯱ꯅ ꯅꯣꯡꯊꯛ ꯑꯃꯁꯨꯡ ꯂꯩꯈꯥꯔꯣꯝꯗꯥ ꯎꯠꯜꯝꯂꯒꯥ ꯏꯃꯨꯡꯗꯥ ꯄꯁꯤꯟꯒꯅꯤ ꯫ ꯇꯦꯟ ꯀꯥꯞꯀꯗꯕꯥ ꯃꯤꯗꯤ ꯄꯣꯛꯂꯛꯀꯗꯕꯥ ꯑꯉꯥꯡꯒꯤ ꯃꯃꯥꯒꯥ ꯄꯣꯛꯃꯤꯟꯅꯕ ꯃꯕꯨꯡ ꯅꯠꯇ꯭ꯔꯒꯥ ꯃꯧꯄꯋꯥꯅ ꯀꯣꯛꯌꯦꯠ ꯌꯦꯠꯂꯒꯥ ꯀꯥꯞꯀꯗꯕꯅꯤ ꯫ ꯑꯉꯥꯡ ꯑꯗꯨꯗꯥ ꯁꯦꯟ ꯄꯤꯕꯅꯆꯤꯡꯕ ꯇꯧꯐꯗꯦ, ꯐꯟꯕꯥꯟꯗꯥ ꯊꯧꯅꯤꯕꯤꯒꯅꯤ ꯫ ꯃꯊꯪꯒꯤ ꯅꯨꯃꯤꯠꯇꯥ ꯐꯝꯕꯥꯟ ꯀꯥꯏꯒꯅꯤ ꯫

ꯆꯥꯎꯝꯕ (ꯇꯥꯏꯕꯪ ꯆꯤꯟꯖꯥꯛ ꯆꯥꯕꯥ )

ꯅꯨꯄꯤꯅꯥ ꯄꯣꯛꯄꯗꯒꯤ ꯊꯥ ꯵ ꯁꯨꯕꯗ ꯑꯗꯨꯒ ꯅꯨꯄꯥ ꯊꯥ ꯶ ꯁꯨꯕꯗ ꯇꯥꯥꯏꯕꯪ ꯆꯤꯟꯖꯥꯛ ꯆꯥꯕꯥ ꯍꯧꯕ ꯑꯣꯏꯅ ꯆꯥꯎꯝꯅꯤ ꯫ ꯃꯃꯥ ꯃꯄꯥ ꯱ꯁꯨꯡ ꯆꯥꯎꯝꯒꯗꯧꯔꯤꯕ ꯑꯉꯥꯡ ꯏꯔꯨ ꯏꯁꯦꯡꯗꯨꯅꯥ ꯅꯥꯍꯩ ꯂꯥꯏꯁꯣꯟꯅ ꯁꯦꯡꯗꯣꯛꯀꯅꯤ ꯑꯉꯥꯡꯒꯤ ꯐꯤꯖꯣꯜ ꯍꯣꯡꯒꯅꯤ ꯫ ꯂꯥꯏꯅꯤꯡꯊꯧ ꯁꯅꯥꯃꯍꯤ ꯃꯀꯥꯏꯐꯝꯗꯥ ꯑꯊꯦꯟꯄꯣꯠ ꯱ ꯉꯥꯃꯨ ꯌꯥꯎꯅꯥ ꯊꯦꯜꯂꯒꯥ ꯊꯧꯅꯤꯖꯒꯅꯤ, ꯃꯗꯨꯅꯥ ꯊꯣꯡ-ꯊꯥꯛꯂꯒ ꯆꯥꯎꯝꯕꯒꯤ ꯊꯧ ꯄꯥꯡꯈꯊꯣꯛꯊꯅꯤ ꯫ ꯑꯊꯣꯡꯕꯥ ꯆꯥꯛ ꯌꯦꯟꯁꯥꯡ ꯑꯗꯨ ꯃꯥꯒꯤ ꯃꯥꯒꯤ ꯌꯦꯛ ꯁꯥꯂꯥꯏꯒꯤ ꯄꯨ ꯑꯍꯨꯝꯗ ꯂꯨꯛ ꯑꯍꯨꯝ ꯊꯣꯛꯅ ꯀꯠꯀꯅꯤ ꯫ (ꯄꯨ ꯑꯍꯨꯝ ꯍꯥꯏꯔꯗꯤ - ꯏꯄꯨꯊꯧ ꯄꯥꯈꯪꯕ, ꯁꯂꯥꯏ, ꯁꯂꯥꯏꯅꯥ ꯄꯣꯛꯄꯥ ꯂꯨꯛꯃꯟ ꯈꯔꯥ ꯈꯔꯥ ꯂꯨꯛ ꯑꯍꯨꯝ ꯑꯗꯨꯗꯒꯤ ꯂꯧꯔꯒꯥ ꯃꯈꯥꯒꯤ ꯑꯁꯨꯝꯅ ꯃꯃꯥꯅ ꯏꯟꯕꯤꯒꯅꯤ ꯫ ꯆꯥꯛ ꯏꯟꯕꯗ ꯃꯝ ꯃꯝ, ꯏꯁꯤꯡ ꯏꯟꯕꯗꯥ ꯀꯨꯛ ꯀꯨꯛ ꯍꯥꯏꯒꯅꯤ ꯫ ꯑꯁꯨꯝꯅꯥ ꯷ ꯂꯛ ꯆꯥꯛ ꯏꯟ ꯇꯝꯒꯅꯤ ꯫

ꯅꯥꯍꯨꯠ ꯅꯥꯔꯦꯡ

ꯅꯥꯍꯨꯠ-ꯅꯥꯔꯦꯡꯒꯤ ꯊꯧꯔꯝ ꯍꯥꯏꯕꯁꯤ ꯃꯤꯇꯩ ꯏꯅꯥꯠꯀꯤ ꯑꯣꯏꯅ ꯇꯉꯥꯏ-ꯐꯗ꯭ꯕ ꯇꯧꯗꯕ ꯌꯥꯗꯕ ꯊꯧꯔꯝ ꯱ ꯑꯣꯏꯅ ꯂꯩꯔꯝꯗꯕꯅꯥ ꯃꯔꯝ ꯑꯣꯏꯗꯨꯅꯥ ꯍꯨꯠꯄꯥ ꯄꯥꯝꯕꯤꯕꯥ ꯃꯤꯑꯣꯏꯅꯥ ꯅꯨꯃꯤꯠ ꯊꯥ ꯑꯆꯪꯕꯥ ꯌꯥꯏꯐꯕꯥ ꯅꯨꯃꯤꯠ ꯑꯝꯗꯥ ꯞꯥꯡꯊꯣꯛꯄꯤꯕꯥ ꯌꯥꯏ ꯫ ꯌꯥꯔꯕꯗꯤ ꯄꯣꯛꯄꯥ ꯅꯨꯃꯤꯠꯇꯒꯤ ꯅꯨꯃꯤꯠ ꯶ꯅꯤꯒꯤ ꯃꯅꯨꯡꯗ ꯄꯥꯡꯈꯊꯣꯛꯄꯤꯕꯁꯨ ꯑꯀꯥꯏꯕꯥ ꯂꯩꯇꯦ ꯊꯧꯔꯝ ꯑꯁꯤꯕꯨ ꯏꯅꯥꯠꯀ ꯃꯔꯤ ꯂꯩꯅꯕꯥ ꯑꯆꯧꯕ ꯊꯧꯔꯝ ꯑꯃꯥ ꯑꯣꯏꯅꯥ ꯄꯥꯪꯊꯣꯛꯂꯨꯕꯗꯤ ꯃꯊꯧ ꯇꯥꯗꯦ ꯫

ꯂꯥꯏꯃꯤꯡ ꯂꯧꯕ ꯍꯥꯏꯕꯗꯤ ꯃꯄꯨꯗꯤ ꯃꯤꯡꯈꯩ ꯂꯧꯕ

ꯃꯄꯨ ꯱ ꯂꯩ ꯍꯥꯏꯕ ꯈꯪꯅꯅꯕ ꯑꯃꯗꯤ ꯃꯄꯨ ꯃꯥꯒꯤ ꯂꯤꯛꯈꯨꯟꯕꯨ ꯊꯤꯔꯛꯅꯕ ꯂꯥꯏꯒꯤ ꯃꯥꯍꯩꯕꯨ ꯇꯥꯏꯕꯪ ꯃꯤ ꯑꯣꯏꯅ ꯄꯥꯜꯍꯟꯈꯤꯕ ꯃꯔꯝꯅꯥ ꯃꯄꯨꯒꯤ ꯃꯤꯡꯂꯦꯜ ꯍꯥ, ꯍꯨꯪ, ꯍꯩ, ꯍꯤꯡ, ꯍꯤꯡ ꯌꯥꯏꯄꯤꯂꯦꯜ ꯅꯤꯡꯈꯩ ꯑꯁꯤꯅꯆꯤꯡꯕꯥ ꯀꯌꯥꯒꯤ ꯑꯆꯦꯠꯄꯥ ꯋꯥꯔꯤ ꯋꯥꯈꯣꯡꯕꯨ ꯃꯆꯥ ꯑꯣꯏꯕꯁꯤꯡꯗꯥ ꯃꯃꯥ ꯃꯄꯥ ꯑꯣꯏꯕꯅ ꯇꯥꯥꯛꯄꯤ ꯇꯝꯕꯤꯗꯨꯅ ꯈꯪꯍꯟꯐꯝ ꯊꯣꯛꯏ ꯫ ꯃꯁꯤꯒꯤꯗꯃꯛꯇ ꯊꯣꯏꯗꯣꯛꯄꯥ ꯑꯀꯛꯅꯕꯥ ꯃꯇꯝ, ꯆꯍꯤ ꯑꯃꯥ ꯊꯝꯗꯨꯅꯥ ꯂꯥꯏꯃꯤꯡ ꯂꯧꯕꯥ ꯅꯠꯇ꯭ꯔꯒꯥ ꯂꯥꯏꯅꯤꯡ ꯄꯤꯕꯥ ꯍꯥꯏꯕꯅꯆꯤꯡꯕ ꯀꯧꯁꯤꯟꯗꯨꯅꯥ ꯊꯧꯔꯝ ꯱ ꯑꯣꯏꯅ ꯄꯥꯡꯊꯣꯛ-ꯎꯒꯗꯕꯥ ꯅꯠꯇꯦ ꯫

ꯂꯨ-ꯍꯣꯡꯕ

ꯄꯤꯕꯥ (ꯅꯨꯄꯥ)ꯒꯤ ꯌꯨꯝꯗꯥ ꯄꯥꯡꯊꯣꯛꯀꯗꯕꯥ ꯊꯧꯔꯝꯗꯤ, ꯏꯁꯥꯏꯐꯨ ꯱ ꯂꯥꯠꯇꯨꯅꯥ ꯏꯔꯥꯠ ꯏꯁꯣꯟ ꯇꯧꯒꯅꯤ ꯫ ꯆꯤꯂꯂꯥ ꯂꯥꯏꯅꯤꯡꯊꯧ ꯁꯥꯂꯥꯏꯂꯦꯜ ꯁꯤꯗꯕꯥ, ꯂꯥꯏꯔꯦꯝꯕꯤ ꯏꯃꯥ ꯂꯩꯃꯂꯦꯜ ꯁꯤꯗꯕꯤ, ꯂꯥꯏꯅꯤꯡꯊꯧ ꯁꯅꯥꯃꯍꯤ, ꯃꯥꯕꯨ ꯄꯣꯛꯄꯥ ꯄꯟꯊꯧ ꯃꯄꯥ ꯑꯃꯁꯨꯡ ꯃꯥꯕꯨ ꯄꯣꯛꯄꯤ ꯄꯥꯂꯦꯝ ꯃꯃꯥ ꯄꯨꯝꯅꯃꯛꯄꯨ ꯈꯨꯔꯨꯝꯂꯒꯥ ꯐꯝꯐꯝꯗꯥ ꯐꯝꯗꯨꯅꯥ ꯁꯥꯂꯥꯏ ꯀꯣꯛꯌꯦꯠ ꯌꯦꯠꯂꯒꯥ ꯅꯤꯡꯁꯥꯒꯤ ꯄꯨꯡꯐꯝ ꯌꯦꯡꯗꯨꯅꯥ ꯊꯣꯡ ꯁꯥꯅꯒꯅꯤ ꯫

ꯄꯤꯕꯥꯅ ꯂꯩꯃꯥ ( ꯅꯨꯄꯤ ) ꯃꯌꯨꯝ ꯌꯧꯔꯛꯄꯗꯥ ꯇꯥꯪꯜꯃꯨ ꯂꯥꯏꯃꯨ ꯐꯠꯇꯕꯥ ꯆꯪꯂꯛꯇꯅꯕꯥ ꯈꯣꯏꯆꯨ ꯂꯥꯏꯈꯥꯝ ꯑꯣꯛꯀꯅꯤ ꯂꯣꯏꯅꯅꯥ ꯅꯥꯍꯩ ꯂꯥꯏꯂꯣꯟ ꯁꯣꯟꯗꯨꯅꯥ ꯑꯅꯝ ꯑꯊꯧ ꯀꯣꯛꯀꯅꯤ ꯫ ꯃꯇꯨꯡꯗ ꯂꯩꯃꯒꯤ ꯃꯃꯥꯅꯆꯤꯡꯕ ꯃꯤꯑꯣꯏꯅꯥ ꯑꯣꯛꯄꯤꯒꯅꯤ, ꯑꯁꯨꯝꯅ ꯑꯣꯛꯄꯤꯕꯥ ꯑꯁꯤꯗꯥ ꯄꯤꯕꯥꯅꯥ ꯑꯣꯛꯂꯔꯤꯕ ꯃꯤꯁꯤꯡ ꯑꯗꯨꯗ ꯈꯨꯔꯨꯝꯐꯗꯦ ꯫ ꯑꯣꯛꯕꯒꯤ ꯊꯕꯛ ꯂꯣꯏꯔꯕꯗꯥ ꯄꯤꯕꯥꯅ ꯃꯥꯒꯤ ꯄꯣꯊꯥꯅꯕꯥ ꯁꯦꯝꯂꯝꯂꯤꯕꯥ ꯃꯐꯝ ꯑꯗꯨꯗꯥ ꯑꯃꯨꯛ ꯆꯪꯗꯨꯅꯥ ꯐꯝꯈꯤꯒꯅꯤ, ꯁꯦꯟꯅꯔꯤꯕꯥ ꯟꯨꯄꯥ ꯑꯗꯨꯅꯥ ꯃꯁꯥꯒꯤ ꯁꯥꯂꯥꯏ ꯀꯧꯏꯌꯦꯠ ꯑꯗꯨ ꯄꯣꯊꯥꯐꯝ ꯑꯗꯨꯗꯥ ꯊꯝꯂꯝꯅꯒꯥ, ꯄꯤꯕꯥꯒꯤ ꯃꯍꯨꯠ ꯁꯤꯟꯗꯨꯅꯥ ꯊꯣꯛꯂꯛꯂꯒ ꯁꯣꯟꯅꯄꯨꯡꯗ ꯁꯥꯟꯊꯣꯡ ꯑꯄꯥꯟꯕ, ꯁꯂꯥꯏꯂꯦꯜ ꯁꯤꯗꯕꯥ, ꯏꯁꯩ ꯁꯛꯂꯤꯕ ꯑꯃꯗꯤ ꯇꯤꯜꯂꯝꯂꯤꯕ ꯃꯤꯌꯥꯝꯕꯨ ꯈꯨꯔꯨꯝ ꯈꯥꯖꯪꯗꯨꯅꯥ ꯇꯧꯕꯥ ꯍꯧꯅꯕꯥ ꯊꯧꯒꯜꯂꯣꯟ ꯎꯠꯀꯅꯤ ꯫

ꯂꯨꯍꯣꯡꯐꯝꯗꯥ

ꯐꯟꯕꯥꯜ ꯱ ꯁꯦꯝꯗꯨꯅ ꯏꯁꯥꯏꯐꯨ ꯂꯥꯠꯂꯒ ꯏꯔꯥꯠ ꯏꯁꯣꯟ ꯇꯧꯒꯅꯤ ꯫ ꯏꯔꯥꯠ ꯏꯁꯣꯟ ꯂꯣꯏꯔꯒꯥ ꯃꯄꯨꯒꯤ ꯃꯤꯡꯈꯩ ꯁꯛꯄꯥ ꯁꯣꯟꯕꯥ ꯍꯧꯒꯅꯤ ꯫ ꯃꯇꯝ ꯆꯥꯅꯥ ꯂꯨꯍꯣꯡꯐꯥꯜ, ꯄꯨꯁꯤꯜꯂꯛꯇꯨꯅꯥ ꯊꯥꯒꯅꯤ, ꯐꯥꯜꯒꯤ ꯃꯈꯥꯗ ꯄꯜꯂꯥꯟꯗꯕꯤꯅꯆꯤꯡꯕꯥ ꯌꯦꯛꯐꯔꯣꯏ, ꯅꯥꯍꯩ ꯂꯥꯏꯁꯣꯟꯅ ꯐꯥꯜ ꯑꯗꯨ ꯍꯧꯒꯅꯤ ꯐꯥꯜ ꯑꯗꯨ ꯁꯦꯡꯗꯣꯛꯀꯅꯤ ꯫ ꯄꯤꯕꯒꯤ ꯃꯇꯝ ꯑꯣꯏꯗꯨꯅ ꯁꯪꯂꯦꯜ ꯃꯌꯥꯏ ꯆꯟꯂꯛꯄꯥ ꯃꯇꯝꯗꯥ ꯐꯝꯃꯦꯟ ꯀꯣꯏꯅꯥ ꯆꯪꯒꯅꯤ ꯫ ꯏꯆꯦꯟꯗꯤ - ꯄꯤꯕꯥꯗꯤ ꯀꯣꯏꯔꯧ ꯅꯨꯃꯤꯠꯀꯤ ꯃꯁꯛꯅꯤ, ꯅꯨꯃꯤꯠꯅꯥ ꯑꯣꯏꯔꯣꯝꯗ ꯆꯠꯄꯒꯨꯝ ꯐꯝꯃꯦꯟ ꯀꯣꯏꯅꯥ ꯆꯠꯇ꯭ꯔꯕꯗꯤ ꯆꯠꯍꯩꯗꯩ ꯑꯗ꯭ꯅꯥ ꯐꯝꯃꯦꯟꯂꯣꯟꯗꯥ ꯆꯪꯂꯤꯕꯅꯤ ꯫ ꯑꯁꯨꯝꯅ ꯆꯪꯂꯛꯇꯨꯅꯥ ꯁꯟꯊꯣꯡ ꯑꯄꯥꯟꯕ ꯈꯨꯔꯝꯂꯒ ꯁꯣꯟꯅꯄꯨꯡꯒꯤ ꯐꯝꯕꯥꯟꯗꯥ ꯂꯥꯏꯅꯤꯡꯊꯧ ꯁꯂꯥꯏꯂꯦꯜ ꯁꯤꯗꯕꯕꯨ ꯈꯨꯔꯨꯝꯖꯒꯅꯤ ꯑꯗꯨꯒꯥ ꯄꯤꯕꯥꯒꯤ ꯂꯥꯏꯂꯣꯟ ꯁꯣꯟꯗꯨꯅ ꯁꯦꯡꯗꯣꯛꯀꯅꯤ ꯫ ꯂꯩꯃꯥ (ꯅꯨꯄꯤ)ꯅꯥ ꯐꯤꯁꯦꯠ ꯂꯩꯇꯦꯡ ꯂꯣꯏꯕꯒ ꯌꯨꯝꯒꯤ ꯂꯥꯏꯅꯤꯡꯊꯧ, ꯂꯥꯏꯔꯦꯝꯕꯤ ꯈꯨꯔꯨꯝꯖꯗꯨꯅꯒꯥ ꯃꯥꯕꯨ ꯄꯣꯀꯄꯥ ꯄꯂꯦꯝ ꯄꯟꯊꯧꯕꯨ ꯈꯨꯔꯨꯝꯖꯗꯨꯅ ꯊꯧꯅꯤꯖꯔꯝꯂꯒ ꯁꯪꯂꯦꯜꯂꯣꯝꯗ ꯊꯣꯛꯂꯛꯀꯅꯤ ꯫ ꯑꯍꯥꯟꯕꯗ ꯁꯟꯊꯣꯡ ꯑꯄꯥꯟꯕꯥ ꯈꯨꯔꯨꯃꯖꯒꯅꯤ ꯑꯗꯨꯒꯥ ꯃꯥꯡꯁꯣꯛꯂꯣꯝꯗ ꯂꯥꯛꯂꯒ ꯁꯣꯟꯅꯄꯨꯡꯗ ꯂꯥꯏꯅꯤꯡꯊꯧ ꯁꯂꯥꯏꯂꯦꯜꯒꯤ ꯐꯝꯕꯥꯜ ꯈꯨꯔꯝꯂꯒ ꯂꯩꯃꯒꯤ ꯐꯝꯐꯝꯗ ꯐꯝꯒꯅꯤ ꯫ ꯂꯩꯃꯒꯤ ꯐꯝꯐꯝꯗꯤ ꯄꯤꯕꯥꯒꯤ ꯆꯤꯡꯈꯩ ꯑꯣꯏꯅ ꯊꯥꯒꯅꯤ ꯫ ꯂꯩꯃꯅꯥ ꯐꯝꯕꯗ ꯄꯤꯕꯗ ꯃꯥꯏ ꯑꯣꯟꯁꯤꯟꯒꯅꯤ ꯫

ꯂꯥꯏꯅꯤꯡ ꯑꯁꯤꯒꯤ ꯑꯃꯝꯕ ꯃꯇꯝ

ꯂꯥꯢꯅꯤꯡ ꯑꯁꯤ ꯍꯤꯟꯗꯨ ꯂꯥꯢꯅꯤꯡ ꯅ ꯃꯅꯤꯄꯨꯔ ꯂꯩꯕꯥꯛꯇ ꯱꯸ꯁꯨꯕ ꯆꯍꯤꯆꯥꯗ ꯆꯪꯂꯛꯄ ꯃꯇꯝꯗ ꯁꯤꯊꯔꯨꯔꯕꯁꯨ ꯍꯧꯖꯤꯛ ꯲꯱ꯁꯨꯕ ꯆꯍꯤꯆꯥꯗ ꯂꯥꯏꯅꯤꯡꯍꯟ ꯅꯥꯎꯔꯤꯌꯥ ꯐꯨꯂꯣꯅ ꯃꯤꯇꯩ ꯃꯤꯌꯥꯝꯗ ꯑꯃꯨꯛ ꯂꯥꯏꯅꯤꯡ ꯑꯁꯤꯒꯤ ꯃꯇꯥꯡꯗ ꯈꯪꯍꯟꯗꯨꯅ ꯆꯥꯎꯈꯠꯂꯛꯂꯤ ꯫ ꯂꯥꯢꯅꯤꯡ ꯑꯁꯤꯕꯨ ꯃꯄꯨꯡ ꯑꯣꯢꯅ ꯃꯤꯇꯩ ꯐꯨꯔꯨꯞꯅ ꯂꯨꯅ ꯆꯠꯂꯤ ꯫

ꯃꯤꯔꯦꯜꯁꯤꯡ

ꯑꯔꯤꯕ ꯆꯠꯅꯕꯤ

ꯂꯥꯏꯒꯤ ꯃꯃꯤꯡꯁꯤꯡ

ꯁꯅꯥꯄꯍꯤ ꯂꯥꯏꯅꯤꯡꯒꯤ ꯃꯅꯨꯡ ꯆꯟꯅ ꯂꯩꯕ ꯈꯣꯌꯨꯝ ꯂꯥꯏꯒꯤ ꯃꯤꯡꯂꯦꯟ ꯈꯔ :-

ꯂꯥꯢꯅꯤꯡ ꯑꯁꯤꯗ ꯈ꯭ꯋꯥꯢꯗꯒꯤ ꯃꯔꯨ ꯑꯣꯢꯅ ꯂꯧꯅꯕ ꯂꯥꯢꯗꯤ ꯁꯂꯥꯢꯂꯦꯟ ꯁꯤꯗꯕꯅꯤ ꯫
ꯃꯥꯂꯦꯝ ꯏꯃꯥꯒꯤ ꯁꯛꯂꯣꯟ ꯄꯨꯔꯤꯕꯤ ꯏꯃꯥ ꯂꯩꯃꯔꯦꯜ ꯁꯤꯗꯕꯤ ꯫
ꯂꯥꯢꯅꯤꯡꯊꯧ ꯁꯅꯥꯃꯍꯤ ꯫
ꯄꯥꯈꯪꯕ ꯫
ꯏꯃꯣꯢꯅꯨ ꯫
ꯄꯥꯟꯊꯣꯢꯕꯤ ꯫
ꯍꯥꯎꯔꯩꯃ ꯁꯝꯄꯨꯕꯤ ꯫

ꯁꯟꯊꯣꯡ ꯒꯤ ꯎꯃꯪ ꯂꯥꯢꯐꯝ

A, A, A, A. Bamboos supporting a white canopy. (ꯐꯤꯉꯧꯕꯨ ꯋꯥꯅ ꯃꯈꯣꯡ ꯑꯣꯏꯗꯨꯅ ꯈꯟꯕ)

B, B, B, B. A line of pine torches about 8 inches long. (ꯏꯤꯟꯆꯤ ꯸ ꯁꯥꯡꯕ ꯄꯥꯏꯟꯒꯤ ꯃꯩꯔꯥ ꯄꯔꯦꯡ)

S1–S6. Stones erected by the Rajas. (ꯅꯤꯡꯊꯧꯅ ꯌꯨꯡꯕ ꯅꯨꯡꯁꯤꯡ)

1. Basket of paddy, with 2 discs of local salt, and 2 local coins. (ꯃꯐꯝꯗꯨꯒꯤ ꯊꯨꯝ ꯃꯄꯥꯛ ꯑꯅꯤ ꯑꯃꯁꯨꯡ ꯁꯦꯜ ꯑꯅꯤ ꯌꯥꯎꯅ ꯐꯧ ꯊꯨꯃꯣꯛ)

2. A white buffalo. (ꯏꯔꯣꯏ ꯑꯉꯧꯕ ꯑꯃꯥ)

3. Maiba's position. (ꯃꯥꯏꯕꯒꯤ ꯃꯐꯝ)

4. A pig and a cock. (ꯑꯣꯛ ꯑꯃꯥ ꯑꯃꯁꯨꯡ ꯌꯦꯟ ꯂꯥꯕ ꯑꯃꯥ)

5. A pot of holy water. (ꯏꯁꯤꯡ ꯑꯁꯦꯡꯕ ꯆꯐꯨ ꯑꯃꯥ)

6. Bunch of plantains. (ꯂꯐꯨ ꯃꯄꯨꯜ ꯑꯃꯥ)

7. Earthen dish containing fire. (ꯃꯩ ꯌꯥꯎꯕ ꯂꯩꯄꯥꯛꯀꯤ ꯀꯣꯟ)

8. Offerings to the 9 Umanglais. (ꯎꯃꯪꯂꯥꯏ ꯹ ꯗ ꯀꯠꯆꯕꯁꯤꯡ)

9. Pot containing rice covered with white cloth. (ꯐꯤ ꯑꯉꯧꯕꯅ ꯈꯨꯝꯕ ꯆꯦꯡ ꯌꯥꯎꯕ ꯆꯐꯨ)

10. Small pot with vegetables and salt. (ꯃꯅꯥ-ꯃꯁꯤꯡ ꯑꯃꯁꯨꯡ ꯊꯨꯝ ꯌꯥꯎꯕ ꯆꯐꯨ ꯃꯆꯥ)

11. Four sorts of fishes. (ꯉꯥ ꯃꯈꯜ ꯃꯔꯤ)

12. Empty pot on tripod for the cooking of the offerings. (ꯀꯠꯆꯕꯁꯤꯡ ꯊꯣꯡꯅꯕ ꯌꯣꯠꯁꯕꯤꯗ ꯑꯍꯥꯡꯕ ꯆꯐꯨ)

13. Offerings to the 7 Lairemas. (ꯂꯥꯏꯔꯦꯝꯃꯥ ꯷ ꯇ ꯀꯠꯆꯕꯁꯤꯡ)

14. Vegetables for Santhong. (ꯁꯟꯊꯣꯡꯒꯤꯗꯃꯛ ꯑꯦꯟꯁꯥꯡ-ꯅꯥꯄꯤ)

15. Moirang ningthau. (ꯃꯣꯏꯔꯥꯡ ꯅꯤꯡꯊꯧ)

16, 17. Clothing of the Lai Santhong and his Lairema. (ꯂꯥꯏ ꯁꯡꯊꯣꯡ ꯑꯃꯁꯨꯡ ꯃꯍꯥꯛꯀꯤ ꯂꯥꯏꯔꯦꯝꯃꯥꯒꯤꯗꯃꯛ ꯐꯤ-ꯔꯣꯜ)

18. A white cloth. (ꯐꯤ ꯑꯉꯧꯕ)

19. The Raja. (ꯅꯤꯡꯊꯧ)

ꯋꯥꯡꯕ꯭ꯔꯦꯟ ꯒꯤ ꯂꯥꯢꯐꯝ

A. Spot where golden models were buried. (ꯁꯅꯥꯒꯤ ꯁꯛꯇꯝꯁꯤꯡ ꯐꯨꯝꯅꯕ ꯃꯐꯝ)

B. Cloth on which clothes of Lai and Lairema were laid. (ꯂꯥꯢ ꯑꯃꯁꯨꯡ ꯂꯥꯏꯔꯩꯃꯒꯤ ꯐꯤꯁꯤꯡ ꯊꯝꯅꯕ ꯐꯤꯗꯥ)

C. Pot of rice. (ꯆꯦꯡ ꯆꯐꯨ ꯑꯃꯥ)

D. Three dried plantain leaves containing rice, betel nut, pān, plantains, sugar cane, and some flowers and fruit, offered to the 5 gurus, and laid down first of all, to purify the spot. (ꯂꯥ ꯑꯀꯪꯕ ꯑꯍꯨꯝꯗ ꯆꯦꯡ, ꯀ꯭ꯋꯥ, ꯄꯥꯟ, ꯂꯐꯨ, ꯆꯨ ꯑꯃꯁꯨꯡ ꯍꯩ-ꯂꯩ ꯈꯔ ꯍꯥꯞꯇꯨꯅ ꯒꯨꯔꯨ ꯵ ꯗ ꯑꯍꯥꯟꯕꯗ ꯀꯠꯆꯒꯅꯤ, ꯃꯁꯤꯅ ꯃꯐꯝꯗꯨ ꯁꯦꯡꯗꯣꯛꯅꯤ꯫)

E. Plantain leaf on which are laid cucumbers and other vegetables offered to Kanachauba. (ꯂꯥꯗ ꯊꯕꯤ ꯑꯃꯁꯨꯡ ꯑꯇꯩ ꯃꯅꯥ-ꯃꯁꯤꯡ ꯀꯅꯆꯥꯎꯕꯗ ꯀꯠꯆꯕ)

F. A cloth on which was a cloth knotted to represent a man (a sort of rag doll). (ꯐꯤꯅ ꯀꯤꯁꯤ ꯀꯤꯗꯨꯅ ꯅꯨꯄꯥ ꯁꯛꯇꯝ ꯁꯥꯗꯨꯅ ꯐꯤꯗꯥꯗ ꯊꯝꯕ)

G. Moirang keirungba.(ꯃꯣꯏꯔꯥꯡ ꯀꯩꯔꯨꯡꯕꯥ)

H. Moirang ningthau. (ꯃꯣꯏꯔꯥꯡ ꯅꯤꯡꯊꯧ)

I. The Raja. (ꯔꯥꯖꯥ)

J. Maiba. (ꯃꯥꯏꯕ)

K. Shuganu hangjaba. (ꯁꯨꯒꯅꯨ ꯍꯪꯖꯕ)

M, N. Attendants. (ꯌꯦꯡꯁꯤꯟꯕꯁꯤꯡ)

O. A fowl. (ꯌꯦꯟ ꯑꯃꯥ)