ꯃꯉꯥꯡ ꯂꯨꯋꯥꯡ ꯈꯨꯃꯟ

ꯑꯉꯥꯡꯕ ꯑꯁꯤꯅ ꯃꯉꯥꯡ, ꯑꯉꯧꯕ ꯑꯁꯤꯅ ꯂꯨꯋꯥꯡ ꯑꯃꯗꯤ ꯑꯃꯨꯕ ꯑꯁꯤꯅ ꯈꯨꯃꯟ ꯌꯦꯛ ꯁꯂꯥꯢ ꯕꯨ ꯁꯛꯇꯥꯛꯂꯤ꯫

ꯑꯍꯥꯟꯕꯒꯤ ꯃꯆꯨ ꯳ ꯑꯁꯤꯅ ꯌꯦꯛ ꯁꯂꯥꯢ ꯷ ꯀꯤ ꯃꯅꯨꯡꯗ ꯑꯍꯥꯟꯕꯒꯤ ꯁꯂꯥꯢ ꯑꯍꯨꯝ ꯑꯗꯨꯕꯨ ꯁꯛꯇꯥꯛꯂꯤ꯫

ꯃꯉꯥꯡ ꯂꯨꯋꯥꯡ ꯈꯨꯃꯟ (ꯑꯔꯤꯕ ꯃꯤꯇꯩꯂꯣꯟ: ꯃꯉꯥꯪ ꯂꯨꯋꯥꯪ ꯈꯨꯃꯟ) ꯑꯁꯤ ꯃꯤꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯏꯅꯤꯡ ꯅꯠꯇ꯭ꯔꯒ ꯃꯩꯇꯩ ꯂꯥꯢꯅꯤꯡ) ꯑꯃꯗꯤ ꯃꯤꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤꯗ ꯌꯥꯎꯕ ꯃꯄꯨꯡ ꯑꯣꯢꯕ ꯂꯥꯢꯅꯨꯄꯥ ꯳ ꯅꯤ꯫ ꯂꯥꯢ ꯳ ꯑꯗꯨꯗꯤ: ꯃꯉꯥꯡ ꯁꯤꯇꯄ, ꯂꯨꯋꯥꯡ ꯁꯤꯇꯄ ꯑꯃꯗꯤ ꯈꯨꯃꯟ ꯁꯤꯇꯄ ꯅꯤ꯫ ꯃꯈꯣꯢꯁꯤ ꯁꯂꯥꯢ ꯷ ꯀꯤ ꯃꯅꯨꯡꯗ ꯳ ꯍꯥꯢꯕꯗꯤ ꯃꯉꯥꯡ, ꯂꯨꯋꯥꯡ ꯑꯃꯗꯤ ꯈꯨꯃꯟꯒꯤ ꯑꯄꯣꯛꯄꯁꯤꯡꯅꯤ ꯍꯥꯢꯅ ꯂꯧꯅꯩ꯫ ꯃꯈꯣꯢꯁꯤ ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ)ꯗꯒꯤ ꯍꯧꯅ ꯂꯥꯠꯅꯗꯨꯅ ꯂꯥꯛꯂꯤ꯫

ꯃꯉꯥꯡ ꯂꯨꯋꯥꯡ ꯈꯨꯃꯟ ꯳ ꯑꯁꯤ ꯅꯨꯡꯁꯤꯅ ꯆꯦꯠꯅ ꯂꯥꯠꯅꯗꯨꯅ ꯂꯥꯛꯂꯤ꯫ ꯁꯅꯥꯃꯍꯤ ꯂꯥꯢꯅꯤꯡ ꯗꯗꯤ ꯑꯆꯨꯝꯕ ꯐꯪꯅꯕ ꯑꯃꯗꯤ ꯏꯪ ꯆꯤꯛꯄ ꯐꯪꯅꯕ ꯒꯤ ꯑꯁꯨꯞꯄ ꯂꯝꯕꯦꯜꯗꯤ ꯈꯣꯌꯨꯝ ꯂꯥꯢꯕꯨ ꯆꯦꯠꯅ ꯆꯥꯟꯅ ꯅꯨꯡꯁꯤꯅ ꯅꯤꯡꯖꯕ ꯑꯁꯤꯅꯤ ꯫ ꯀꯔꯤꯒꯨꯝꯕꯗ ꯃꯈꯣꯢꯁꯤ ꯍꯛꯆꯥꯡꯒꯤ ꯀꯌꯥꯠ ꯑꯣꯢꯅ ꯂꯧꯅꯕꯁꯨ ꯌꯥꯎꯏ, ꯃꯉꯥꯡ ꯕꯨ ꯀꯣꯛ, ꯂꯨꯋꯥꯡ ꯕꯨ ꯊꯕꯥꯛ ꯑꯃꯗꯤ ꯈꯨꯃꯟ ꯕꯨ ꯃꯃꯩ ꯑꯣꯢꯅ ꯂꯧꯅꯕꯁꯨ ꯌꯥꯎꯏ ꯫

꯱꯸ꯁꯨꯕ ꯆꯍꯤꯆꯥꯗ ꯃꯤꯇꯩ ꯀꯥꯡꯂꯨꯞ ꯄꯨꯝꯕ ꯍꯤꯟꯗꯨ ꯂꯥꯢꯅꯤꯡ ꯆꯠꯍꯜꯂꯛꯄ ꯃꯇꯝꯗ ꯍꯥꯢꯔꯤꯕ ꯂꯥꯢ ꯳ ꯒꯤ ꯋꯥꯈꯜꯂꯣꯟꯁꯤ ꯍꯤꯟꯗꯨ ꯒꯤ ꯋꯥꯈꯜꯂꯣꯟ ꯀꯌꯥꯒ ꯌꯥꯟꯁꯤꯟꯅꯕ ꯍꯧꯔꯛꯈꯤ꯫ ꯃꯈꯣꯢꯁꯤ ꯍꯤꯟꯗꯨ ꯒꯤ ꯒꯣꯇ꯭ꯔ ꯹ ꯒꯤ ꯃꯅꯨꯡꯗꯒꯤ ꯳ ꯒ ꯃꯥꯟꯅꯍꯟꯕ ꯍꯧꯔꯛꯈꯤ꯫ ꯃꯉꯥꯡ ꯕꯨ ꯑꯩꯇꯦꯔꯦꯌꯥ ꯒꯣꯇ꯭ꯔ, ꯂꯨꯋꯥꯡ ꯕꯨ ꯀꯁ꯭ꯌꯞ ꯒꯣꯇ꯭ꯔ ꯑꯃꯗꯤ ꯈꯨꯃꯟ ꯕꯨ ꯃꯙꯨꯒꯂ꯭ꯌ ꯒꯣꯇ꯭ꯔ ꯒ ꯄꯥꯡꯈꯛ ꯑꯣꯢꯍꯟꯈꯤ꯫ ꯁꯪꯁ꯭ꯀ꯭ꯔꯤꯠ ꯂꯣꯟ ꯑꯃꯗꯤ ꯑꯇꯩ ꯏꯟꯗꯣ-ꯑꯥꯔꯌꯥꯟ ꯂꯣꯟ ꯀꯌꯥꯒꯤ ꯋꯥꯍꯩ ꯑꯣꯢꯔꯤꯕ ꯒꯨꯔꯨ ꯑꯁꯤ ꯂꯥꯢ ꯳ ꯑꯁꯤꯒꯤ ꯃꯃꯤꯡꯗ ꯇꯞꯁꯤꯟꯗꯨꯅ ꯅꯤꯡꯅꯕ ꯍꯧꯔꯛꯈꯤ꯫ ꯃꯈꯣꯢꯁꯤ ꯅꯨꯡꯊꯤꯜꯒꯤ ꯂꯥꯢꯁꯣꯟ ꯏꯁꯩꯗ ꯄꯟꯗꯨꯅ ꯂꯥꯢꯁꯣꯟ ꯁꯛꯅꯈꯤ꯫