ꯀꯪꯂꯩꯄꯥꯛꯀꯤ ꯄꯨꯋꯥꯔꯤ

ꯋꯤꯀꯤꯄꯦꯗꯤꯌꯥ ꯗꯒꯤ
(ꯀꯪꯂꯩꯄꯥꯛ ꯀꯤ ꯄꯨꯋꯥꯔꯤ ꯗꯒꯤ ꯑꯃꯨꯛꯍꯟꯂꯛꯄ)
Jump to navigation Jump to search

Info i blue.svg ꯂꯃꯥꯢ ꯑꯁꯤ ꯑꯔꯤꯕ ꯃꯤꯇꯩꯂꯣꯟ ꯁꯤꯖꯤꯟꯅꯩ ꯫ ꯀꯪꯂꯩꯄꯥꯛ (ꯀꯣꯟꯅꯗꯤ ꯃꯅꯤꯄꯨꯔ ꯍꯥꯢꯅ ꯈꯪꯅꯈꯤꯕ) ꯂꯝꯗꯝ ꯑꯁꯤꯒꯤ ꯄꯨꯋꯥꯂꯤ (ꯄꯨꯋꯥꯔꯤ) ꯑꯁꯤ ꯉꯁꯤꯗꯒꯤ ꯆꯍꯤ ꯳꯵꯰꯰ ꯃꯨꯛꯀꯤ ꯃꯃꯥꯡꯒꯤ ꯃꯇꯝꯗꯒꯤ ꯂꯩꯔꯦ ꯫ ꯀꯪꯂꯩꯄꯥꯛꯇ ꯅꯤꯡꯊꯧ ꯇꯥꯡꯆꯥ ꯂꯤꯜ ꯄꯥꯈꯪꯄꯅ ꯄꯥꯟꯕ ꯃꯇꯝ ꯑꯁꯤꯗꯒꯤ ꯄꯨꯋꯥꯔꯤ ꯍꯧꯏ ꯍꯥꯢꯅ ꯂꯧꯕ ꯌꯥꯢ ꯫ ꯋꯥꯀꯣꯛꯂꯣꯟ ꯍꯤꯂꯦꯜ ꯊꯤꯂꯦꯜ ꯁꯂꯥꯏ ꯑꯃꯥꯏꯂꯣꯟ ꯄꯨꯀꯣꯛ ꯄꯨꯌꯥ ꯑꯁꯤ ꯱꯳꯹꯸ ꯕꯤ.ꯁꯤ. ꯗ ꯏꯈꯤ ꯍꯥꯢꯕꯁꯤ ꯆꯞ ꯆꯥꯅ ꯈꯪꯂꯦ ꯫[꯱][꯲][꯳][꯴][꯵]

Flag of Manipur (stripes variant).svg

ꯀꯪꯂꯩꯄꯥꯛꯀꯤ ꯄꯨꯋꯥꯔꯤꯗ ꯑꯍꯥꯟꯕ ꯅꯤꯡꯊꯧ ꯀꯅꯥꯅꯣ ꯍꯪꯂꯕꯗꯤ ꯄꯥꯈꯪꯕ ꯍꯥꯢꯕ ꯃꯤꯡ ꯑꯁꯤ ꯍꯥꯟꯅ ꯍꯦꯛꯇ ꯍꯥꯢꯅꯩ ꯫ ꯑꯗꯨꯕꯨ ꯀꯪꯂꯩꯄꯥꯛꯀꯤ ꯄꯨꯋꯥꯔꯤꯗ ꯄꯥꯈꯪꯕ ꯀꯧꯕ ꯅꯤꯡꯊꯧ ꯀꯌꯥꯃꯔꯨꯝ ꯂꯩꯔꯤꯕꯁꯤꯒꯤ ꯃꯅꯨꯡꯗ ꯀꯔꯝꯕꯅꯣ ꯍꯥꯢꯅꯗꯤ ꯌꯥꯝꯅ ꯃꯨꯟꯅ ꯃꯤ ꯑꯌꯥꯝꯕꯅ ꯍꯪꯅꯗꯦ ꯑꯃꯗꯤ ꯈꯟꯊꯗꯦ ꯫

ꯅꯤꯡꯊꯧ ꯇꯥꯡꯆꯥ ꯂꯤꯜ ꯄꯥꯈꯪꯄ (꯱꯴꯴꯵ BC-꯱꯴꯰꯵ BC) ꯑꯁꯤ ꯅꯤꯡꯊꯧ ꯀꯥꯡꯄ (꯱꯴꯰꯵ BC- ꯱꯳꯵꯹ BC)ꯒꯤ ꯃꯄꯥ ꯑꯃꯗꯤ ꯅꯤꯡꯊꯧ ꯃꯂꯤꯌꯥ ꯐꯝꯄꯥꯜ ꯆꯥ (ꯅꯤꯡꯊꯧ ꯀꯣꯢ ꯀꯣꯢ) (꯱꯳꯵꯹ BC-꯱꯳꯲꯹ BC)ꯒꯤ ꯃꯄꯨꯅꯤ ꯫[꯶][꯷] ꯃꯍꯥꯛꯁꯤ ꯂꯩꯍꯧ ꯍꯥꯎ ꯀꯥꯡꯂꯨꯞꯀꯤ ꯅꯤꯡꯊꯧꯒꯤ ꯃꯆꯥꯅꯨꯄꯤ ꯂꯩꯃ ꯁꯤꯟꯄꯤ ꯂꯩꯃꯒꯤ ꯃꯄꯨꯔꯣꯢꯕꯅꯤ ꯫ ꯀꯪꯂꯩꯄꯥꯛꯀꯤ ꯄꯨꯋꯥꯂꯤꯗ "ꯄꯥꯈꯪꯕ" ꯀꯧꯕ ꯅꯤꯡꯊꯧ ꯀꯌꯥ ꯄꯥꯟꯈꯤ, ꯃꯗꯨ ꯃꯌꯥꯝꯗꯨꯒꯤ ꯃꯅꯨꯡꯗ "ꯇꯥꯡꯖ ꯂꯤꯜ ꯄꯥꯈꯪꯕ" ꯁꯨ ꯑꯃꯅꯤ ꯫[꯸][꯹]

ꯅꯣꯡꯇꯥ ꯂꯥꯢꯂꯦꯟ ꯄꯥꯈꯪꯄ ꯅꯠꯇ꯭ꯔꯒ ꯅꯣꯡꯗꯥ ꯂꯥꯏꯔꯦꯟ ꯄꯥꯈꯪꯕ ꯍꯥꯏꯄ ꯅꯤꯡꯊꯧ ꯑꯁꯤ ꯄꯥꯈꯪꯄ ꯅꯠꯇꯦ ꯫ ꯂꯥꯏ ꯅꯠꯇꯦ ꯫ ꯅꯃꯨ ꯇꯥꯏꯄꯪ ꯃꯤꯅꯤ ꯫[꯱꯰][꯱꯱] ꯃꯍꯥꯛꯁꯤ ꯀꯪꯂꯥꯇ ꯏꯍꯥꯟ ꯍꯥꯟꯅ ꯄꯥꯟꯄ ꯃꯉꯥꯡ ꯁꯂꯥꯏꯀꯤ ꯅꯤꯡꯊꯧ ꯍꯥꯏꯄꯇꯤ ꯃꯩꯇꯤꯡꯉꯨꯅꯦ ꯫ ꯑꯗꯨꯕꯨ ꯀꯪꯂꯥꯇ ꯃꯥꯒꯤ ꯃꯃꯥꯡꯊꯛꯇ ꯈꯥꯄ ꯉꯥꯟꯄ ꯁꯂꯥꯏꯀꯤ ꯅꯤꯡꯊꯧꯁꯤꯡ ꯑꯃꯗꯤ ꯂꯨꯋꯥꯡ ꯁꯂꯥꯏꯒꯤ ꯅꯤꯡꯊꯧꯁꯤꯡꯅ ꯃꯇꯝ ꯁꯥꯡꯅ ꯄꯥꯜꯂꯝꯄꯀꯤ ꯄꯨꯋꯥꯂꯤꯁꯨ ꯂꯩ ꯫[꯱꯲][꯱꯳] ꯃꯍꯥꯛꯅ ꯍꯥꯏꯄꯇꯤ ꯅꯤꯡꯊꯧꯆꯥ ꯁꯂꯥꯏꯆꯥꯁꯤꯡꯅ ꯀꯪꯂꯥꯄꯨ ꯈꯨꯗꯨꯝ ꯆꯟꯅꯅꯄꯀꯤꯇꯃꯛ ꯈꯥꯄ ꯉꯥꯟꯄ ꯁꯂꯥꯏꯆꯥꯁꯤꯡꯀ ꯑꯀꯟꯄ ꯂꯥꯟ ꯁꯣꯛꯅꯈꯤ ꯫ ꯂꯥꯟ ꯑꯁꯤꯇ ꯃꯥꯏ ꯄꯥꯛꯇꯨꯅ ꯀꯪꯂꯥꯇ ꯅꯣꯡꯇꯥ ꯂꯥꯏꯂꯦꯜ ꯄꯥꯈꯪꯄꯅ ꯐꯝꯄꯥꯜ ꯇꯣꯡꯈꯤ ꯫[꯱꯴] ꯑꯌꯥꯝꯕ ꯃꯇꯝꯗ ꯅꯣꯡꯇꯥ ꯂꯥꯏꯂꯦꯜ ꯄꯥꯈꯪꯄ ꯑꯁꯦ ꯂꯥꯏ ꯄꯥꯈꯪꯄ ꯀ ꯁꯛꯇꯥꯛ ꯄꯨꯟꯁꯤꯟꯅꯅꯄ ꯃꯤ ꯑꯌꯥꯝꯄꯅ ꯍꯣꯠꯅꯩ ꯫ ꯑꯇꯨꯄꯨ ꯃꯇꯝꯇꯨꯇ ꯅꯤꯡꯊꯧꯁꯤꯡꯅ ꯂꯥꯏ ꯀꯤ ꯃꯇꯤꯛ ꯃꯌꯥꯏ ꯆꯦꯟꯅꯤꯡꯄꯀꯤ ꯅꯠꯇ꯭ꯔꯒ ꯃꯤ ꯃꯔꯛꯇ ꯊꯣꯏꯇꯣꯛ ꯍꯦꯟꯇꯣꯛꯅꯤꯡꯄꯀꯤꯇꯃꯛ ꯂꯥꯏꯒꯤ ꯃꯤꯡ ꯀꯧꯄꯁꯤ ꯆꯠꯅꯂꯝꯃꯤ ꯫[꯱꯵][꯱꯶]

ꯍꯥꯢꯔꯤꯕ ꯅꯤꯡꯊꯧ ꯑꯅꯤ ꯑꯁꯤ ꯑꯌꯥꯝꯕ ꯃꯇꯝꯗ ꯆꯃꯝꯅꯒꯜꯂꯤ, ꯆꯌꯦꯠꯅꯒꯜꯂꯤ ꯫ ꯑꯗꯨꯕꯨ ꯑꯅꯤ ꯑꯁꯤ ꯈꯦꯟꯅꯩ ꯫

Uttra sanglen.jpg

ꯀꯪꯂꯩꯄꯥꯛꯀꯤ ꯄꯨꯋꯥꯔꯤ ꯑꯁꯤ ꯆꯥꯎꯔꯥꯛꯅ ꯃꯇꯝ ꯳ ꯊꯣꯛꯅ ꯈꯥꯢꯗꯣꯛꯂꯒ ꯅꯩꯅꯕ ꯌꯥꯢ ꯫ ꯃꯇꯝ ꯳ ꯑꯗꯨꯗꯤ: ꯱) ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ) ꯲) ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝꯒꯤ ꯀꯪꯂꯩꯄꯥꯛ (ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝꯒꯤ ꯃꯅꯤꯄꯨꯔ) ꯳) ꯑꯊꯦꯡꯕ ꯃꯇꯝꯒꯤ ꯀꯪꯂꯩꯄꯥꯛ (ꯑꯊꯦꯡꯕ ꯃꯇꯝꯒꯤ ꯃꯅꯤꯄꯨꯔ)ꯅꯤ ꯫

ꯑꯔꯤꯕ ꯃꯇꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

Manipuri horseman.jpg

꯳꯳ ꯑꯦ.ꯗꯤ. ꯒꯤ ꯃꯃꯥꯡ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯑꯍꯥꯟꯕ ꯅꯤꯡꯊꯧꯒꯤ ꯃꯇꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯑꯔꯤꯕ ꯃꯇꯝ ꯑꯁꯤ ꯅꯤꯡꯊꯧ ꯇꯥꯡꯆꯥ ꯂꯤꯜ ꯄꯥꯈꯪꯄꯒꯤ ꯃꯇꯝꯗꯒꯤ ꯍꯧꯏ ꯫ ꯃꯍꯥꯛꯅ ꯀꯪꯂꯩꯄꯥꯛ ꯍꯥꯢꯕꯗꯤ ꯑꯂꯤꯄ ꯀꯪꯂꯩꯄꯥꯛꯇ ꯏꯍꯥꯟ ꯍꯥꯟꯅ ꯃꯌꯦꯛ ꯁꯦꯡꯅ ꯄꯥꯟꯕ ꯍꯧꯔꯛꯈꯤ ꯫ ꯃꯁꯤꯗꯒꯤ ꯇꯨꯡꯂꯝꯆꯠꯇ ꯄꯥꯜꯂꯛꯄ ꯅꯤꯡꯊꯧ ꯀꯌꯥꯅ ꯇꯞꯅ ꯇꯞꯅ ꯆꯥꯎꯈꯠꯄꯒꯤ ꯃꯥꯡꯂꯣꯝꯗ ꯀꯪꯂꯩꯄꯥꯛ ꯃꯥꯢ ꯑꯣꯟꯁꯤꯜꯍꯟꯂꯛꯈꯤ ꯫

ꯅꯤꯡꯊꯧ ꯀꯥꯡꯕ ꯑꯃꯗꯤ ꯁꯒꯣꯜ ꯀꯥꯡꯖꯩ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

Manipur Pony.jpg

ꯅꯤꯡꯊꯧ ꯀꯥꯡꯄꯒꯤ ꯃꯇꯝꯗ ꯁꯒꯣꯜ ꯀꯥꯡꯖꯩ ꯄꯨꯊꯣꯛꯈꯤ ꯫ ꯃꯁꯤꯅ ꯇꯥꯛꯄꯗꯤ ꯃꯍꯥꯛꯀꯤ ꯃꯇꯝꯗ ꯀꯪꯂꯩꯄꯥꯛ ꯍꯥꯢꯕꯗꯤ ꯑꯂꯤꯄ ꯀꯪꯂꯩꯄꯥꯛꯁꯒꯣꯜ ꯍꯥꯢꯕꯗꯤ ꯃꯩꯇꯩ ꯁꯒꯣꯜ ꯅꯤꯡꯊꯤꯖꯅ ꯁꯤꯖꯤꯟꯅꯔꯦ ꯍꯥꯢꯕ ꯇꯥꯛꯂꯤ ꯫

ꯅꯤꯡꯊꯧ ꯃꯂꯤꯌꯥꯐꯝ ꯄꯥꯜꯆꯥ ꯑꯃꯗꯤ ꯊꯥꯄꯥꯂꯣꯟ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯅꯤꯡꯊꯧ ꯃꯂꯤꯌꯥꯐꯝ ꯄꯥꯜꯆꯥꯒꯤ ꯃꯇꯝꯗ ꯃꯤꯇꯩ ꯊꯥꯄꯥꯂꯣꯟ ꯄꯨꯊꯣꯛꯈꯤ ꯫

ꯄꯣꯢꯔꯩꯇꯣꯟ ꯒꯤ ꯈꯨꯟꯊꯣꯛꯂꯛꯄ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯑꯁꯨꯝ ꯂꯥꯛꯄꯅ ꯄꯣꯢꯔꯩꯇꯣꯟꯅ ꯀꯪꯂꯩꯄꯥꯛ ꯇ ꯈꯨꯟꯊꯣꯛꯂꯛꯄ ꯃꯇꯝꯗ ꯱) ꯆꯥꯛꯍꯥꯎ ꯊꯥꯕ, ꯲) ꯃꯩ ꯍꯦꯟꯅ ꯅꯤꯡꯊꯤꯖꯅ ꯁꯤꯖꯤꯟꯕ (ꯍꯥꯟꯅꯕꯨꯗꯤ ꯁꯤꯖꯤꯟꯅꯔꯝꯂꯕꯅꯤ), ꯳) ꯁꯅꯥ (ꯆꯣꯢꯅꯧ) ꯑꯃꯗꯤ ꯂꯨꯄꯥ ꯒꯤ ꯁꯤꯖꯤꯟꯕ, ꯴) ꯂꯧꯎ ꯁꯤꯡꯎ ꯍꯦꯟꯅ ꯈꯨꯃꯥꯡ ꯆꯥꯎꯁꯤꯟꯂꯛꯄ ꯑꯁꯤꯅꯆꯤꯡꯕꯗ ꯀꯪꯂꯩꯄꯥꯛ ꯃꯥꯢ ꯑꯣꯟꯁꯤꯜꯂꯛꯈꯤ ꯫

꯳꯳ ꯑꯦ.ꯗꯤ. ꯑꯃꯗꯤ ꯃꯁꯤꯒꯤ ꯃꯇꯨꯡ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯅꯣꯡꯗꯥ ꯂꯥꯢꯔꯦꯟ ꯄꯥꯈꯪꯕ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯃꯤ ꯑꯌꯥꯝꯕꯅ ꯀꯪꯂꯩꯄꯥꯛꯀꯤ ꯄꯨꯋꯥꯔꯤ ꯑꯁꯤ ꯅꯣꯡꯗꯥ ꯂꯥꯢꯔꯦꯟ ꯄꯥꯈꯪꯕꯒꯤ ꯃꯇꯝꯗꯒꯤ ꯍꯧꯏ ꯍꯥꯢꯅ ꯂꯥꯟꯅ ꯈꯜꯂꯤ ꯫ ꯑꯁꯦꯡꯕꯗꯤ ꯅꯠꯇꯦ ꯫ ꯃꯍꯥꯛꯅ ꯀꯪꯂꯥꯗ ꯄꯥꯟꯕ ꯅꯤꯡꯊꯧꯖꯥ ꯁꯂꯥꯢꯒꯤ ꯑꯍꯥꯟꯕ ꯅꯤꯡꯊꯧꯅꯤ ꯍꯥꯢꯕꯅꯤ ꯫ ꯃꯍꯥꯛ ꯑꯁꯤ ꯳꯳ ꯑꯦ.ꯗꯤ. (꯱ꯟꯕ ꯆꯍꯤꯆꯥ) ꯗ ꯐꯝꯄꯥꯜ ꯀꯥꯗꯨꯅ ꯄꯥꯂꯝꯕ ꯅꯤꯡꯊꯧ ꯑꯃꯅꯤ ꯫

ꯄꯨꯡ ꯄꯨꯊꯣꯛꯂꯛꯄ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

꯲-꯳ ꯁꯨꯕ ꯆꯍꯤꯆꯥ ꯗ ꯄꯥꯟꯕ ꯃꯩꯇꯤꯡꯉꯨ ꯈꯨꯌꯣꯢ ꯇꯣꯝꯄꯣꯛꯒꯤ ꯃꯇꯝꯗ ꯃꯤꯇꯩ ꯄꯨꯡ (ꯊꯤꯟ-ꯌꯩꯅꯕ ꯄꯨꯡ ꯑꯃꯗꯤ ꯃꯇꯝ ꯈꯪꯅꯕ ꯄꯨꯡ) ꯄꯨꯊꯣꯛꯂꯛꯈꯤ ꯫

ꯁꯦꯟꯌꯦꯛ ꯄꯨꯊꯣꯛꯂꯛꯄ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

꯷ ꯁꯨꯕ ꯆꯍꯤꯆꯥ ꯗ ꯂꯩꯔꯝꯕ ꯃꯩꯇꯤꯡꯉꯨ ꯎꯔꯥ ꯀꯣꯟꯊꯧꯕ ꯒꯤ ꯃꯇꯝꯗ ꯃꯩꯇꯩ ꯂꯩꯄꯥꯛꯇ ꯁꯦꯟꯌꯦꯛ ꯄꯨꯊꯣꯛꯂꯛꯇꯨꯅ ꯃꯤꯇꯩ ꯃꯌꯦꯛꯇ ꯏꯕ ꯁꯦꯟꯌꯦꯛ ꯆꯠꯅꯔꯛꯈꯤ꯫

ꯍꯤꯌꯥꯡ ꯍꯤꯔꯦꯟ ꯄꯨꯊꯣꯛꯂꯛꯄ ꯑꯃꯗꯤ ꯍꯤꯌꯥꯡ ꯇꯥꯟꯅꯕ ꯍꯧꯗꯣꯛꯂꯛꯄ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

꯷ꯁꯨꯕ ꯆꯍꯤꯆꯥ ꯗ ꯂꯩꯔꯝꯕ ꯃꯩꯇꯤꯡꯉꯨ ꯎꯔꯥ ꯀꯣꯟꯊꯧꯕ ꯅ ꯏꯝꯐꯥꯜ ꯀꯪꯂꯥꯗ ꯄꯥꯟꯕ ꯃꯇꯝꯗ ꯂꯨꯋꯥꯡ ꯂꯩꯄꯥꯛꯇ ꯂꯨꯋꯥꯡ ꯅꯤꯡꯊꯧ ꯄꯨꯟꯁꯤꯕ ꯅ ꯄꯥꯜꯂꯤ꯫ ꯂꯨꯋꯥꯡ ꯅꯤꯡꯊꯧ ꯀꯤ ꯂꯝꯖꯤꯡ ꯃꯈꯥꯗ ꯍꯤꯌꯥꯡ ꯍꯤꯔꯦꯟ ꯄꯨꯊꯣꯛꯂꯛꯈꯤ ꯑꯃꯗꯤ ꯍꯤꯌꯥꯡ ꯇꯥꯟꯅꯕ ꯍꯧꯗꯣꯛꯂꯛꯈꯤ ꯫[꯱꯷][꯱꯸][꯱꯹]

ꯃꯌꯥꯢꯋꯥꯢꯔꯞ ꯑꯣꯢꯕ ꯃꯇꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯀꯪꯂꯩꯄꯥꯛꯀꯤ ꯃꯤꯇꯩ ꯅꯤꯡꯊꯧꯗ ꯄꯣꯡ ꯅꯤꯡꯊꯧꯅ ꯄꯤꯔꯛꯈꯤꯕ ꯈꯨꯗꯣꯜ

ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝ ꯑꯁꯤ ꯃꯥꯂꯦꯝ ꯄꯨꯝꯕꯒꯤ ꯑꯣꯢꯅ ꯌꯦꯡꯂꯕꯗꯤ ꯱꯰-꯱꯱ ꯁꯨꯕ ꯆꯍꯤꯆꯥ ꯑꯁꯤꯗꯒꯤ ꯍꯧꯅꯩ ꯫ ꯄꯨꯋꯥꯔꯤ ꯅꯩꯅꯕ ꯀꯥꯡꯂꯨꯞ ꯈꯔꯅ ꯀꯪꯂꯩꯄꯥꯛ ꯃꯅꯤꯄꯨꯔꯒꯤꯁꯨ ꯑꯁꯨꯝꯅ ꯍꯧꯍꯟꯁꯤ ꯍꯥꯢꯕ ꯌꯥꯎꯏ ꯫ ꯑꯗꯨꯕꯨ ꯄꯨꯋꯥꯔꯤ ꯅꯩꯅꯕ ꯀꯥꯡꯂꯨꯞ ꯈꯔꯅ ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝ ꯑꯁꯤ ꯃꯩꯇꯤꯡꯉꯨ ꯄꯥꯝꯍꯩꯕꯒꯤ ꯃꯇꯝꯗꯒꯤ ꯍꯧꯍꯟꯁꯤ ꯍꯥꯢꯅꯕꯁꯨ ꯌꯥꯎꯏ ꯫

Vishnu temple, Bishnupur 01.jpg

ꯚꯤꯁ꯭ꯅꯨ ꯂꯥꯢꯁꯪ ꯁꯥꯕ ꯍꯧꯔꯛꯄ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

꯲ꯃꯛꯀꯤ ꯌꯥꯟꯅꯅꯕ ꯀꯪꯂꯩꯄꯥꯛꯍꯤꯟꯗꯨ ꯂꯥꯢꯅꯤꯡꯒꯤ ꯁꯥꯐꯨ ꯄꯤꯕ ꯍꯧꯔꯛꯄ ꯃꯇꯝꯗꯒꯤ ꯍꯧꯍꯟꯁꯤ ꯍꯥꯢꯅ ꯂꯦꯞꯅꯕꯁꯨ ꯌꯥꯎꯏ ꯫ ꯑꯁꯨꯝꯅ ꯌꯦꯡꯂꯕꯗꯤ ꯀꯪꯂꯩꯄꯥꯛꯇ ꯅꯤꯡꯊꯧ ꯁꯦꯟꯕꯤ ꯀꯤꯌꯥꯝꯕꯅ ꯄꯥꯟꯕ ꯃꯇꯝ ꯑꯁꯤꯗ ꯂꯃꯥꯡꯗꯣꯡ ꯗ ꯃꯩꯇꯩ ꯒꯤ ꯀꯣꯅꯨꯡ ꯑꯣꯢꯔꯝꯕ ꯃꯇꯝ ꯑꯁꯤꯗ ꯚꯤꯁ꯭ꯅꯨꯒꯤ ꯂꯥꯢꯁꯪ ꯑꯃ ꯁꯥꯈꯤ ꯫ ꯑꯗꯨꯅ ꯃꯍꯥꯛꯅ ꯄꯥꯟꯕ ꯃꯇꯝ ꯑꯁꯤ ꯗꯒꯤ ꯀꯪꯂꯩꯄꯥꯛ ꯃꯅꯤꯄꯨꯔꯒꯤ ꯃꯌꯥꯢꯋꯥꯢꯔꯞ ꯊꯪꯕ ꯃꯇꯝ ꯑꯁꯤ ꯍꯧꯔꯦ ꯍꯥꯢꯅ ꯂꯦꯞꯅꯕ ꯌꯥꯔꯦ ꯫

Vishnu temple, Bishnupur 02.jpg

ꯃꯩꯇꯤꯡꯉꯨ ꯁꯦꯟꯕꯤ ꯀꯤꯌꯥꯝꯕꯅ ꯄꯥꯟꯕ ꯃꯇꯝꯗꯒꯤ ꯑꯁꯨꯝ ꯅꯤꯡꯊꯣꯂꯣꯜ ꯃꯊꯪ ꯃꯊꯪ ꯄꯥꯜꯂꯛꯄꯅ ꯅꯤꯡꯊꯧ ꯈꯥꯒꯦꯝꯕꯒꯤ ꯃꯇꯝꯗ ꯀꯪꯂꯩꯄꯥꯛ ꯇ ꯑꯆꯧꯕ ꯑꯍꯣꯡꯕ ꯂꯥꯛꯈꯤ ꯫

ꯈꯥꯒꯦꯝꯕ ꯒꯤ ꯃꯇꯝꯗ ꯆꯥꯎꯅ ꯍꯣꯡꯂꯛꯄ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯅꯤꯡꯊꯧ ꯈꯥꯒꯦꯝꯕꯒꯤ ꯃꯇꯝꯗ ꯀꯪꯂꯩꯄꯥꯛ ꯇ ꯱) ꯈꯥꯀꯤ ꯂꯩꯄꯥꯛ ꯇꯒꯤ ꯂꯥꯟꯃꯤ ꯂꯥꯛꯇꯨꯅ ꯂꯥꯜ ꯇꯧꯔꯛꯈꯤ꯫ ꯲) ꯆꯤꯡꯃꯤ ꯀꯥꯡꯂꯨꯞ ꯀꯌꯥ ꯏꯔꯥꯡ ꯍꯧꯔꯛꯈꯤ ꯫ ꯳) ꯃꯤꯇꯩ ꯄꯥꯡꯒꯜ ꯈꯨꯟꯊꯣꯛꯂꯛꯈꯤ ꯫ ꯴) ꯑꯋꯥ ꯂꯩꯄꯥꯛ ꯇꯒꯤ ꯂꯥꯟ ꯇꯧꯔꯛꯈꯤ ꯫ ꯵) ꯂꯥꯢꯅꯤꯡꯊꯧ ꯁꯅꯥꯃꯍꯤꯒꯤ ꯃꯤꯇꯝ ꯁꯥꯈꯤ ꯫

ꯈꯨꯃꯟ ꯂꯩꯄꯥꯛ ꯃꯩꯇꯩ ꯗ ꯇꯤꯟꯕ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯏꯝꯐꯥꯜ ꯀꯪꯂꯥꯗ ꯃꯩꯇꯩ ꯅꯤꯡꯊꯧ ꯄꯥꯢꯈꯣꯝꯕꯅ ꯄꯥꯟꯕ ꯃꯇꯝꯗ ꯈꯨꯃꯟ ꯂꯩꯄꯥꯛ ꯃꯩꯇꯩꯒꯤ ꯃꯈꯥꯗ ꯃꯄꯨꯡ ꯐꯥꯅ ꯄꯣꯟꯈꯤ ꯫

ꯅꯤꯡꯊꯧ ꯅ ꯍꯤꯟꯗꯨ ꯂꯥꯢꯅꯤꯡ ꯂꯧꯁꯤꯟꯕ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯃꯩꯇꯩ ꯅꯤꯡꯊꯧ ꯆꯔꯥꯢꯔꯣꯡꯕ ꯃꯁꯥꯃꯛ ꯍꯤꯟꯗꯨ ꯂꯥꯢꯅꯤꯡ ꯂꯧꯁꯤꯟꯗꯨꯅ ꯍꯤꯟꯗꯨ ꯑꯣꯟꯈꯤ ꯫ ꯑꯗꯨꯕꯨ ꯃꯍꯥꯛꯅ ꯃꯍꯥꯛꯀꯤ ꯃꯤꯆꯝ ꯃꯤꯌꯥꯝꯗ ꯃꯥꯅ ꯄꯥꯝꯖꯕ ꯂꯥꯢꯅꯤꯡ ꯑꯁꯤ ꯆꯠꯅꯕ ꯏꯟꯁꯤꯟꯈꯤꯕꯗꯤ ꯂꯩꯈꯤꯗꯦ ꯫

ꯅꯤꯡꯊꯧ ꯄꯥꯝꯍꯩꯕꯒꯤ ꯃꯇꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯅꯤꯡꯊꯧ ꯄꯥꯝꯍꯩꯕꯅ ꯄꯥꯟꯕ ꯃꯇꯝꯗ ꯀꯪꯂꯩꯄꯥꯛ ꯀꯤ ꯃꯤꯇꯩ ꯀꯥꯡꯂꯨꯞꯀꯤ ꯂꯣꯟ, ꯂꯥꯢꯅꯤꯡ, ꯆꯠꯅꯕꯤ ꯑꯁꯤꯅꯆꯤꯡꯕ ꯃꯥꯢꯑꯣꯟ ꯄꯨꯃꯅꯃꯛꯇ ꯑꯍꯣꯡꯕ ꯂꯥꯛꯈꯤ ꯫ ꯃꯍꯥꯛꯅ ꯀꯪꯂꯩꯄꯥꯛ ꯇ :- ꯱) ꯃꯤꯇꯩ ꯄꯨꯌꯥ ꯃꯩ ꯊꯥꯈꯤ ꯫ ꯲) ꯃꯤꯇꯩ ꯃꯌꯦꯛ ꯃꯨꯊꯠꯇꯨꯅ ꯕꯦꯡꯒꯂꯤ ꯃꯌꯦꯛ (ꯕꯥꯡꯂꯥ-ꯑꯁꯃꯤꯌꯥ ꯃꯌꯦꯛ) ꯆꯠꯅꯍꯟꯈꯤ ꯫ ꯳) ꯃꯤꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯏꯅꯤꯡ) ꯃꯨꯊꯠꯇꯨꯅ ꯍꯤꯟꯗꯨ ꯂꯥꯢꯅꯤꯡ (ꯃꯤꯌꯥꯟꯆꯥ ꯂꯥꯢꯅꯤꯡ) ꯆꯠꯅꯍꯟꯈꯤ ꯫ ꯴) ꯃꯤꯇꯩ ꯂꯣꯟꯕꯦꯡꯒꯂꯤ ꯂꯣꯟꯒꯤ ꯋꯥꯍꯩ ꯇꯈꯠꯇꯅ ꯌꯥꯟꯁꯤꯟꯈꯤ ꯫ ꯵) ꯃꯤꯇꯩꯒꯤ ꯍꯔꯥꯎ ꯀꯨꯝꯃꯩ ꯀꯌꯥ ꯄꯥꯡꯊꯣꯛꯄ ꯊꯤꯡꯖꯤꯟꯗꯨꯅ ꯍꯤꯟꯗꯨꯒꯤ ꯍꯔꯥꯎ ꯀꯨꯝꯃꯩꯅ ꯃꯍꯨꯠ ꯁꯤꯜꯍꯟꯈꯤ ꯫

ꯃꯁꯤꯗ ꯃꯥꯢꯆꯧ ꯷ꯀꯤ ꯂꯨꯆꯤꯡ ꯃꯈꯥꯗ ꯅꯤꯡꯊꯧꯅ ꯇꯧꯔꯤꯕ ꯊꯕꯛꯁꯤꯗ ꯌꯥꯅꯤꯡꯗꯕ ꯐꯣꯡꯗꯣꯛꯂꯛꯄ ꯃꯤ ꯀꯌꯥꯁꯨ ꯂꯩꯈꯤꯗꯕ ꯅꯠꯇꯦ ꯫ ꯑꯗꯨꯕꯨ ꯅꯤꯡꯊꯧ ꯄꯥꯝꯍꯩꯕꯅ ꯏꯔꯥꯡ ꯍꯧꯔꯛꯈꯤꯕ ꯃꯤꯑꯣꯢꯁꯤꯡꯗꯨ ꯈꯔꯅ ꯍꯥꯠꯈꯤ ꯑꯗꯨꯒ ꯈꯔꯅ ꯂꯣꯢ ꯊꯥꯈꯤ ꯫ ꯍꯤꯟꯗꯨ ꯂꯥꯢꯅꯤꯡ ꯆꯠꯂꯕ (ꯆꯥꯎꯈꯠꯂꯕꯅꯤ ꯈꯟꯖꯔꯕ) ꯃꯩꯇꯩ ꯈꯨꯟꯅꯥꯢ ꯗꯒꯤ ꯂꯣꯢꯆꯤꯡ ꯂꯣꯌꯥ ꯂꯝꯗ ꯂꯣꯢ ꯊꯥꯈ꯭ꯔꯕ ꯃꯤꯇꯩꯕꯨ ꯊꯥꯛ ꯍꯟꯊꯔꯕꯅꯤ ꯑꯗꯨꯅ ꯃꯥꯡꯂꯕꯅꯤ ꯍꯥꯢꯅ ꯏꯟꯊꯣꯛꯈꯤ ꯫

ꯆꯤꯡꯊꯪ ꯈꯣꯝꯕꯒꯤ ꯃꯇꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

Ching-Thang Khomba 2000 stamp of India.jpg

ꯑꯋꯥ ꯂꯩꯄꯥꯛꯅ ꯀꯪꯂꯩꯄꯥꯛ ꯱ꯟꯕꯒꯤ ꯂꯧꯁꯤꯟꯕ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯀꯪꯂꯩꯄꯥꯛꯀꯤ ꯄꯨꯋꯥꯔꯤꯗ ꯑꯋꯥ ꯂꯩꯄꯥꯛ ꯅ ꯂꯝꯗꯝ ꯑꯁꯤꯕꯨ ꯲ꯔꯛ ꯂꯧꯁꯤꯜꯂꯤ ꯫ ꯑꯍꯥꯟꯕꯒꯤ ꯂꯧꯁꯤꯟꯕ ꯑꯁꯤ ꯃꯩꯇꯤꯡꯉꯨ ꯆꯤꯡꯊꯪ ꯈꯣꯝꯕꯒꯤ ꯃꯇꯝꯗ ꯊꯣꯛꯈꯤ ꯫ ꯃꯁꯤꯗ ꯆꯤꯡꯊꯪ ꯈꯣꯝꯕꯀꯁꯥꯔ ꯂꯩꯄꯥꯛ ꯇ ꯂꯥꯟꯆꯦꯟꯗꯨꯅ ꯀꯁꯥꯔ ꯂꯩꯄꯥꯛ ꯑꯃꯗꯤ ꯑꯍꯣꯝ ꯂꯩꯄꯥꯛ (ꯇꯦꯈꯥꯎ ꯂꯩꯄꯥꯛ) ꯀꯤ ꯃꯇꯦꯡ ꯂꯧꯗꯨꯅ ꯀꯪꯂꯩꯄꯥꯛꯄꯨ ꯑꯃꯨꯛ ꯍꯟꯅ ꯃꯅꯤꯡ ꯃꯈꯥ ꯇꯝꯍꯟꯈꯤ ꯫ ꯃꯁꯤꯗ ꯇꯦꯈꯥꯎ ꯁꯤꯡꯒꯤ ꯃꯇꯦꯡ ꯐꯪꯅꯅꯕ ꯇꯦꯈꯥꯎ ꯅꯤꯡꯊꯧ ꯁꯨꯔꯦꯝꯐꯥꯗ ꯃꯤꯇꯩꯒꯤ ꯃꯆꯥꯏꯕꯦꯝꯃ ꯀꯨꯔꯪꯒꯅꯌꯅꯤ (ꯁꯤꯖ ꯐꯣꯡꯗꯥꯂꯣꯛꯄꯤ) ꯕꯨ ꯊꯥꯖꯗꯨꯅ ꯂꯥꯟꯃꯤꯒꯤ ꯃꯇꯦꯡ ꯂꯧꯈꯤ ꯫

ꯚꯩꯁ꯭ꯅꯕ ꯂꯥꯢꯅꯤꯡ ꯆꯥꯎꯈꯠꯂꯛꯄ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯀꯪꯂꯩꯄꯥꯛꯇ ꯑꯃꯨꯛ ꯍꯜꯂꯛꯂꯕ ꯃꯇꯨꯡꯗ ꯀꯥꯢꯅ ꯆꯤꯡꯗꯒꯤ ꯊꯩꯕꯣꯡ ꯎ ꯌꯥꯜꯂꯒ ꯒꯣꯕꯤꯟꯗꯒꯤ ꯃꯤꯇꯝ ꯁꯥꯗꯨꯅ ꯂꯥꯠꯈꯤ ꯫ ꯃꯍꯥꯛꯅ ꯅꯨꯃꯤꯠ ꯵ ꯊꯪꯅ ꯊꯪꯅꯅ ꯔꯥꯁ ꯃꯟꯗꯜ ꯏꯀꯣꯟꯗ ꯖꯒꯣꯢ ꯔꯥꯁ ꯀꯨꯝꯃꯩ ꯁꯥꯅꯍꯟꯈꯤ ꯫ ꯃꯍꯥꯛꯅ ꯀꯪꯂꯩꯄꯥꯛꯇ ꯍꯤꯟꯗꯨ ꯂꯥꯢꯅꯤꯡꯒꯤ ꯃꯅꯨꯡꯗ ꯚꯩꯁ꯭ꯅꯚ ꯂꯥꯢꯅꯤꯡꯗ ꯑꯈꯟꯅꯅ ꯃꯥꯢ ꯑꯣꯟꯁꯤꯟꯗꯨꯅ ꯆꯥꯎꯈꯠꯅꯕ ꯍꯣꯠꯅꯈꯤ ꯫ ꯃꯍꯥꯛꯅ ꯌꯥꯎꯁꯪ ꯀꯨꯝꯃꯩ ꯑꯁꯤ ꯍꯤꯟꯗꯨꯒꯤ ꯍꯣꯂꯤꯒꯤ ꯃꯑꯣꯡꯗ ꯑꯣꯟꯊꯣꯛꯈꯤ ꯫ ꯃꯍꯥꯛꯅ ꯁꯒꯣꯜꯕꯟꯗꯒꯤ ꯕꯤꯖꯣꯢ ꯒꯣꯕꯤꯟꯗꯒꯤ ꯊꯥꯡꯒꯄꯥꯠꯍꯩꯀ꯭ꯔꯨ ꯍꯤꯗꯣꯡꯕ ꯀꯨꯝꯃꯩ ꯄꯥꯡꯊꯣꯛꯄ ꯍꯧꯍꯟꯈꯤ ꯫

ꯑꯊꯦꯡꯕ ꯃꯇꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯑꯋꯥ ꯂꯩꯄꯥꯛꯅ ꯀꯪꯂꯩꯄꯥꯛ ꯲ꯁꯨꯕꯒꯤ ꯂꯧꯁꯤꯟꯕ (ꯆꯍꯤ ꯷ ꯈꯨꯟꯇꯥꯛꯄ)[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯀꯪꯂꯩꯄꯥꯛꯀꯤ ꯑꯊꯦꯡꯕ ꯃꯇꯝ ꯅꯠꯇ꯭ꯔꯒ ꯑꯅꯧꯕ ꯃꯇꯝ ꯑꯁꯤ ꯆꯍꯤ ꯇꯔꯦꯠ ꯈꯨꯟꯇꯥꯛꯄꯗꯒꯤ ꯍꯧꯏ ꯫ ꯃꯁꯤ ꯑꯋꯥ ꯂꯩꯄꯥꯛꯅ ꯲ꯔꯛ ꯁꯨꯕ ꯀꯪꯂꯩꯄꯥꯛ ꯄꯨ ꯂꯧꯁꯤꯟꯕꯗꯨꯅꯤ ꯫ ꯃꯁꯤꯗ ꯅꯤꯡꯊꯧ ꯃꯥꯔꯖꯤꯠꯅ ꯀꯁꯥꯔ ꯂꯩꯄꯥꯛꯇ ꯆꯠꯇꯨꯅ ꯂꯥꯟꯃꯤ ꯁꯦꯝꯒꯠꯂꯛꯇꯨꯅ ꯂꯥꯟ ꯑꯃꯨꯛ ꯀꯪꯂꯩꯄꯥꯛꯇ ꯇꯧꯗꯨꯅ ꯀꯪꯂꯩꯄꯥꯛ ꯄꯨ ꯃꯅꯤꯡ ꯇꯝꯍꯟꯈꯤ ꯫ ꯃꯁꯤꯗ ꯕ꯭ꯔꯤꯇꯤꯁ ꯂꯩꯉꯥꯛꯀꯤ ꯃꯇꯦꯡ ꯌꯥꯝꯅ ꯂꯧꯈꯤ ꯫ ꯑꯗꯨꯅ ꯕ꯭ꯔꯤꯇꯤꯁꯅ ꯀꯪꯂꯩꯄꯥꯛ ꯃꯅꯤꯄꯨꯔꯒꯤ ꯂꯩꯉꯥꯛꯀꯤ ꯊꯧꯗꯥꯗ ꯈꯨꯠ ꯌꯥꯝꯅ ꯊꯤꯖꯤꯟꯕꯒꯤ ꯈꯨꯗꯣꯡ ꯆꯥꯕ ꯐꯪꯈꯤ ꯫

ꯕ꯭ꯔꯤꯇꯤꯁꯅ ꯀꯪꯂꯩꯄꯥꯛ ꯃꯅꯤꯄꯨꯔ ꯂꯧꯁꯤꯟꯕ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

Action by Lt CJW Grant, VC, 1891.jpg
Kangla3.jpg

ꯑꯁꯨꯝ ꯂꯥꯛꯄꯅ ꯀꯣꯟꯅꯗꯤ ꯅꯤꯡꯊꯧ ꯃꯆꯥ ꯃꯁꯦꯜ ꯂꯤꯡꯖꯦꯜ ꯃꯥꯟꯅꯔꯛꯇꯕꯗꯒꯤ ꯕ꯭ꯔꯤꯇꯤꯁꯅ ꯀꯪꯂꯩꯄꯥꯛ ꯃꯅꯤꯄꯨꯔ ꯌꯥꯝ ꯂꯥꯢꯅ ꯈꯨꯗꯨꯝ ꯆꯟꯈꯤ ꯫

ꯏꯟꯗꯤꯌꯥꯗ ꯇꯤꯟꯕ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

ꯕ꯭ꯔꯤꯇꯤꯁꯅ ꯀꯪꯂꯩꯄꯥꯛ ꯃꯅꯤꯄꯨꯔꯕꯨ ꯅꯤꯡꯈꯥ ꯇꯝꯍꯜꯂꯕ ꯃꯇꯨꯡꯗ ꯏꯀꯨꯏ ꯀꯨꯏꯗꯅ ꯃꯅꯤꯄꯨꯔ ꯏꯟꯗꯤꯌꯥꯗ ꯇꯤꯟꯈꯤ ꯫

ꯃꯇꯦꯡ ꯂꯧꯔꯛꯐꯝ[ꯁꯦꯝꯒꯠꯂꯨ | ꯁꯦꯝꯒꯠꯂꯛꯄꯒꯤ ꯍꯧꯔꯛꯐꯝ]

  1. http://www.e-pao.net/epSubPageExtractor.asp?src=manipur.History_of_Manipur.Discovery_of_Kangleipak.Concepts_of_some_important_words_used_in_Puya_Wakoklon_Heelel_Thilel_Salai_Ama-ilon_Pukok
  2. http://e-pao.net/epSubPageExtractor.asp?src=manipur.History_of_Manipur.Discovery_of_Kangleipak.The_Puya_Wakoklon_Heelel_Thilel_Salai_Ama-ilon_Pukok_And_Modern_Science
  3. http://e-pao.net/epSubPageExtractor.asp?src=manipur.History_of_Manipur.Discovery_of_Kangleipak.The_Puya_Wakoklon_Heelel_Thilel_Salai_Ama-ilon_Pukok_And_Modern_Science_Part_2
  4. http://e-pao.net/epSubPageExtractor.asp?src=manipur.Arts_and_Culture.Extra-terrestrial_Connection_of_the_Meeteis_Part_2
  5. http://e-pao.net/epSubPageExtractor.asp?src=manipur.Arts_and_Culture.Extra-terrestrial_Connection_of_the_Meeteis_Part_3
  6. https://books.google.co.in/books?id=GmZuAAAAMAAJ&dq=Taangja+Leela+Paakhangba&focus=searchwithinvolume&q=Taangja+Leela+Paakhangba+kaangba
  7. https://themanipurpage.tripod.com/history/meiteikings.html#The%20Chronicle%20of%20the%20Meitei%20Kings%20of%20Manipur:
  8. https://books.google.co.in/books?id=S_4dAAAAMAAJ&q=tangja+leela+pakhangba&dq=tangja+leela+pakhangba&hl=en&sa=X&ved=2ahUKEwjsnou96Z7xAhWE5nMBHeShAnIQ6AEwA3oECAkQAw
  9. https://books.google.co.in/books?id=gxqeDwAAQBAJ&pg=PA16&dq=tangja+leela+pakhangba&hl=en&sa=X&ved=2ahUKEwjsnou96Z7xAhWE5nMBHeShAnIQ6AEwAHoECAYQAw#v=onepage&q=tangja%20leela%20pakhangba&f=false
  10. https://books.google.co.in/books?id=wPjqAAAAMAAJ&q=nongda+lairen+pakhangba&dq=nongda+lairen+pakhangba&hl=en&sa=X&ved=2ahUKEwjhou2L1uTuAhVMyYsBHYzUBI44ChDoATAHegQIARAC
  11. https://books.google.co.in/books?id=qo0MAQAAMAAJ&q=nongda+lairen+pakhangba&dq=nongda+lairen+pakhangba&hl=en&sa=X&ved=2ahUKEwiHzubH1eTuAhVQfX0KHdBQB2oQ6AEwA3oECAIQAg
  12. https://books.google.co.in/books?id=wQlDAAAAYAAJ&q=nongda+lairen+pakhangba&dq=nongda+lairen+pakhangba&hl=en&sa=X&ved=2ahUKEwjhou2L1uTuAhVMyYsBHYzUBI44ChDoATAJegQICRAC
  13. https://books.google.co.in/books?id=Ws4BAAAAMAAJ&q=nongda+lairen+pakhangba&dq=nongda+lairen+pakhangba&hl=en&sa=X&ved=2ahUKEwjhou2L1uTuAhVMyYsBHYzUBI44ChDoATACegQIBhAC
  14. https://books.google.co.in/books?id=NkMwAQAAIAAJ&q=nongda+lairen+pakhangba&dq=nongda+lairen+pakhangba&hl=en&sa=X&ved=2ahUKEwiHzubH1eTuAhVQfX0KHdBQB2oQ6AEwB3oECAgQAg
  15. https://books.google.co.in/books?id=wPjqAAAAMAAJ&q=nongda+lairen+pakhangba&dq=nongda+lairen+pakhangba&hl=en&sa=X&ved=2ahUKEwjhou2L1uTuAhVMyYsBHYzUBI44ChDoATAHegQIARAC
  16. https://books.google.co.in/books?id=qo0MAQAAMAAJ&q=nongda+lairen+pakhangba&dq=nongda+lairen+pakhangba&hl=en&sa=X&ved=2ahUKEwiHzubH1eTuAhVQfX0KHdBQB2oQ6AEwA3oECAIQAg
  17. https://books.google.co.in/books?id=e3X9zkP5jKUC&pg=PA57&dq=luwang+punshiba&hl=en&sa=X&ved=2ahUKEwjDiLyP_JzxAhXjxzgGHd4FDx4Q6AEwB3oECAsQAw#v=onepage&q=luwang%20punshiba%20hijin%20hirao%20hirol%20hiyang%20hiren&f=false
  18. https://books.google.co.in/books?id=mjRuAAAAMAAJ&dq=luwang+punshiba&focus=searchwithinvolume&q=luwang+punshiba+originator+boat+race
  19. https://books.google.co.in/books?id=q5eBAAAAMAAJ&dq=luwang+punshiba&focus=searchwithinvolume&q=luwang+punshiba+hijan+hirao