ꯏꯃꯣꯏꯅꯨ
| ꯏꯃꯣꯢꯅꯨ | |
|---|---|
ꯂꯟꯂꯩꯃ, ꯆꯥꯛꯈꯨꯝꯒꯤ ꯃꯕꯦꯝꯃ, ꯌꯨꯝꯂꯩꯃ, ꯏꯪꯕ ꯆꯤꯛꯄꯒꯤ ꯑꯃꯗꯤ ꯐꯨꯡꯒꯥ ꯂꯥꯢꯔꯨꯒꯤ ꯂꯥꯢꯔꯦꯝꯕꯤ | |
| ꯂꯥꯢꯔꯦꯝꯕꯤꯁꯤꯡꯒꯤ ꯃꯅꯨꯡ ꯆꯟꯕꯅꯤ ꯫ | |
 ꯏꯃꯣꯢꯅꯨ ꯁꯦꯟꯐꯨ | |
| ꯑꯇꯩ ꯃꯃꯤꯡ | ꯏꯃꯣꯢꯅꯨ ꯑꯍꯣꯡꯕꯤ, ꯏꯃꯣꯏꯅꯨ ꯑꯍꯣꯡ ꯑꯆꯥꯎꯕꯤ |
| Meitei | ꯏꯃꯣꯢꯅꯨ, ꯏꯃꯣꯏꯅꯨ |
| Venerated in | ꯁꯅꯥꯃꯍꯤ ꯀꯥꯆꯤꯟ, ꯆꯥꯛꯈꯨꯝ (ꯆꯥꯛꯁꯪ), ꯐꯨꯡꯒꯥ ꯂꯥꯢꯔꯨ |
| Affiliation | ꯃꯤꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ (ꯃꯩꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ) ꯑꯃꯗꯤ ꯃꯩꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯏꯅꯤꯡ) |
| ꯌꯨꯝ | ꯁꯅꯥꯃꯍꯤ ꯀꯥꯆꯤꯟ, ꯆꯥꯛꯈꯨꯝ (ꯆꯥꯛꯁꯪ), ꯐꯨꯡꯒꯥ ꯂꯥꯢꯔꯨ |
| Artefacts | ꯁꯦꯟꯐꯨ |
| ꯈꯨꯗꯝꯁꯤꯡ | ꯁꯦꯟꯐꯨ, ꯆꯦꯡꯐꯨ ꯑꯃꯗꯤ ꯌꯣꯠꯁꯕꯤ |
| ꯑꯏꯕ ꯂꯥꯇꯝ(ꯁꯤꯡ) | ꯄꯨꯌꯥꯁꯤꯡ |
| ꯅꯨꯄꯥ/ꯅꯨꯄꯤ | ꯅꯨꯄꯤ |
| ꯃꯐꯝ | ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ) |
| ꯐꯨꯂꯨꯞ ꯀꯥꯡꯂꯨꯞ | ꯃꯤꯇꯩ ꯀꯥꯡꯂꯨꯞ |
| ꯀꯨꯝꯍꯩꯁꯤꯡ | ꯏꯃꯣꯢꯅꯨ ꯏꯂꯥꯠꯄ (ꯏꯃꯣꯢꯅꯨ ꯏꯔꯥꯠꯄ) |
| Equivalents | |
| ꯒ꯭ꯔꯤꯛ ꯂꯦꯡꯃꯥꯟꯅꯕ | ꯍꯦꯁ꯭ꯇꯤꯌꯥ |
| ꯔꯣꯃꯥꯟ ꯂꯦꯡꯃꯥꯟꯅꯕ | ꯚꯦꯁꯇꯥ |
| ꯍꯤꯟꯗꯨ ꯂꯦꯡꯃꯥꯟꯅꯕ | ꯂꯛꯁꯃꯤ |
| ꯀꯪꯂꯩ ꯈꯣꯌꯨꯝ ꯂꯥꯢꯌꯥꯝꯁꯤꯡ ꯄꯔꯤꯡ |
|---|
 |
| ꯀꯣꯔꯧ ꯅꯣꯡꯃꯥꯢ ꯑꯃꯗꯤ ꯃꯥꯂꯦꯝ ꯂꯩꯃꯥꯢꯒꯤ ꯈꯣꯌꯨꯝ ꯂꯥꯢꯌꯥꯝꯁꯤꯡ |
|
| ꯈꯝꯅꯨꯡ ꯂꯩꯅꯨꯡꯒꯤ ꯈꯣꯌꯨꯝ ꯂꯥꯢꯌꯥꯝꯁꯤꯡ |
ꯏꯃꯣꯢꯅꯨ (ꯏꯃꯣꯏꯅꯨ) ꯑꯁꯤ ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ)ꯀꯤ ꯃꯤꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ (ꯃꯩꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ) ꯑꯃꯗꯤ ꯃꯩꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯏꯅꯤꯡ) ꯀꯤ ꯂꯥꯢꯔꯦꯝꯕꯤ ꯑꯃꯅꯤ ꯫ ꯃꯍꯥꯛ ꯑꯁꯤ ꯂꯟꯂꯩꯃ, ꯆꯥꯛꯈꯨꯝꯒꯤ ꯃꯕꯦꯝꯃ, ꯌꯨꯝꯂꯩꯃ, ꯏꯪꯕ ꯆꯤꯛꯄꯒꯤ ꯑꯃꯗꯤ ꯐꯨꯡꯒꯥ ꯂꯥꯢꯔꯨꯒꯤ ꯂꯥꯢꯔꯦꯝꯕꯤꯅꯤ ꯫[꯱][꯲][꯳] ꯃꯍꯥꯛ ꯑꯁꯤ ꯑꯌꯥꯝꯕ ꯃꯇꯝꯗ ꯂꯥꯢꯔꯦꯝꯕꯤ ꯂꯩꯃꯔꯦꯜ ꯁꯤꯗꯕꯤꯒ ꯂꯣꯢꯅꯗꯨꯅ ꯂꯩ ꯫[꯴][꯵]
ꯏꯃꯣꯢꯅꯨ, ꯄꯥꯟꯊꯣꯢꯕꯤ ꯑꯃꯗꯤ ꯐꯧꯑꯣꯢꯄꯤ ꯂꯥꯢꯔꯦꯝꯕꯤꯁꯤꯡꯒꯤ ꯇꯤꯛ ꯌꯥꯢ ꯑꯁꯤꯅ ꯃꯤꯇꯩ ꯅꯨꯄꯤꯁꯤꯡꯒꯤ ꯊꯧꯅꯥ ꯐꯕꯤ, ꯏꯆꯪ ꯊꯧꯕꯤ, ꯅꯤꯡꯈꯥ ꯇꯝꯕꯤ, ꯑꯆꯨꯝꯕꯒꯤꯗꯃꯛ ꯂꯦꯞꯄꯤ ꯑꯃꯗꯤ ꯏꯀꯥꯢ ꯈꯨꯝꯅꯕꯕꯨ ꯁꯛꯇꯥꯛꯂꯤ ꯑꯃꯗꯤ ꯏꯅꯣꯠ ꯄꯤꯔꯤ ꯫[꯶]
ꯋꯥꯄꯣꯛꯂꯣꯟ
"ꯏꯃꯣꯢꯅꯨ ꯑꯍꯣꯡꯕꯤ" ꯍꯥꯢꯕꯒꯤ ꯋꯥꯍꯟꯊꯣꯛꯇꯤ ꯋꯥꯍꯩꯁꯤꯡ ꯑꯁꯤ ꯃꯆꯦꯠ ꯃꯆꯦꯠ ꯊꯨꯒꯥꯢꯔꯒ ꯊꯣꯛꯏ ꯫ "E" ("ꯏ") ꯍꯥꯢꯕꯁꯤꯅ ꯅꯃꯨ ꯇꯥꯢꯕꯪ ꯃꯤ ꯈꯪꯍꯜꯂꯤ ꯫ "Moi" ("ꯃꯣꯢ" ꯅꯠꯇ꯭ꯔꯒ "ꯃꯣꯏ") ꯑꯁꯤꯅ ꯁꯦꯟꯅꯕꯤꯕꯕꯨ ꯈꯪꯍꯜꯂꯤ ꯫ "Nu" ("ꯅꯨ") ꯍꯥꯢꯕꯁꯤꯅ ꯅꯨꯄꯤ, ꯂꯥꯢ ꯅꯨꯄꯤꯕꯨ ꯈꯪꯍꯜꯂꯤ ꯫ ꯑꯗꯨꯅ "ꯏꯃꯣꯢꯅꯨ" ꯍꯥꯢꯕꯁꯤꯅ ꯅꯃꯨ ꯇꯥꯢꯕꯪ ꯃꯤꯕꯨ ꯁꯦꯟꯅꯕꯤꯕꯤ ꯂꯥꯢ ꯅꯨꯄꯤꯕꯨ ꯈꯪꯍꯜꯂꯤ ꯫ "ꯑꯍꯣꯡꯕꯤ" ꯍꯥꯢꯕꯁꯤꯅ ꯄꯣꯠꯂꯝ ꯈꯨꯗꯤꯡ ꯌꯥꯝꯍꯟꯕꯤ ꯍꯣꯡꯍꯟꯕꯤꯅꯤ ꯍꯥꯢꯕꯁꯤ ꯈꯪꯍꯜꯂꯤ ꯫[꯷]
ꯁꯩꯊꯥꯕ
_%E2%80%94_Mother_Goddess_of_domestic_hearth,_family,_fireplace,_home,_household,_kitchen,_wealth_%E2%80%94_Classical_Meitei_mythology_%26_traditional_Meitei_religion_(Sanamahism_alias_Lainingthouism)_of_early_Kangleipak_civilisation.jpg)
ꯏꯃꯣꯢꯅꯨ ꯂꯥꯢꯔꯦꯝꯕꯤ ꯑꯁꯤ ꯂꯩꯃꯔꯦꯜ ꯁꯤꯗꯕꯤꯒꯤ ꯑꯇꯣꯞꯄ ꯁꯛꯂꯣꯟꯅꯤ ꯍꯥꯢꯅ ꯁꯩꯊꯥꯅꯩ ꯫ ꯏꯃꯣꯢꯅꯨ ꯑꯁꯤ ꯃꯇꯝ ꯆꯨꯞꯄꯗ ꯂꯟꯆꯦꯟꯕꯤꯅꯤ ꯫ ꯃꯍꯥꯛꯅ ꯃꯇꯝ ꯆꯨꯞꯄꯗ ꯃꯤꯑꯣꯢꯕꯁꯤꯡꯗ ꯂꯟꯀꯨꯕꯤ ꯫ ꯃꯍꯥꯛ ꯑꯁꯤ ꯃꯤꯑꯣꯢꯕꯁꯤꯡꯗꯧꯅ ꯁꯛꯂꯣꯟ ꯄꯨꯏ ꯫ ꯃꯍꯥꯛ ꯐꯨꯡꯒꯥ ꯂꯥꯢꯔꯨ ꯃꯅꯥꯛꯇ ꯂꯩ ꯫ ꯃꯍꯥꯛꯅ ꯃꯤꯑꯣꯢꯕꯁꯤꯡꯒꯤ ꯂꯝꯆꯠ ꯁꯥꯆꯠ ꯁꯦꯟꯅꯩ ꯫[꯸]
ꯂꯟ ꯊꯨꯝ ꯈꯛꯇ ꯅꯠꯇꯅ ꯏꯃꯣꯢꯅꯨ ꯂꯥꯢꯔꯦꯝꯕꯤꯅ ꯃꯤꯑꯣꯢꯕ ꯈꯨꯟꯅꯥꯢꯒꯤ ꯊꯧꯁꯤꯜ ꯊꯧꯗꯥ ꯄꯥꯡꯄꯗ ꯌꯦꯡꯁꯤꯟꯕꯤ ꯫ ꯃꯤꯇꯩ ꯅꯨꯄꯤ ꯑꯃꯅ ꯌꯨꯝꯗꯒꯤ ꯆꯠꯊꯣꯛꯂꯝꯗꯥꯢ ꯃꯇꯝꯗ ꯂꯥꯢꯔꯦꯝꯕꯤ ꯑꯁꯤ ꯈꯨꯔꯨꯝꯅꯩ ꯫ ꯃꯍꯥꯛꯅ ꯌꯨꯝꯗ ꯍꯟꯁꯤꯜꯂꯛꯄ ꯃꯇꯝꯗꯁꯨ ꯂꯥꯢꯔꯦꯝꯕꯤ ꯑꯁꯤ ꯈꯨꯔꯨꯝꯅꯩ ꯫[꯹]
ꯃꯤꯇꯩꯁꯤꯡꯅ ꯏꯃꯣꯢꯅꯨ ꯂꯥꯢꯔꯦꯝꯕꯤꯅ ꯂꯝꯆꯠ ꯁꯥꯆꯠ ꯐꯖꯕ ꯃꯤꯒꯤ ꯃꯌꯨꯝꯗ ꯈꯛꯇ ꯂꯩ ꯍꯥꯢꯅ ꯂꯧꯅꯩ ꯫ ꯏꯃꯣꯢꯅꯨ ꯂꯥꯢꯔꯦꯝꯕꯤꯅ ꯅꯨꯡꯉꯥꯢ ꯌꯥꯢꯐꯕ, ꯋꯥꯠꯇ ꯄꯥꯗꯕ, ꯇꯦꯛꯇ ꯀꯥꯢꯗꯕ ꯑꯃꯗꯤ ꯄꯨꯟꯁꯤ ꯅꯨꯡꯁꯥꯡꯕ ꯄꯤꯕꯤ ꯫ ꯃꯍꯥꯛꯅ ꯄꯤꯕꯤꯔꯤ ꯃꯌꯥꯝ ꯑꯁꯤ ꯇꯥꯢꯕꯪ ꯃꯤꯅ ꯄꯨꯟꯁꯤꯗ ꯃꯔꯨ ꯑꯣꯢꯕꯁꯤꯡ ꯑꯗꯨꯅꯤ ꯫[꯱꯰]
ꯋꯥꯔꯤ
ꯍꯧꯔꯛꯂꯣꯟ
ꯅꯣꯡꯊꯧ ꯁꯦꯝ ꯁꯥꯕ ꯂꯣꯢꯔꯕ ꯃꯇꯝꯗ , ꯁꯤꯇꯄ ꯃꯄꯨꯅ ꯃꯍꯥꯛꯀꯤ ꯂꯣꯢꯅꯕꯤ ꯂꯩꯃꯔꯦꯜ ꯁꯤꯗꯕꯤꯗ (ꯇꯥꯢꯄꯪꯄꯥꯜꯀꯤ ꯏꯍꯥꯟ ꯍꯥꯟꯕ ꯅꯨꯄꯤ)ꯗ ꯑꯇꯣꯞꯄ ꯂꯩꯃꯔꯦꯜ ꯑꯃ ꯁꯦꯝꯅꯅꯕ ꯌꯥꯊꯪ ꯄꯤ ꯫ ꯑꯅꯤꯁꯨꯕ ꯂꯩꯃꯔꯦꯜ ꯑꯁꯤ ꯑꯅꯤꯁꯨꯕ ꯇꯥꯢꯄꯪꯄꯥꯜꯀꯤ ꯑꯅꯤꯁꯨꯕ ꯅꯨꯄꯤ ꯑꯣꯢꯗꯣꯢꯅꯤ ꯫ ꯃꯍꯥꯛꯅ ꯃꯥꯂꯦꯝꯗ ꯃꯤꯑꯣꯢꯕꯁꯤꯡꯕꯨ ꯁꯦꯟꯅꯕꯤꯕꯒꯤ ꯊꯧ ꯇꯧꯅꯤ ꯫ ꯂꯩꯃꯔꯦꯜ ꯁꯤꯗꯕꯤꯅ ꯃꯄꯨꯔꯣꯢꯕꯒꯤ ꯌꯥꯊꯪ ꯏꯟꯅ ꯑꯅꯤꯁꯨꯕ ꯂꯩꯃꯔꯦꯜ ꯁꯦꯝꯈꯤ ꯫ ꯑꯍꯥꯟꯕ ꯑꯃꯗꯤ ꯑꯅꯤꯁꯨꯕ ꯂꯩꯃꯔꯦꯜ ꯑꯅꯤꯃꯛ ꯃꯁꯛ ꯆꯞ ꯃꯥꯟꯅꯩ ꯫ ꯑꯅꯤꯁꯨꯕ ꯂꯩꯃꯔꯦꯜ ꯑꯁꯤ "ꯏꯃꯣꯢꯅꯨ" ꯍꯥꯢꯅ ꯃꯤꯡꯊꯣꯟꯈꯤ ꯫[꯱꯱]
ꯅꯨꯡꯁꯤ ꯋꯥꯔꯤ
ꯃꯇꯝ ꯑꯃꯗ ꯏꯃꯣꯢꯅꯨ ꯂꯥꯢꯔꯦꯝꯕꯤꯅ ꯅꯨꯄꯥ ꯑꯃꯈꯛ ꯅꯨꯡꯁꯤꯖꯈꯤ ꯫ ꯃꯈꯣꯢ ꯑꯅꯤ ꯌꯥꯝꯅ ꯅꯨꯡꯁꯤꯅꯔꯛꯈꯤ ꯫ ꯃꯈꯣꯢ ꯑꯅꯤꯅ ꯁꯥꯕꯤ ꯁꯥꯅꯧ ꯃꯇꯩ ꯃꯅꯥꯎ ꯑꯣꯢꯃꯤꯟꯅꯁꯤ ꯋꯥꯁꯛꯅꯈꯤ ꯫ ꯅꯣꯡꯃ ꯅꯨꯄꯥ ꯑꯗꯨꯅ ꯂꯩꯇꯕ ꯃꯇꯝꯗ ꯏꯃꯣꯢꯅꯨ ꯂꯥꯢꯔꯦꯝꯕꯤꯅ ꯅꯨꯄꯥ ꯑꯗꯨꯒꯤ ꯃꯌꯨꯝꯗ ꯆꯠꯂꯨꯏ ꯫ ꯃꯇꯝꯗꯨꯗ ꯅꯨꯄꯥ ꯑꯗꯨ ꯍꯥꯟꯅꯗꯒꯤ ꯂꯨꯍꯣꯡ ꯂꯩꯔꯝꯃꯦ ꯍꯥꯢꯕ ꯏꯃꯣꯢꯅꯨ ꯂꯥꯢꯔꯦꯝꯕꯤꯅ ꯈꯪꯂꯛꯈꯤ ꯫ ꯃꯁꯤꯗꯒꯤ ꯏꯃꯣꯢꯅꯨ ꯂꯥꯢꯔꯦꯝꯕꯤꯅ ꯃꯍꯥꯛꯀꯤ ꯅꯨꯡꯁꯤꯕꯕꯨ ꯊꯥꯗꯣꯛꯈꯤ ꯫ ꯃꯇꯝꯗꯨꯗꯒꯤ ꯏꯃꯣꯢꯅꯨ ꯌꯨꯝ ꯄꯥꯜꯂꯔꯣꯢ ꯂꯦꯞꯈꯤ ꯫[꯱꯲]
_%E2%80%94_Motherly_Goddess_of_domestic_hearth,_family,_fireplace,_home,_household,_kitchen,_wealth_%E2%80%94_Classical_Meitei_mythology_%26_traditional_Meitei_religion_(Sanamahism_alias_Lainingthouism)_of_early_Kangleipak_realm.jpg)
ꯏꯔꯥꯠ ꯊꯧꯅꯤ
ꯑꯔꯤꯕ ꯏꯔꯥꯠ ꯊꯧꯅꯤ
ꯏꯃꯣꯢꯅꯨ ꯂꯥꯢꯔꯦꯝꯕꯤ ꯑꯁꯤ ꯐꯨꯡꯒꯥ ꯂꯥꯢꯔꯨꯒꯤ ꯂꯥꯢꯔꯦꯝꯕꯤꯅꯤ ꯫ ꯃꯍꯥꯛ ꯑꯁꯤ ꯋꯥꯛꯆꯤꯡꯒꯤ ꯱꯲ꯅꯤ ꯄꯥꯟꯕ ꯅꯨꯃꯤꯠꯇ ꯑꯈꯟꯅꯅ ꯏꯔꯥꯠꯅꯩ ꯫ ꯆꯍꯤ ꯈꯨꯗꯤꯡꯒꯤ ꯄꯥꯡꯊꯣꯛꯄ ꯊꯧꯔꯝ ꯑꯁꯤꯗ ꯅꯠꯇꯅ ꯂꯥꯢꯔꯦꯝꯕꯤ ꯑꯁꯤ ꯅꯨꯃꯤꯠ ꯈꯨꯗꯤꯡꯒꯤ ꯏꯔꯥꯠ ꯊꯧꯅꯤꯖꯅꯩ ꯫ ꯅꯨꯃꯤꯠ ꯈꯨꯗꯤꯡꯒꯤ ꯈꯨꯔꯨꯝꯕ ꯑꯁꯤ ꯃꯤꯇꯩꯒꯤ ꯂꯥꯢ ꯇꯤꯟꯒꯤ ꯊꯧꯔꯝꯁꯤꯡꯒꯤ ꯁꯔꯨꯛ ꯑꯃꯅꯤ ꯫ ꯆꯥꯛ ꯆꯥꯅꯗ꯭ꯔꯤꯉꯩ ꯑꯊꯣꯡꯕ ꯆꯥꯛ ꯈꯖꯤꯛꯇꯪꯗ ꯑꯣꯢꯔꯕꯁꯨ ꯀꯠꯆꯕ ꯆꯠꯅꯩ ꯫[꯱꯳]
ꯑꯅꯧꯕ ꯏꯔꯥꯠ ꯊꯧꯅꯤ
ꯍꯧꯖꯤꯛꯀꯤ ꯃꯇꯝꯗꯗꯤ ꯐꯨꯡꯒꯥ ꯂꯥꯢꯔꯨ ꯂꯩꯕ ꯌꯨꯝ ꯌꯥꯝ ꯂꯩꯅꯔꯛꯇ꯭ꯔꯦ ꯫ ꯑꯗꯨꯅ ꯑꯅꯧꯕ ꯃꯇꯝꯒꯤ ꯌꯨꯝꯁꯤꯡꯗ ꯑꯈꯟꯅꯕ ꯃꯩ ꯍꯧꯐꯝ ꯍꯥꯞꯅꯔꯦ ꯫ ꯃꯐꯝ ꯑꯁꯤꯗ ꯂꯥꯢꯔꯦꯝꯕꯤ ꯑꯁꯤꯒꯤ ꯏꯔꯥꯠ ꯊꯧꯅꯤ ꯇꯧꯅꯔꯦ ꯫[꯱꯴]
ꯏꯃꯣꯢꯅꯨ ꯂꯥꯢꯔꯦꯝꯕꯤ ꯏꯔꯥꯠ ꯊꯧꯅꯤꯖꯕꯒꯤ ꯃꯑꯣꯡ ꯑꯁꯤ ꯍꯧꯖꯤꯛꯀꯤ ꯃꯇꯝꯗ ꯑꯍꯣꯡꯕ ꯀꯌꯥꯃꯔꯨꯝ ꯂꯩꯔꯦ ꯫ ꯑꯗꯨꯕꯨ ꯏꯔꯥꯠꯆꯕꯒꯤ ꯅꯨꯡꯒꯤ ꯋꯥꯈꯜꯂꯣꯟ ꯑꯃꯗꯤ ꯃꯔꯨ ꯑꯣꯢꯕꯗꯨꯗꯤ ꯑꯗꯨꯝꯃꯛ ꯍꯣꯡꯗꯅ ꯂꯩꯔꯤ ꯫[꯱꯵]
_%E2%80%94_Divine_Lady_of_domestic_hearth,_family,_fireplace,_home,_household,_kitchen,_wealth_%E2%80%94_Classical_Meitei_mythology_%26_traditional_Meitei_religion_(Sanamahism_alias_Lainingthouism)_of_early_Kangleipak_civilization.jpg)
ꯀꯨꯝꯍꯩꯁꯤꯡ
ꯏꯃꯣꯢꯅꯨ ꯏꯔꯥꯠꯄ (ꯏꯃꯣꯏꯅꯨ ꯏꯔꯥꯠꯄ) ꯑꯁꯤ ꯂꯥꯢꯔꯦꯝꯕꯤ ꯏꯃꯣꯢꯅꯨꯒꯤꯗꯃꯛ ꯄꯥꯡꯊꯣꯛꯄ ꯀꯨꯝꯍꯩ ꯑꯃꯅꯤ ꯫ ꯃꯁꯤ ꯋꯥꯛꯆꯤꯡꯒꯤ ꯱꯲ꯅꯤ ꯄꯥꯟꯕ ꯅꯨꯃꯤꯠꯇ ꯄꯥꯡꯊꯣꯛꯏ ꯫ ꯍꯥꯟꯅꯒꯤ ꯊꯥꯢꯅꯒꯤ ꯆꯠꯅꯕꯤꯗꯗꯤ ꯏꯔꯥꯠꯄ ꯑꯁꯤ ꯌꯨꯝ ꯃꯅꯨꯡꯗ ꯈꯛꯇ ꯇꯧꯅꯔꯝꯃꯤ ꯫ ꯑꯗꯨꯕꯨ ꯉꯁꯤ ꯉꯁꯤꯒꯤ ꯃꯇꯝꯗꯗꯤ ꯏꯃꯣꯢꯅꯨ ꯏꯔꯥꯠꯄ ꯀꯨꯝꯍꯩ ꯑꯁꯤ ꯂꯩꯀꯥꯢ ꯂꯩꯀꯥꯢꯒꯤ ꯂꯩꯔꯛ ꯂꯩꯔꯛꯀꯤ ꯂꯨꯞꯁꯤꯡꯒꯤ ꯁꯪꯂꯦꯟꯁꯤꯡꯗ ꯆꯥꯎꯅ ꯄꯥꯡꯊꯣꯛꯄ ꯍꯧꯅꯔꯦ ꯫[꯱꯶][꯱꯷]
ꯀꯨꯝꯍꯩ ꯑꯁꯤ ꯃꯐꯝ ꯑꯃ ꯍꯦꯛꯇꯗ ꯄꯥꯡꯊꯣꯛꯂꯕꯁꯨ ꯃꯇꯝ ꯃꯇꯝꯒꯤ ꯎꯍꯩ ꯋꯥꯍꯩꯁꯤꯡ, ꯃꯅꯥ ꯃꯁꯤꯡꯁꯤꯡ ꯑꯃꯗꯤ ꯉꯥ ꯑꯁꯤ ꯏꯃꯣꯢꯅꯨ ꯂꯥꯢꯔꯦꯝꯕꯤꯗ ꯀꯠꯅꯩ ꯫[꯱꯸]
ꯃꯃꯤꯡ ꯃꯥꯟꯅꯕꯁꯤꯡ
ꯁꯦꯟꯃꯤꯠꯂꯣꯟ (ꯀꯩꯊꯦꯜꯂꯣꯟ)
ꯏꯃꯥ ꯀꯩꯊꯦꯜ (ꯏꯪꯂꯤꯁ: Mothers' Market ) ꯑꯁꯤ ꯃꯥꯂꯦꯝꯒꯤ ꯑꯃꯇ ꯉꯥꯢꯔꯕ ꯅꯨꯄꯤꯁꯤꯡ ꯈꯛꯇꯅ ꯐꯝꯕ ꯀꯩꯊꯦꯜꯅꯤ ꯫ ꯀꯩꯊꯦꯜ ꯑꯁꯤ ꯃꯔꯨ ꯑꯣꯢꯕ ꯁꯪꯂꯦꯟ ꯳ ꯂꯩ ꯫[꯱꯹][꯲꯰][꯲꯱] ꯏꯃꯣꯢꯅꯨ ꯏꯃꯥ ꯀꯩꯊꯦꯜ ꯑꯁꯤ ꯲ꯁꯨꯕ ꯁꯪꯂꯦꯟꯅꯤ ꯫ ꯂꯩꯃꯔꯦꯜ ꯁꯤꯗꯕꯤ ꯏꯃꯥ ꯀꯩꯊꯦꯜ (꯱ꯟꯕ ꯁꯪꯂꯦꯟ) ꯑꯃꯗꯤ ꯐꯧꯑꯣꯢꯕꯤ ꯏꯃꯥ ꯀꯩꯊꯦꯜ (꯳ꯁꯨꯕ ꯁꯪꯂꯦꯟ)ꯁꯨ ꯂꯩ ꯫[꯲꯲] ꯆꯍꯤ ꯵꯰꯰ ꯍꯦꯜꯂꯕ ꯀꯩꯊꯦꯜ ꯑꯁꯤ ꯏꯝꯐꯥꯜꯒꯤ ꯃꯌꯥꯢꯗ ꯂꯩ ꯫[꯲꯳]
ꯃꯔꯤ ꯂꯩꯅꯕ ꯂꯃꯥꯢꯁꯤꯡ
- ꯏꯔꯩꯃ - ꯃꯤꯇꯩ ꯏꯃꯥꯕꯤ
- ꯂꯩꯃꯔꯦꯜ ꯁꯤꯗꯕꯤ - ꯃꯤꯇꯩ ꯃꯥꯂꯦꯝ ꯂꯩꯃ
- ꯉꯥꯂꯩꯃ - ꯃꯤꯇꯩ ꯉꯥꯒꯤ ꯂꯥꯢꯔꯦꯝꯕꯤ
- ꯄꯥꯟꯊꯣꯢꯄꯤ - ꯃꯤꯇꯩ ꯂꯥꯟꯂꯩꯃ
- ꯐꯧꯑꯣꯢꯕꯤ - ꯃꯤꯇꯩ ꯐꯧꯂꯩꯃ
- ꯊꯨꯝꯂꯩꯃ - ꯃꯤꯇꯩ ꯊꯨꯝꯒꯤ ꯂꯥꯢꯔꯦꯝꯕꯤ
ꯃꯇꯦꯡ ꯂꯧꯔꯛꯐꯝ
- ↑ Singh, Rocky (2014-07-25). Highway on my Plate - II: the indian guide to roadside eating (in en). Random House India, 44. ISBN 978-81-8400-642-1.
- ↑ A Hymn for Goddess Emoinu.
- ↑ Meiteis celebrate Emoinu.
- ↑ Devi, Dr Yumlembam Gopi. Glimpses of Manipuri Culture (in en). Lulu.com. ISBN 978-0-359-72919-7.
- ↑ EMOINU AHONGBI THOUNIROL (A Traditional adoration to Goddess Emoinu).
- ↑ Kipgen, Tingneichong G. (2010). Women's Role in the 20th Century Manipur: A Historical Study (in en). Gyan Publishing House. ISBN 978-81-7835-803-1.
- ↑ EMOINU AHONGBI THOUNIROL (A Traditional adoration to Goddess Emoinu).
- ↑ A Critical Study Of The Religious Philosophy, 75.
- ↑ A Critical Study Of The Religious Philosophy, 165.
- ↑ A Critical Study Of The Religious Philosophy, 165.
- ↑ EMOINU AHONGBI THOUNIROL (A Traditional adoration to Goddess Emoinu).
- ↑ Gill, Preeti (2014-02-13). The Peripheral Centre: Voices from India's Northeast (in en). Zubaan. ISBN 978-93-83074-65-5.
- ↑ Oral Narratives of Manipur, 231.
- ↑ Oral Narratives of Manipur, 231.
- ↑ Oral Narratives of Manipur, 231.
- ↑ Emoinu day.
- ↑ Emoinu Eratpa celebrated.
- ↑ Imoinu Iratpa extensively held all over.
- ↑ Gupta, Om (2006). Encyclopaedia of India, Pakistan and Bangladesh (in en). Gyan Publishing House. ISBN 978-81-8205-389-2.
- ↑ Shivhare, Vishal (2016-08-17). Vyapar Shastra (in en). Jaico Publishing House. ISBN 978-81-8495-898-0.
- ↑ Singh, Dr Th Suresh (2014-06-02). The Endless Kabaw Valley: British Created Visious Cycle of Manipur, Burma and India (in en). Quills Ink Publishing. ISBN 978-93-84318-00-0.
- ↑ All-women Imphal market reopens after 10 months.
- ↑ Singh, Dr Th Suresh (2014-06-02). The Endless Kabaw Valley: British Created Visious Cycle of Manipur, Burma and India (in en). Quills Ink Publishing. ISBN 978-93-84318-00-0.
ꯂꯥꯢꯔꯤꯛꯁꯤꯡ
- Emoinu Ahongbi Tungnapham by Budhichandra, Yumnamcha
- Holy Man by Dhiren Meitei,a.k
- Laiyingthou Lairemmasinggee Waree Seengbul by Neelabi, Sairem
- Leeklam by Apunba Shintha Lup
ꯑꯇꯣꯞꯄ ꯌꯦꯡꯐꯝꯁꯤꯡ
|
ꯋꯤꯀꯤꯃꯦꯗꯤꯌꯥ ꯀꯝꯃꯟꯁꯇ Emoinu ꯑꯁꯤꯒ ꯃꯔꯤ ꯂꯩꯅꯕ ꯄꯥꯎ-ꯏ ꯐꯪꯕꯤꯒꯅꯤ꯫ |